ایک بار پھر عظمتوں اور برکتوں کا مہینہ ہم پر سایہ فگن ہو چکا ہے، الله تعالیٰ کی طرف سے عطا کردہ فیضانِ خاص، جی ہاں !جس کی آمد سے کئی دنوں پہلے ہی ہم اس کی تیاریوں میں لگ جاتے ہیں ،ہمارا محبوب ترین مہمان :رمضان کریم۔
رب کریم ہم گناہ گار بندوں کو اپنے گناہ بخشوانے کے ہمیشہ مواقع فراہم کرتا رہتا ہے۔ ایک ایک دن اور رات میں کئی گھڑیاں اس نے قبولیت کی رکھ دی ہیں۔ہر روز تہجد میں تو ہمیں پکارتا ہی ہے کہ ہے کوئی مانگنے والا جسے میں عطا کروں؟ اس کے علاوہ ہفتے میں ہمارے لیے جمعہ کا عظیم دن رکھ دیا، جس دن میں قبولیت کی گھڑیاں رکھ دیں،اور پھر یہ اس رب کریم کا کرم ہی تو ہے کہ ہر سال ہمارے لیے ایک مہینہ رکھا جو رحمت،مغفرت اور جہنم سے نجات کا مہینہ ہے۔
پچھلا رمضان گزرا، جیسےابھی پرسوںکی بات ہو، اور دیکھتے ہی دیکھتے یہ رمضان بھی ہم تک آپہنچا۔اب یہ ہم بندوں پر منحصر ہے کہ ہم اس مہینےکی برکتوں سے کتنا فائدہ اٹھاتے ہیں؟آیا روزوں سے تقویٰ حاصل کرتے ہیں یانہیں؟ ارشادِ باری تعالیٰ ہے:

یٰآ اَیُّهَا الَّذِیْنَ اٰمَنُوْا کُتِبَ عَلَیْکُمُ الصِّیَامَ کَمَا کُتِبَ عَلَی الَّذِیْنَ مِنْ قَبْلِکُمْ لَعَّلَکُمْ تَتَّقُوْنَO(البقرة: 183)

(اے ایمان والو! تم پر اسی طرح روزے فرض کیےگئے ہیں، جیسے تم سے پہلے لوگوں پر فرض کیےگئے تھے، تاکہ تم پرہیزگار بن جاؤ۔)
اس آیت کریمہ میں دو باتیں بالکل واضح بیان کی گئی ہیں۔ ایک یہ کہ روزے صرف امت محمدیہ صلی اللہ علیہ وآلہ وسلم پر ہی نہیں، بلکہ سابقہ امتوں پر بھی فرض کیے گئے، دوسرا روزے کا مقصد بیان کیا گیا ہے۔لیکن افسوس صد افسوس !کہ اکثر مسلمان روزے کے مقصد ہی سے غافل رہتے ہیں۔(الا ما شاءاللہ)

