Gullkastið

Stjórnandi: Maggi

Viðmælendur: SSteinn og Hafliði Breiðfjörð

Síðast þegar Liverpool vann ekki fótboltaviðureign var þegar U9 ára liðið tapaði gegn Aston Villa á síðasta áratug. Það var því svekkjandi sjokk að missa Shrewsbury í aukaleik í bikarnum og það í miðju vetrarfríinu. Bölvaður óþarfi raunar og skiptar skoðanir um það hvernig Liverpool ætlar að tækla það. Wolves var hinsvegar klárað í deildinni í hörkuleik og framundan eru tveir leikir í deildinni.

Hafliði Breiðfjörð eigandi fotbolti.net var með okkur að þessu sinni og fór m.a. yfir baráttu sína gegn yfirvöldum fyrir hönd síðunnar enda verið að skekkja samkeppnisumhverfi síðunnar töluvert.

Auðvitað var beðið eftir United með lagið sem andstæðingar Liverpool hafa af einhverjum undarlegum ástæðum dreymt um að heyra á Anfield í nokkra mánuði. Þetta gat ekki verið mikið fullkomnari tímasetning en í uppbótartíma gegn United til að gulltryggja sigurinn og svo gott sem afgreiða deildina í leiðinni. Þetta var besta fótboltahelgi á miðju tímabili í sögu enska boltans og það var hrikalega gaman að ræða hana.

Eðlilegt line-up að þessu sinni og upphitun fyrir Pub Quiz í bónus þar sem SSteinn og Maggi mættust.

Stjórnandi: Einar Matthías Viðmælendur: SSteinn og Maggi

Stjórnandi: Maggi Viðmælendur: Maggi Þórarins (Beardsley), Eyþór, Daníel og Hannes.

Það hjálpaði Motormouth ekkert að pakka í vörn á heimavelli gegn þeirri vél sem þetta Liverpool lið er orðið. Þáttur strax eftir leik og meirihluti pennanna samankomin í miðborg Sódómu. Einar og SSteinn sátu hjá á meðan Maggi tók stjórnvölin og fór yfir leikinn með pennum síðunnar.

Stjórnandi: Einar Matthías Viðmælendur: SSteinn og Maggi

Það er ekki hægt að koma því nægjanlega vel til skila hér á landi hversu mikill rígur er á milli Liverpool og Everton í Liverpool borg. Þessi tapleikur Everton í gærkvöldi er mögulega sá versti í nágrannaslag gegn Liverpool frá upphafi og það er svo sannarlega af nægu að taka. Van Wilder stjóri Sheffield United sló metið í flokki andstæðinga þegar kemur að því að hrósa Liverpool liðinu eftir fyrsta leik Liverpool á nýju ári á meðan Wolves voru bölvaður VARÚlfar (afsakið). Tottenham og Jose um næstu helgi.

Stjórnandi: Einar Matthías Viðmælendur: SSteinn og Maggi

Heimsmeistarar fyrir jól og titilbarátta Leicester afgreidd strax eftir jól. Þessi vika er búin að vera stanslaus veisla. Horfðum aðeins til baka á helstu atvikin á þessum áratug og eins var spáð í spilin fyrir áramótaleikjunum gegn Wolves og efsta United liði deildarinnar, Sheffield.

Stjórnandi: Einar Matthías Viðmælendur: SSteinn og Maggi

Liverpool spilar um gullið í Heimsmeistarakeppni Félagsliða en er úr leik í Framrúðubikarnum á Englandi, jöfnum okkur alveg á því. Börnin gerðu eins vel og hægt var að búast við af þeim, jafnvel betur en aðalliðið gerði í Katar. Minamino var í læknisskoðun í dag, koma fleiri leikmenn? Ancelotti og Arteta staðfestir hjá Everton og Arsenal, hvor er betri? Þetta og meira í síðasta þætti fyrir jól.

Stjórnandi: Einar Matthías Viðmælendur: SSteinn og Maggi

Athletico Madríd í Meistaradeildinni svo lengi sem það verður ekki eldgos í Eyjafjallajökli! Klopp búinn að framlengja til 2024. Watford tekið með vinstri og forskotið eykst á toppnum. Fréttir vikunnar og Leicester - Man City. Börnin spila í deildarbikarnum á morgun á meðan fullorðnu strákarnir spila á HM félagsliða á miðvikudaginn. Nokkurnvegin dagskráin að þessu sinni.

Stjórnandi: Einar Matthías Viðmælendur:SSteinn og Maggi

Liverpool vann ofvirkasta lið Evrópu sæmilega sannfærandi og virðast hafa tekið þeirra besta mann með sér heim eftir leik, Takumi Minamino sem var fullkomlega allsstaðar í leiknum enda búinn að drekka 17 Red Bull fyrir leik. Skoðum hvaða lið koma til greina sem mótherjar í 16.liða úrslitum og hvað við viljum. Botnliðið svo um helgina.

Stjórnandi: Einar Matthías

Viðmælendur: SSteinn og Maggi

Þessi vika var mögulega vendipunktur á tímabilinu, Liverpool skipti upp einn gír og náði í sex stig á meðan Man City misstieg sig aftur. Nóvemberuppgjör og næsta vika.

Stjórnandi: Einar Matthías Viðmælendur:SSteinn og Maggi

Liverpool vann sinn leik og allir helstu andstæðingar Liverpool töpuðu stigum, fullkomið. Fórum um víðan völl í umræðu um síðustu viku og það sem er framundan.