Góðan morgun Føroyar

Barnagranskarin, Erik Sigsgaard, hevur stóra vitan um og nógvar royndir við at arbeiða við børnum og dagstovnum.

Hann hevur skrivað fleiri bøkur um skeld. Eitt nú Skældud og Skæld mindre ud.

Fyrimunurin við at hava eitt umhvørvi við minni skeldi er, at børn og vaksin blóma. Børnini verða eggjað at spæla meira, kanna meira og menna seg meira.

Tey vaksnu fara at kenna størri arbeiðsgleði, tá tey arbeiða í einum meira jaligum umhvørvi.

Erik Sigsgaard er á í Føroyum í sambandi við verkstovu, sum Synergi skipar fyri.

Vágaportalurin skrivar á heimasíðu sínari, at teimum dámar ikki at seta upp múrar og krevja gjald fyri at sleppa inn. Vágaportalurin vil, at øll skulu sleppa framat tilfarinum, ikki bara tey sum gjalda. Tí biðja teir lesaran umhugsa at stuðla.

Hetta er nýtt at gera á netmiðlum í Føroyum, men uttanlands gera fleiri miðlar tað, m.a. enski miðilin the Guardian. Gunnar Skúvadal, journalistur, sum eigur Vágaportalin og Øssur Winthereig, journalistur og næstformaður í Føroyskum Miðlafólkum, skiftu orð um evnið í morgunsendingini.

Í sambandi við at Visit Faroe Islands miðvíst fór at arbeiða við vinnuferðavinnu fyri 4,5 árum síðani, so valdi Green Gate eisini at fokusera uppá hetta økið. Hetta er, tá fyritøkur og feløg velja at koma til Føroya at halda fundir, ráðstevnur ella geva t.d. sínum sølufólkum ella starvsfólkum eina serliga uppliving - kallað incentive.

Green Gate hevur økt øgiliga nógv um sítt virksemi, og í mai mánaða í ár vísa tølini hjá Green Gate ein fleirfaldaðan vøkstur.

Eftir sýningina vinnur ein filmur Geytavirðislønina, sum er 30.000 kr, og so fáa áskoðararnir eisini høvi at velja sín yndisfilm, og vinnarin av áskoðaravirðislønini fær 25.000 kr.

Jan Berg Jørgensen, nevndarlimur í Geytanum, sigur, at tey leggja fyrst og fremst dent á originalitet í søgufrágreiðingini, og so hvørjar frásøgusnildir, og hvørjir teknikkir eru brúktir, tá tey skulu velja ein vinnara.

- Um mann er undir trýsti, so kann tað henda, at mann ikki kemur burtur úr eini ringrás,tí mann ikki fær rúmið og tíðina til at finna okkurt nýtt. Tað er tað, sum mann allatíð vil; finna okkurt nýtt og ókent. Tað sigur Hansina Iversen, sum nú fær arbeiðsfrið í trý ár.

Upprunaliga vórðu Torradagarnir stovnaðir, tí Klaksvík er ein fiskivinnubýur, og klakvíkingar saknaðu eitt tiltak hesa tíðina av árinum, tí tað var ov leingi at bíða til Norðoyastevnu. Nú eru ellivu ár liðin, síðani Torradagarnir byrjaðu.

Torradagar snúgva seg um sjólív, fiskiskap, torratíð og torradagar. Dávur Winther, leiðari á mentanardeildini í Klaksvíkar Kommunu greiðir frá, at hetta hevur áhuga hjá fólki.

Anna Sofía Jørgensen, rithøvundur, hevur fingið starvsløn fyri fyrstu ferð. Hon fær starvsløn í tríggjar mánaðir, og hon skrivar eina bók.

Jens Dam Ziska fær somuleiðis starvsløn í tríggjar mánaðir, og hann ætlar at gera tvær listaframsýningar. Eina í ár og eina næsta ár.

Maria Winther Olsen fer at brúka sína starvsløn til at skriva eitt nýtt spælifilmshandrit. Hon hevur fingið starvsløn fyrr, og skrivaði tá filmshandritið til filmin Nina.

Starvslønirnar 2018 hjá Mentanargrunni Landsins vórðu almannakunngjørdar mánadagin. Fleiri kend nøvn eru á listanum, meðan summi hava fingið starvsløn fyri fyrstu ferð. Birgir Kruse sigur seg tó kenna øll nøvnini á listanum, og hann saknar nýggj fólk á listanum, sum vit einki kenna til.

Birgir Kruse undrast eisini á, at man letur starvsløn so stutt sum í ein mánað og tveir mánaðir, tí tað er ov lítið av tíð at arbeiða við.

Á summum valstøðum er tað helst trupult, at ikki kunna gita, hvør velur hvat, tí í lógini um val til Løgtingið er ásett, at einki valstað kann hava færri enn 10 veljarar.

Hetta kann hava við sær, at tað gerst lætt at gita og partvíst eisini vita, hvat og hvønn fólk í smærru bygdunum velja.

Ein bygd, sum er útsett fyri hesum er Gjógv. Ásdís Jensdóttur og Friðrika Mortensen Kristiansen búgva við Gjógv og kenna væl til hetta.

Tað fekk ilt í fleiri, tá fyrsta sendingin "Gud signi Føroyar"  var send í sjónvarpinum, og sendingin hevur eisini elvt til nógv kjak á sosialu miðlunum. Síggj sendingina her.