Nógv okkara brúka í dag einans myndatóli á fartelefonini, tá myndir skulu takast.

Men hvat eigur tú at hugsa um, tá tú tekur myndir við telefonini, soleiðis at úrslitið verður so gott sum gjørligt?

Í morgunsendingini gevur Beinta Haraldsen góð ráð. Hon hevur nógv ár á baki sum fotografur og undirvísir einstaklingum og fyritøkum í at taka myndir við fartelefon.

Gestir hesaferð:

Hanus Kjølbro

Jens Christian Holm

Sólrun Foldbo

Beinta Haraldsen

Tað byrjaði við 50 tannáringum í Týsklandi í 1993, og er nú vaksið til, at 20.000 luttakarar úr 42 ymiskum londum koma saman.

Hjúnini, Símun Jóannesarson Hansen og Randi Hansen, eru í leiðslutoyminum. Tey eru sera spent, nú Teenstreet loksins aftur verður, sum tað plagdi at vera.

- Hjá fleiri ungum er hetta fyrstu ferð, at tey ferðast einsamøll á henda hátt. Tí hevur tað stóran týdning, at vit, sum varða av teimum, duga at handfara tær støður, sum taka seg upp, siga hjúnini.

Eini 400 fólk, ung og vaksin, plaga at vera í føroyska ferðalagnum.

Kvinnur og menn eru á flestum økjum ósamd um spurningar viðvíðkjandi javnstøðu. Tað finst við øðrum orðum ein gjógv millum kynini viðvíkjandi fatanum, upplivingum og sjónarmiðum um javnstøðu.

Soleiðis ljóðar ein av høvuðsniðurstøðunum í kanningini um javnstøðu í Føroyum, sum Fróðskaparsetur Føroya, Javnstøðunevndin, Demokratia og Almanna- og mentamálaráðið hava samstarvað um.

Lóðir hevur staðið fyri innsavningini av data, og tað eru Erika Hayfield, Herit Albinus og Heini í Skorini á Søgu- og samfelagsdeildini, ið hava greinað úrslitini og skrivað eina frágreiðing.

Eitt nýtt mál, nýggj mentan og eitt fullkomiliga nýtt umhvørvi.

Hetta var veruleikin hjá tí tá 15 ára gomlu Duygo Odabasi úr Turkalandi, tá hon 22. september í fjør kom til Føroya at vera AFS-skiftisnæmingur. At hon endaði í Føroyum, var hon ikki heilt fyrireikað uppá.

- Eg visti als einki um Føroyar, tí eg hevði ynskt at koma til Danmarkar, so tað var ein løgin kensla. Men í dag eri eg sera glað fyri, at eg endaði í júst Føroyum, sigur Duygo Odabasi, sum hetta tíðarskeiðið hevur gingið á Glasi.

Gestir í sendingini eru Hanus Kjølbro, Súsanna Vang og Duygu Odabasi

Í ár er kórfestivalurin í Fuglafirði. Í ár eru 17 kór meldað til kórfestivalin og umleið 150 sangarar meldaðir til felagsskórið.

Leif Hansen frá kórsambandinum fegnast um, at luttøkan í ár er methøg. Tað sigur nakað um, at kórsangur er væl dámdur í Føroyum.

Michael Bowtree er gestadirigentur til felagskórið, sum skal framføra leygardagin.

Fuglafjarðar Sangkór er vertur í ár, og tey hava gjørt klárt at taka í móti øllum hesum fólkunum.

Í annaðkvøld, leygarkvøldið klokkan 20, verður finalan í tónleikakappingini Sement. Tað hava verið trý innleiðandi umfør, og 17 bólkar hava framført.

Seks bólkar eru komnir víðari í finaluna, og teir skulu allir á pallin aftur í annaðkvøld. Æðrasoppar, Tórmóður, Eimyrja, Nimbus Tópus, Dóttir og Benjamin Rajani eru í finaluni.

Brøðurnir Heri Wang Danielsen og Svend Danielsen hava sent beinleiðis í sjónvarpinum frá Sement seinastu trý leygarkvøldini og vera aftur at síggja á skíggjanum í annaðkvøld.

Í panelinum í morgun eru Rani Nolsøe, Elisa Vang og Arni Zachariassen.

Tey trý eru sera samd, tá ið tosað er um tann nógv umrødda MR skannaran í Klaksvík, sum hevur elvt til kjak. Í meðan stjórin á Klaksvíkar sjúkrahúsið fegnast um nýggja skannaran, so heldur landsstýriskvinnan í fíggjarmálum tað ikki vera í lagi, at Klaksvíkar sjúkrahús fær ein skannara í gávu.

- Sangurin er speiskur, stuttligur og snýr seg um ein persón, ið hevur álitistrupulleikar uttan at vita av tí, sigur 24 ára gamla Marianna Winter.

Consequences, er hennara næsta lag í ár. Í mars mánaða útgav hon lagið, Cruising.

 

Ættarliðið Z

Í einum ummæli, verður nevnt, at hennara tónleikur er í tráð við ættarliðið Z.