Handkastið

Landsliðsumræða þar sem farið er yfir frammistöðu leikmanna í sigrunum gegn Ísrael og Eistlandi auk þess sem farið er heilt yfir stöðu landsliðsins fyrir HM í Svíþjóð og Póllandi sem fram fer í janúar.

Sérfræðingurinn fékk til sín þá Ásgeir Jónsson og Einar Örn Jónsson til að fara yfir allt sem tengist landsliðinu.

Svava Kristín Gretarsdóttir og Sigurlaug Rúnarsdóttir settust niður með Hönnu Guðrúnu Stefánsdóttur. Hrannar er að gera frábæra hluti í Mýrinni og Stjarnan mun berjast um alla titlana

5.umferðin í Olís-deild karla var gerð upp í þættinum með þeim Arnari Daða Arnarssyni og Stefáni Árna Pálssyni. Þá var Theodór Ingi Pálmason á línunni og fór yfir sigur Gunna Magg á Rúnari Sigtryggssyni.

Framarar voru funheitir á föstudagskvöldið er þeir urðu fyrsta liðið til að leggja sjöfalda meistara Vals. ÍR-ingar lentu í magalendingu fyrir norðan og spurning hvort partý-ið sé búið í Breiðholtinu. Fyrsti sigur FH kom loks á Nesinu og stigasöfnun Stjörnunnar hefur verið af skornum skammti í síðustu umferðum.

Auk þess ætluðum við að ræða leik Harðar og Selfoss en það fór eins og það fór.

Stefán Árni Pálsson valdi í lok þáttar sinn topp5 lista leikmanna sem hafa komið honum hvað mest á óvart hingað til.

Í hlaðvarpi Seinni Bylgjunnar í dag var farið yfir leik Harðar og ÍBV á sunnudaginn og leik Vals og Fram í gærkvöldi. Hergeir Grímsson, leikmaður Stjörnunnar, mætti í hús og fór yfir málin. Stefán Árni og Ásgeir Örn hituðu upp fyrir 5. umferðina í Olís-deildinni og svo Strákarnir okkar erlendis.

4. umferðin í Olís-deild karla er gerð upp í Handkastinu með þeim Arnari Daða Arnarssyni, Hrannari Guðmundssyni og Guðjóni Guðmundssyni.

Það var stjörnuhrap á lokamínútunum í Garðabænum og ÍR-ingar höfðu betur í nýliðaslagnum. Valsmenn fóru þægilega í gegnum andalausa Akureyringa í leik sem líktist æfingaleik fyrir Val. Selfoss og ÍBV gerðu jafntefli í Suðurlandsslagnum á meðan Mosfellingar unnu sinn fyrsta sigur. Á meðan eru FH-ingar í fallsæti enn í leit af sínum fyrsta sigri.

Sérfræðingurinn birti topp 5 lista yfir leikmenn sem verða að gera betur en það sem þeir hafa sýnt í fyrstu leikjum tímabilsins og þá var einnig rætt um hitamál í Grill66-deildinni.

Í hlaðvarpi Seinni Bylgjunnar þessa vikuna er landsliðsmaðurinn Bjarki Már Elísson á línunni frá Ungverjalandi. Hann fer um víðan völl í viðtalinu og talar um nýja liðið Veszprém, landsliðið og HM í handbolta sem fer fram í janúar á næsta ári. Ásgeir Örn og Stefán Árni fara yfir landsliðshópinn sem Guðmundur Guðmundsson valdi í gær og hita einnig upp fyrir 4.umferðina í Olís-deild karla.

Arnar Daði Arnarsson ásamt súkkulaðistrákunum, Styrmi Snickers og Benedikt Bounty gerðu upp 3. umferð Olís-deildar karla í þessum þætti. Í lok þáttarins kom síðan Andri Már Eggertsson, einn af sérfræðingum Handkastsins um Grill66-deildina og fór yfir stöðu mála þar en deildin hófst með látum í gærkvöldi.

Olís-deildin fer rosalega af stað og eru sögulínur í nánast hverri einustu viðureign hingað til.

Haukar mættu aftur til leiks eftir vesen í Breiðholtinu á meðan Breiðhyltingar mættu ekki til Eyja en Bjarni Fritz var þó jákvæður að vanda. Stjarnan getur ekki unnið Gróttu á Nesinu og klukkuvandræðin í Úlfarsárdal höfðu meiri áhrif á Aftureldingu heldur en Framara. FH er lið í mótun og Harðverjar þurfa að taka skotæfingu helst alla virka daga og meira til.

Svava Kristín og Silla fóru yfir 1 umferðina, afleiðingar og stöðuna fyrir komandi umferð. Birna Berg var á línunni frá Vestmannaeyjum og lofar því að skora að minnsta kosti eitt mark á tímabilinu

Í hlaðvarpi Seinni Bylgjunnar fengu þeir Stefán Árni Pálsson og Ásgeir Örn Hallgrímsson umboðsmanninn Arnar Freyr Theodórsson í heimsókn. Í þættinum er farið yfir víðan völl og fá hlustendur innsýn í harðan heim samninga í handboltanum. Einnig var hitað upp fyrir 3.umferðina í Olís-deild karla og hvað íslensku handboltamennirnir gerðu erlendis í þessari viku.

Gaupi mætti til Arnars Daða og fór yfir stöðuna í Olís-deild karla eftir tvær umferðir.