Arnljótur Sigurðsson bregður á fóninn nokkrum tóndæmum reggítónlistarmanna frá Jamaica, sem allir eiga það sameiginlegt að vera miklir áhugamenn um kúrekamyndir og persónur og leikendur þeirra.

Öfund kemur líka til tals í tengslum við aðra tónlist þáttarins.

Nokkur sýnishorn úr Djasslandi hljóma í þættinum. Gamalt og nýtt í bland. Hlustendur verða settir í hið óþægilega hlutverk boðflennunnar tveimur afmælisveislum. Ambrose Akinmusire, Jimmy Green og Lizz Wright eru fulltrúar yngri kynslóðarinnar á meðan Carla Bley, Charles Lloyd og Art Blakey standa fyrir máli þeirra eldri. En það kemur líka í ljós að kynslóðabilin eru minni í djasstónlistinni en ætla mætti.

Í þættinum er leitað fanga hjá nýjum og gömlum flytjendum fjölbreyttrar afrískrar tónlistar norðan og sunnan Sahara og allt til Tanzaníu í austri.

Mory Kante, Manu Dibango, Hugh Masakela og fleiri gengnir tónlistarmenn álfunnar koma við sögu. Einnig heyrist í nýju listafólki eins og söngkonunum Souad Massi, Aziza Brahi og Siti Muharam, svo einhverjir séu nefndir úr gríðarstórum hópi listafólks heillar heimsálfu.

Í þetta sinn hljóma sýnishorn úr portúgölskum plötubunka sem Hátalaranum barst óvænt með pósti. Hugað er að sinfónískum þætti Guðmundar Steins Gunnarssonar og einnig leikin tónlist eftir Þorkel Sigurbjörnsson fyrir fiðlu og gítar. Það gera Laufey Sigurðardóttir og Páll Eyjólfsson sem saman mynda Dúó Concordia. Ný plata þeirra geymir tónlist sem íslensk tónskáld hafa samið fyrir þau.

Arnljótur Sigurðsson bregður á fóninn tónlist sem er ekki öll þar sem hún sýnist.

Að raða plötusafninu samkvæmt eftirnafni móður aðalgítarleikara er býsna langt gengið, hversu mikinn tíma sem þarf að drepa. Í þessum þætti heyrist tónlist listafólks sem kom fram á sjónarsviðið á sjöunda og áttunda áratugnum og flaug hátt á þeim níunda og gerir jafnvel enn.

Fornar vættir og upprunavottuð heimstónlist í bland við rafdrifna danstónlist og orgel- og fiðluflaum. Eitthvað fyrir flesta í þessum Hátalara.

Mannréttindabarátta svartra ameríkana hefur alla tíð verið háð við undirleik magnaðrar tónlistar. Í þessum þætti er brugðið á fóninn nokkrum tóndæmum frá ýmsum tímum þessarar baráttu sem engan enda virðist ætla að taka.

Gospel- og vinnusöngvar í bland við áhrifamikil sönglög, rokk- og fönk, svo ekki sé nú minnst á harðkjarnadjass.

Leitað er tónlist nokkurra tónlistarmanna sem fæddir voru árið 1920 og hugað að mismunandi framlagi jafnaldra í listinni.

ítalskir og amerískir kórar, fiðluleikari af úkraínskum ættum og íslenskur framkvæmdastjóri og söngvari koma við sögu í tónlist sem er bæði yngri og eldri en hundrað ára.

Arnljótur Sigurðsson heimsækir Hátalarann með skemmtilegt tónlitarsafn. Belgískt rafpopp og japönsk skemmtaratónlist auk umhugsunarverðrar þýskrar tónlistar að ógleymdri tælenskri hversdagsmúsík.

Í þriðja þætti Hátalarans um Hal Willner hljómar tónlist af einu sólóplötunni sem hann gerði. Einnig eru leikin dæmi um hvernig hann vann með tónlist og talað orð. Ljóðlist Edgars Allan Poe og William S Burroughs kemur þar við sögu.

Flytjendur eru Hubert Selby Jr., William S Burroughs, Iggy Pop, Christopher Walken, Jeff Buckley og Marianne Faithful - svo einhverjir séu nefndir.

Hátalarinn heldur áfram að rifja upp verk bandaríska upptökustjórans Hal Willner. Í þessum þætti hljómar tónlist eftir Kurt Weil og Charles Mingus auk dæma um skemmtilegar útgáfur á tónlist úr þekktum Disney kvikmyndum. All unnið undir stjórn hins uppátækjasama Willners, en leikið af fjölbreyttum hópi listafólks. Meðal flytjenda eru John Zorn, Elvis Costello, RIngo Starr, Sun Ra og margir fleiri.