Guinée, guyaale hino heewi ko waɗata saaha ndarte ngenndiije walla eksamenji janngooɓe. Haa hannde, pehe ɗe ardiiɓe jannde leydi ndii ƴetti ɗee, waawaali dartinnde ɗee guyaale. Ko ɗum saabi hikka, yo ɓe nanngu kala janngooɓe e jannginooɓe waɗuɓe guyaale e ɗen ndarte. Ɓe fow, ɓe fawaama junngo ɓe ñaawaama. Woɓɓe e maɓɓe fawaama kaso wonnude e yoɓugol alamaani. Taw si ɗee yagginanɗe haɗan ɗee guyaale ? Mbele ɗee guyaale hino jaali e nder ndii leydi fow ? Ko holɗum woni batte majje e dow jannde ndii leydi? Koɗo men hannde ko Alpha Oumar Baldé, inspekteerjo walla ƴewtotooɗo jannde kiɗɗo e nder guinée. Himo jaaboo laamnde Ibrahima Timbi Bah...