Heɓii hitaande gila Basiiru Jomaay Faay joɗƴinaa e laamu ndii leydi. Senegalnaaɓe suɓikemo kanko e Usman Sonko e keewal ngam waylugol no Senegaal laamora e ɗii duɓii faltiiɗi. E nder ndee hitaande maɓɓe aranere, ɓe eɓɓii waylugol piiji keewɗi e banŋeeji sertuɗi, wano faggudu e sariya. Banŋeeji ɗiɗi, ɗi senegalnaaɓe ŋiñi jogola mun. Hankin, en jaɓɓino e oo saaha ɗoo Al Juma Soh, jaagorɗo diiseteeɗo hooreejo leydi ndii.

Hannde hiɗen jaɓɓii profeseer Abubakri Sokomo, gooto e hooreeɓe APR, fedde lunndiinde laamu. E bi'ol makko, e nder ɗii lebbi 12 faltiiɗi, golle nguu laamu no laatanii senegaalnaaɓe : satteende ngurɗam, dartingol golle sukaaɓe e ustugol darnde Senegaal e winndere ndee. Heɗoɗen mo e faandu haala Ibrahiima Timmbi Bah.