رمضان کا بہت گہرا تعلق قرآن سے ہے۔ اس بابرکت مہینے میں عبادت کا تعلق بھی نماز ،قرآن ، انفاق اور سلوک سے ۔مولانا ابو الکلام آزاد’’ ترجمان القرآن‘‘ میں رقم طراز ہیں کہ:
’’ جس قرآن کی عظمت کی وجہ سے اس ماہ کو برکت بخشی گئی، اسے عظمت والا مہینہ بنایا گیا، مسلمانوں نے بڑے تزک و احتشام سے رمضان کو تو لے لیا، لیکن قرآن کو یکسر بھلا دیا ۔‘‘
قرآن پر عمل کے لیے انسان میں جو صفات مطلوب ہیں ،اس کی آبیاری کا مہینہ رمضان ہے ۔تاہم آج سے بیس تیس سال پہلے کی نسبت قرآن کے تئیں،خصوصاً خواتین کے رویے میں قابل قدر تبدیلی واقع ہوئی ہے ۔ پچھلے وقتوں میں صرف رمضان میں ہی تلاوت کی غرض سے اہتمام سے قرآن کو کھولا جاتا ،اور وہ بھی صرف بوڑھی خواتین اس کی تلاوت کا اہتمام فرماتی تھیں ۔اسی طرح کسی کی موت پر قرآن بخشنے کے لیے کھولا جاتا ، یا نیا گھر بنالیں تو قرآن خوانی کے لیے ،کسی سکرات کے مریض قریب سورہ یٰسٓ سنانے کے لیے یا نئے گھر اور دوکان یا مکان کےافتتاح کے لیے،یا پھرر مدرسے اور مکتب میں قرآن کھلا کرتا ،تاہم اب خواتین میں قرآن مجید کو سمجھ کر پڑھنے کا رجحان تیزی سے بڑھا ہے ۔
اس مضمون میں موجود متعارف ہونے والی شکلوں کے ساتھ کچھ مشورے بھی اس سے متعلق رکھے جائیں گے ۔
پہلےقرآن سے تعلق کی وہ مختلف شکلیں، جو خصوصاً رمضان میں سامنے آتی ہیں، درج ذیل ہیں :

دورۂ قرآن

قرآن مجید کو رمضان میں سماعت کا رجحان ماضی قریب میں بڑھاہے، سبھی خواتین رمضان میں صبح کے وقت جمع ہوجاتی ہیں، سب کے ہاتھ میں قرآن ہوتے ہیں، ایک خاتون بلند آواز سے صرف تلاوت کرتی ہے اور باقی سب اسے دیکھتے ہیں،پھر کوئی ایک خاتون قرآن پاک سمجھاتے ہوئے اس کی تلخیص پیش کرتی ہے ۔

سماعت قرآن مع ترجمہ

 خواتین اپنے اپنے قرآن لے کر آتی ہیں۔ کسی ایک جگہ جمع ہوکر ایک خاتون بلند آواز سے ایک رکوع پڑھتی ہے، اور دوسری خاتون اسی رکوع ترجمہ سناتی ہے ،تمام بہنیں اس پر غور کرتے ہوئے سماعت کرتی ہیں ،اور درمیان میں اگرکوئی بات نہ سمجھ میں آئے یا گفتگو مقصود ہوتو خواتین سوال پوچھتی ہیں، کوئی ایک ایسی خاتون جس کا مطالعہ ہو، وہ اس کی تشریح اور وضاحت کرتی ہے۔
کہیں اگر خاتون کی بلند خوانی کا مسئلہ ہو یا شرعی عذر ہو اور کوئی دوسرا فرد پڑھنے کو تیار نہ ہوتو کوشش یہ کی جاتی ہے کہ مختلف ایپس سے قرآن کی تلاوت اور ترجمہ پلے کیا جاتا ہے، سب بہنیں سنتی ہیں، جہاں ضرورت ہو وہاں روک کر وضاحت کی جاتی ہے ۔اس سماعت کے نظم کے کئی فوائد ہیں۔ تلفظ کا اشکال دور ہوتا ہے، قرآن فہمی کے ذریعہ لفظی ترجمہ سننے والی بہنوں کا اعادہ ہوجاتا ہے ، احکامات پر غور وفکر کیا جاتاہے۔
اس کا بڑا فائدہ ان خواتین اور طالبات کو بھی ہے، جو اب تک احکامات سے نابلد تھیں، جیسے: نامحرمات کی فہرست ، وراثت کی تقسیم ، اور مرد و خواتین سے قرآن کی مخاطبت کےدائرہ کار اور فرائض و حقوق سے واقفیت ہوتی ہے ۔

