Gullkastið

Stjórnandi: Einar Matthías Viðmælendur:SSteinn og Maggi

Fótboltaleikur er 90 mínútur plús uppbótartími og til að fá eitthvað gegn Liverpool um þessar mundir þarf að halda einbeitingu allan þennan tíma. Enn einn hugarfarssigurinn niðurstaðan um helgina með sigurmarki á lokamínútunum, dásamlegt. Framundan er eina liðið sem hefur unnið Liverpool á leiktíðinni og strax í kjölfarið heimaleikur gegn Brighton til að slútta nóvember.

Stjórnandi: Einar Matthías Viðmælendur:SSteinn og Maggi

Stóru fréttir vikunnar voru að sjálfsögðu í fókus í þætti vikunnar þó þær snerti Liverpool ekki beint. Tottenham rak besta stjóra í nútímasögu félagsins og borgar samtals um 27m til að fá Mourinho í staðin til að vinna með Daniel Levy. Það ætti að sjónvarpa öllum þeirra fundum beint, Amazone Prime gæti séð um upptökurnar.

Síðasti leikur Liverpool var svo auðvitað gegn Man City og við erum langt í frá búnir að gleyma þeirri gleði. Næsta verk er svo Palace um helgina.

Stjórnandi: Magnús Már Einarsson

Viðmælendur: Einar Matthías, Maggi og SSteinn

Fórum á skrifstofur Fótbolti.net til að taka upp Innkastið sem fjallaði um veislu helgarinnar. Það er því ekki hefðbundið Gullkast í þessari viku.

Stjórnandi: Einar Matthías Viðmælendur:SSteinn og Maggi

Það er nokkuð ljóst að Man City leikirnir eru stærstu leikir tímabilsins ef eitthvað er að marka þá spennu sem hefur verið að byggjast upp alla þessa viku. Fókus að sjálfsögðu töluverður á þeim leik en einnig þremur síðustu leikjum, endurkomunni í Birmingham, bullinu gegn Arsenal og þessum Genk leik sem enginn nennti að spá enda hugurinn á helginni.

Kynnum til leiks nýja dagskrárlið í samstarfi við Sport & Grill Smáralind, Gullkastið TV. Þetta er hugsað sem mánaðarlegur sjónvarpsþáttur af Gullkastinu þar sem við mætum á okkar heimavöll og gerum upp mánuðinn. Þetta er semi demo útgáfa en vonandi eitthvað sem við þróum áfram.

Stjórnandi: Einar Matthías Viðmælendur:SSteinn og Maggi

Stjórnandi: Maggi Þórarins

Til að almennilega upp fyrir leik gegn Aston Villa þá er fátt betra en að fá toppþjálfarann, Liverpool-áhangandann og fyrrum leikmann Villa til spjalla stuttlega um fortíð, framtíð og nútíð.

Það er enginn annar en góðkunningi Kop.is og gulldrengurinn Jóhannes Karl Guðjónsson sem spjallar við okkur

Stjórnandi: Einar Matthías Viðmælendur:SSteinn og Maggi

Sex stig á City, miklu betra TV en Sex in the City. Tottenham fékk 0-1 forgjöf og spilaði eins og Pulis-lið allan leikinn en það dugði ekki til. Þrír risapunktar í toppliðaslag. Genk var lítið mál í Belgíu með miðjunni okkar allra inná. Verðum svo fremst í stafrófinu í næstu leikjum.

Stjórnandi: Einar Matthías Viðmælendur:SSteinn og Maggi

Liverpool vann ekki deildarleik, það gerðist síðast 3.mars þannig að auðvitað var þörf á krísufundi og áfallahjálp áður en hægt að spá í næstu leikjum gegn Genk og Tottenham.

Stjórnandi: Einar Matthías Viðmælendur:SSteinn og Maggi

Rétt eins og þegar United var á toppnum þá á það sama við núna þegar þessu er öfugt farið, Liverpool - Man Utd er stærsti leikurinn í fótboltanum. Það er nóg að frétta innan sem utanvallar hjá United og því tókum við vel á þeirra sápuóperu.

Stjórnandi: Einar Matthías

Viðmælendur: Maggi og SSteinn

Eins og Emlyn Huges sagði á sínum tíma "Liverpool are magic, Everton are tragic". Liverpool er áfram með fullt hús á toppnum á meðan Everton er í fallsæti og Manchester liðin töpuðu bæði skyldusigursleikjum til að toppa helgina. Leikir helgarinnar ásamt umræðum um City, Spurs og Everton sérstaklega.