Hal Willner fæddist í Fíladelfíu 1956 og lést í New York í byrjun apríl 2020. Hann vakti fyrst athygli fyrir nýstárleg vinnubrögð þegar hann safnaði saman fjölmörgu tónlistarfólki úr ólíkum áttum til að spila tónlist ítalska tónskáldsins Nino Rota 1981.

Í kjölfarið komu fleiri plötur þar sem tónlist ólíkra tónskálda var leikin sundur og saman.

Í þremur Hátalaraþáttum verður farið yfir þessa tónlist og hugmyndir Hal Willner um dýnamík og væntingastjórnun í tónlist.

Söngkonan ræðir um allt milli himins og jarðar. Þar á meðal er glíman við tónlist Megasar, hvernig maður notar Mozart sem svipu, stress og fleiri fylgifiskar tónleikahaldsins, mikilvægi snertingarinnar og margt margt fleira.

Pólski tónsmiðurinn Krzysztof Penderecki er allur. Hátalarinn rifjar upp örfá dæmi um verk hans frá fyrri hluta ferilsins.

Í tengslum við þá tónlist er síðan haldið á sporbaug um ártalið 1970 áður en hugað er að hinum snjalla trompetleikara Wallace Roney sem hvarf af djasssviðinu fyrir skemmstu, aðeins sextugur að aldri.

Hátalarinn hugar að gömlum og nýjum b hliðum stórra og lítilla hljómplatna.

Skimað fyrir íslenskri tónlist úti um víðan völl.

Alfreð Clausen eða Sykurmolarnir. Óbó eða Kaldalóns. Árni Heiðar eða Mikael Máni. Scheving eða ADHD. Spessi eða Clash. Jófríður eða Grísalappalísa.

Valkvíði á lokastigi í þætti dagsins.

Sounds and Music of Photograpy's Last Century heitir ný píanómúsík eftir Davíð Þór Jónsson, sem hann samdi og spilaði sem einskonar hljóðleiðsögn um ljósmyndasýningu í Metropolitan safninu í NY.

Í spjalli við Davíð er komið inn á eitt og annað í sambandi við tilurð tónlistarinnar, en einnig hvaða áhrif ástandið í samtímanum hefur og gæti haft á skapandi vinnu og afstöðu almennings til menningarviðburða.

Hér er hlekkur á sýninguna og þar er hægt að heyra tónlistina ómengaða af spjallinu í þættinum.

https://www.metmuseum.org/exhibitions/listings/2020/photography-last-century-ann-tenenbaum-thomas-lee-collection

Brugðið er á fóninn nokkrum dæmum um músík við texta ameríska ljóskáldsins Ishmael Reed. Hann er ríflega áttræður og hefur verið i fararbroddi afrísk amerískra ljóðskálda í sextíu ár.

Djasspíanóleikarinn McCoy Tyner lést á dögunum 81s árs að aldri. Ferill hans er samofinn sögu djasstónlistarinnar síðastliðin 60 ár og í þættinum eru leikin nokkur dæmi um list þessa merka tónlistarmanns.

Park Avenue Petite - Benny Golson - Meet the Jazztet - febrúar 1960

Village blues - Coltrane Jazz október 1960

Reaching fourth - Tyner - november 62

You are to beautiful - Rodgers&Hart - Johnny Hartman í mars 1963

Song of Praise - Coltrane 1965

Consequences - Coltrane 1965

Blues on the Corner - The Real McCoy 1967

Land of the Lonely - Trident, Milestone - 1975

Ballad for Aisha - McCoy Tyner - Together - Milestone 1978

Blues Stride - Infinity 1995

Goodbye - Gordon Hill Jenkins - McCoy - Reaching Fourth 1962

Nokkur tóndæmi um hvernig tónlist var leikin í skúmaskotum bannáranna bæði austan hafs og vestan. Marika Papagika og King Oliver koma þar við sögu. Einnig er hugað að arabískum söngstjörnum fyrr og nú. Emel Mathlouthi og Umm Kulthum syngja.

Arnljótur Sigurðsson hugar að hesmakosmískum samnefnurum í tónlist Jaco Pastorius og Gunnars Þórðarsonar. Í lok þáttar er minnst gæðablóðsins og lífskúnstnersins Ragnars Bjarnasonar.

Brugðið er á fóninn nokkrum nýlegum hljóðritunum af píanómúsík úr ýmsum áttum. Silvestrov, Debussy, Rameu og Thomas Ades eru á meðal höfunda. Þá er minnst þeirra Jon Christensen og Lyle Mays sem höfðu áhrif á þróun djasstónlistarinnar, hvor á sinn hátt.

Hátalarinn var fluga á vegg á hljóðprufu Möggu Stínu í Eldborg sl laugardag og velti í framhaldinu fyrir sér tónleikunum um kvöldið.

Allt þetta og meira í Hátalara dagsins.

Hugað er að nýrri tónlist frá saxófónmeisturum spunans, þeim Steve Lehman og Henry Threadgill. Úr sama mengi er gítarleikarinn Liberty Ellmann.

Arnljótur Sigurðsson heimsækir Hátalarann og deilir með hlustendum nokkrum bílalögum. Allskonar bílar koma við sögu, þar á meðal táldráttarbíllinn.

Heimsókn Arnljóts er römmuð inn með sýnishornum af ökuskírteinum Bítlanna frá Liverpool.