آن لائن قرآن کلاس

یہ ایک ماہ کا کورس کئی سائٹس نے متعارف کروایا ہے ،جو خواتین اپنے چھوٹے بچوں یا جاب کی مصروفیت یا کسی عذر یا شوہر کی اجازت نہ ہونے کی وجہ سے کہیں جاکر سماعت کی سہولت نہ پائیں ،وہ ان کاایک ماہ کا کورس جوائن کرسکتی ہیں ،خصوصاً رمضان میں: 

یقیناً حلال واضح ہے اور حرام بھی واضح ہے۔ ابو عبداللہ بن نعمان بن بشیرؓ سے روایت ہے، وہ کہتے ہیں ،میں نے رسول الله صلى الله عليه وسلم کو فرماتےہوئے سنا: ’’یقیناً حلال واضح ہے اور حرام بھی واضح ہے ۔ان دونوں کے درمیان کچھ مشتبہ چیزیں ہیں ،چنانچہ جو شخص شبہ سے بچ گیا اس نے اپنے دین اور آبرو کو محفوظ کر لیا، اور جو شبہ والی چیزوں میں پڑ گیا وہ حرام میں پڑ جائے گا ۔اس کی مثال اس چرواہے کی ہے، جو کسی محفوظ چراگاہ کے ارد گرد چراتا ہے، تو قریب کے جانور اس چراگاہ میں سے بھی چر لیں ۔سنو ہر بادشاہ کی ایک محفوظ چراگاہ ہوتی ہے۔ (جس میں کسی کو داخل ہونے کی اجازت نہیں ہے۔ )آگاہ رہو اللہ کی چراگاہ اس کی حرام کردہ چیزیں ہیں۔سنو  جسم کے اندر گوشت پوست کا ایک ٹکڑا ہے ۔جب وہ درست ہوتا ہے ،تو سارا جسم درست رہتا ہے ،اور جب وہ بگڑ جاتا ہے، تو سارا جسم بگڑ جاتا ہے ۔
جان لو وہ دل ہے ۔‘‘(صحیح بخاری : 52،صحیح مسلم : 1599 )
مذکورہ حدیث سورہ آل عمران کی آیت نمبر 7 کی تشریح ہے ۔اللہ کا فرمان ہے:

هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ ۖ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ۗ وَمَا يَعْلَمُ تَأْوِيلَهُ إِلَّا اللَّـهُ ۗ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا ۗ وَمَا يَذَّكَّرُ إِلَّا أُولُو الْأَلْبَابِ ﴿سورہ آل عمران 7﴾

(وہی خدا ہے جس نے یہ کتاب تم پر نازل کی ہے۔ اس کتاب میں دو طرح کی آیات ہیں : ایک محکمات جو کتاب کی اصل بنیاد ہیں اور دوسری متشابہات ۔جن لوگوں کے دلوں میں ٹیڑھ ہے وہ فتنے کی تلاش میں ہمیشہ متشابہات ہی کے پیچھے پڑے رہتے ہیں ،اور ان کو معنی پہنانے کی کوشش کیا کرتے ہیں ،حالانکہ ان کاحقیقی مفہوم اللہ کے سوا کوئی نہیں جانتا ۔برخلاف ان لوگوں کے جو علم میں پختہ کار ہیں ،وہ کہتے ہیں کہ ہمارا ان پر ایمان ہے، یہ سب ہمارے رب ہی کی طرف سے ہیں ۔) (سورہ آل عمران)

