Í þættinum er hugað að nokkrum nýlegum tóndæmum baráttulistafólks meðal svartra Bandaríkjamanna. Moor Mother, Saul Williams og Noname eru þar á meðal. Einnig hljóma tóndæmi úr blíðari tónlistaráttum ryþmablússins.

Síðast en ekki síst hljómar í þættinum brot úr Hátalaraviðtali við Hildi Guðnadóttur frá því í apríl 2016, þar sem einmitt var komið inn á Óskarsverðlaun, sellóleik, tilraunamennsku og kvikmyndatónlist.

Nokkur lög tengd fjölbreyttum myndum einmanaleikans hljóma í þættinum. Gerard Souzay og Damon Albarn koma þar við sögu meðal annarra.

Arnljótur Sigurðsson heimsækir þáttinn með þráðlaust tónlistarsamband að vopni og freistar þess að tengja saman egypska dans og frídaga í Berlín.

Haukur Gröndal saxófón- og klariettuleikari er gestur þáttarins og kynnir nýja plötu sína - Balkan Impressions, sem er unnin í samvinnu við góðvin Hauks, harmonikuleikarann Borislav Zurgovski, en vinátta þeirra og samstarf hefur staðið í heilan áratug.

Einnig hljómar í þættinum nýleg stórsveitartónlist víða að. Noregur, Bretland og Japan hafa fóstrað listafólkið sem þar á hlut að máli.

Hátalarinn leitar núllstillingar með tónlist sem hugar að þögninni. Einnig er fjallað um tónleika sinfóníuhljómsveitar Íslands þar sem teflt er saman tónlist rússnesku tónskáldanna Rachmaninov og Gubaidulinu, en þrír tónleikar eru fyrirhugaðir með tónlist þeirra tveggja á næstu mánuðum. Þeir fyrstu fóru fram sl föstudag og Hátalarinn var á staðnum.

Í þættinum renna saman nokkrar svalar lindir úr sönglúðrum djassins,. Fulltrúar ólíkra kynslóða tónlistarinnar koma við sögu. Parker, Potter, Coltrane, LaPorta, Macero, Garbarek og Kolbeinsson eru þar á meðal.

Gestur þáttarins er Arnljótur Sigurðsson sem ræðir við Pétur Grétarsson um allskonar tónlist. Þar á meðal tónlist afmælisbarns ársins 2020 - Ludwigs van Beethoven, og hvernig hún myndi hljóma ef hann væri enn að semja tónlist.

Píanistinn Igor Levitt leggur til tónlistina sem tengist því spjalli.

Þá er frumflutt í lok þáttar Trítlaskaup ársins, sem Arnljótur Sigurðsson hefur sett saman.

Arnljótur Sigurðsson heimsækir þáttinn í síðasta skiptið á árinu og ræðir við umsjónarmann um allskonar jólatónlist, einmanaleika og margt fleira.

Hátalarinn heimsækir þrjár plötubúðir í miðbæ Reykjavíkur og ræðir við starfsmenn þar um hvað þeir hlusta á um jólin og hvernig þeir ráðleggja viðskiptavinum sínum í tónlistarvalinu. Tumi Árnason var í Reykjavík Records við Klapparstíg, Lárus Jóhannesson í 12 tónum við Skólavörðustíg og Ólafur Sverrir Traustason í Smekkleysu við Óðinsgötu.

Arnljótur Sigurðsson segir frá sérkennilegum tónbreytum í ólíkri tónlist frá vestri til Víetnam. 

Einn er rætt við Kristján Tryggva Martinsson píanóleikara í Amsterdam, sem ræðir um innblástur og mismunandi tónlistarheima í hollensku stórborginni.

Gestir þáttarins eru Polina Shepherd, Hjörtur Bergþór Hjartarson og Jón Björnsson, sem undirbúa tónleika Söngfélagsins sem fara fram í Langholtskirku um næstu helgi og eru helgaðir klezmer tónlist.

Einnig er rætt við Kristófer Rodriguez Svönuson, sem var að gefa út sína fyrstu plötu - Primo - hjá Lucky Records. Rætt er við Kristófer um tónlistina, kólumbísku áhrifinu, kongatrommurnar og margt fleira.