قرآن مجید اس زمین پر اللہ تعالیٰ کی سب سے بڑی نعمت و رحمت ہے ،یہ کتاب ہر دور کے انسانوں کے لیےراہ ہدایت ہے ۔اللہ تعالیٰ نے اسے فرقان یعنی حق و باطل میں تمیز کرنے والی بتایا ہے ۔۔مولانا مودودی رحمہ اللہ اس آیت کی تفسیر میں لکھتے ہیں کہ لفظ تبارک کے اندر یہاں مبالغہ کا مفہوم پایا جاتا ہے، یہ کئی معنوں میں استعمال کیا گیا ہے ،بڑا محسن و با خیر ،نہایت بزرگ و برتر ،بہت ہی مقدس اور کمال قدرت والا ،وہ ذات ہے جس نے یہ فرقان نازل فرمایا ۔
فرقان کہہ کر دراصل اس حقیقت کی طرف اشارہ فرمایا گیا کہ یہ کتاب اپنی صداقت ثابت کرنے کے لیے بجائے خود ایک دلیل و حجت ہے ،یہ کسی خارجی دلیل کی محتاج نہیں ۔سورۂ فرقان میں دراصل کفار و مشرکین کے ان اعتراضات کا جواب دیا گیا ہے، جو محمد صلی اللہ علیہ وسلم کی نبوت اور آپ کی پیش کردہ تعلیمات پر کیا کرتے تھے ۔یہ آیت ایک تمہید کے طور پر ہے، آگےکی آیات پڑھنے سے اندازہ ہوتا ہے کہ کس طرح کفار و مشرکین کی فضول و احمقانہ باتوں پر گرفت کی گئی ہے۔چنانچہ لفظ’’ عبدہ‘‘ بھی نبی صلی اللہ علیہ وسلم کے لئے ایک خاص التفات کا حامل ہے ، اور اس التفات کا یہاں ایک خاص محل ہے ،کفار کے ان اعتراضات کے جواب میں جو وہ آپ اور آپ کی تعلیمات پر تحقیر آمیز انداز میں کیا کرتے تھے ۔خاص طور پر مکہ اور طائف کے دولت مند ،جو اپنی دنیاوی و مالی برتری کے گھمنڈ میں چور تھے ،اور نبی صلی اللہ علیہ وسلم کی ان وسائل سے بے تعلقی پر چوٹیں کیا کرتے تھے ،اور اس چیز کو آپ کی رسالت کی تردید میں ایک بہت بڑی دلیل کے طور پر پیش کیا کرتے تھے ۔(تدبر قرآن)
اللہ تعالیٰ نے یہاں متکبرین کی اسی ذہنیت کو سامنے رکھ کر فرمایا کہ اس نے اپنے بندۂ خاص پر فرقان کی شکل میں نعمت عظمیٰ اتاری ،اس کے بعد وہ کسی چیز کے محتاج نہیں ،لوگوں کو چاہیے کہ اس نعمت کی قدر کریں اور اس کی روشنی میں اپنی گمراہیوں کی اصلاح کریں۔ اللہ تعالیٰ اگر چاہتا تو اس کتاب کے بجائے وہ کسی تازیانۂ عذاب سے مسلح کر کے بھی بھیج سکتا تھا، لیکن وہ بہت مہربان اور رحیم ہے ۔

ہوا کا ایک تیز جھونکا آیا،بجلیاں کڑکیں، بادل گرجے، درخت پوری قوت کے ساتھ جھوما، اور تنکا تنکا لاکر گھونسلہ بناتی بھوری چڑیا کا ادھ بنا گھر زمین بوس ہوگیا۔

ٹین ایج یعنی وہ عمر جسے لڑکپن ، نوعمری یا عنفوان شباب بھی کہا جاتا ہے، اس عمر میں بچوں کے مسائل بچپن اور بالیدگی (Maturity) کے بعد کی عمر سے بالکل مختلف ہوتے ہیں ۔بچے بچپن سے بلوغت کی طرف سفر کرتے ہوئے کئی مسائل سے گزررہےہوتے ہیں، انہیں والدین کی جانب سے خصوصی توجہ اور سپورٹ کی ضرورت ہوتی ہے ۔خود بچوں کے لیے بھی یہ مراحل ان کے قوی ٰکو کمزور کردیتے ہیں، کیونکہ وہ مختلف جسمانی تبدیلیوں ، نفسیاتی الجھنوں، جذباتی و سماجی رویوں کو سمجھنے میں دشواری محسوس کرتے ہیں ۔