Helgaspjallið

Hin eina sanna Birgitta Haukdal. Hana þarf ekki að kynna en hún hefur verið idolið mitt frá því ég var lítill og forvitni mín fær svo sannarlega að njóta sín í þessum þætti. Við ræðum fyrst og fremst tímalínuna, hvaðan ferillinn byrjaði og keyrslan sem fylgdi lífinu á Írafár tímanum. Að sjálfssögðu spyr ég hana um Eurovision. Hvað tók við eftir Írafár? Hvernig var að búa í Barcelóna og hvernig fótaði hún sig þar eftir 10 ára keyrslu í bransanum. Við tölum um þakklætið, erfiðu og lærdómsríku tímana ásamt íkonísku tónleikana í Hörpunni og allt bæði fyrir og eftir. Við fórum út um víðan völl í þessum þætti og með einlægni að leiðarljósi kemur hún einnig með ótrúlega fræðandi mola og veitir innblástur með orðum sínum í gegnum spjallið.

Instagram:

@birgittahaukdal

@helgiomarsson

trendnet.is/helgiomarsson

Þessi þáttur er í boði Smáralindar -

Tónlist er eftir Arnar Boga Ómarsson / Boji á Spotify

Logo-ið hannaði Andrea Jónsdóttir hjá 29 línur -

Ég greip Söru Maríu Forynju eldsnöggt podcast á ferð minni til Íslands. En við ræðum hreint kakó sem ég smakkaði í fyrsta skipti og áhrif þess, hvað jóga er í raun og veru, markþjálfun og ræðum í raun og veru valdið sem hver og einn býr með innra með sér. Mæli með að hlusta í snöggum göngutúr eða bara smá innblástur inní daginn.

Instagram:

@helgiomarsson

@forynja

Í þessum þætti förum við Ragga Nagli yfir sjálfsvinnuna, hvar hægt er að byrja, hver eru skrefin, hvenær er maður tilbúinn, og svo framvegis. Á mannamáli förum við yfir bæði persónuleg og eigin skref og einnig frá augum fagaðila, en eins og við vitum er Ragga Nagli sálfræðingur með fleiri en eina gráðu í þeim sálmum.

Þessi þáttur er í boði Smáralindar -

Instagram:

@helgiomarsson

@ragganagli

trendnet.is/helgiomars

Í þessum magnaða þætti kemur Sara María Forynja aftur, mörgum til mikillar ánægju en hún vakti ótrúlega mikla athygli í fyrri þætti hér á Helgaspjallinu. Við förum útí meðvirkni og hvernig hún leggur sig og hvernig hún kemur í ýmsum stærðum og gerðum. Við ræðum yoga, núvitund og hún blastar mindblowing hugmyndum um tálsýn. Þessi þáttur ætti að gagnast öllum og er algjört konfekt fyrir eyrun fyrir alla sem hafa áhuga á sælgætismolum fyrir sálina. Ef þú vilt hágæða næringu fyrir sjálfið þitt, þá skaltu stilla þennan þátt í botn. Gjörið svo vel!

Instagram: helgiomarsson

Instagram: forynja

trendnet.is/helgiomars

Þennan þátt af Helgaspjallinu mætti kalla “Kryddsíld Helga Ómars með Röggu Nagla.

Hér gera Helgi og Ragga árið 2019 upp með að horfa til baka á hvaða erfiðleika þau hafa yfirstigið, hverjir voru sigrarnir á árinu, hvaða lærdóm drógu þau af bæði áskorunum og velgengni.

Helgi talar um missi, sorg, sambandserfiðleika, samskipti við vinnufélaga og margt fleira.

Ragga talar um samskiptavanda í fjölskyldunni, ferðalög, umtal annarra og margt fleira

Einnig talar Helgi um þá sjálfsvinnu sem hann og kærasti hans þurftu að tileinka sér, og hvaða verkfæri þeir hafa notað til að bæta samband sitt.

Hvað sjá Helgi og Ragga fyrir sér á nýju ári og nýjum áratug?

Hvað ber 2020 í skauti sér.

Hvert ætlar Helgi að beina orkunni að á nýju ári, og halda áfram að bæta sjálfan sig sem manneskju.

Hvað ætlar Ragga að taka sér fyrir hendur á nýju ári, og koma verkefnum á koppinn.

Þessi þáttur er frábær hlustun fyrir alla sem vilja breyta sínu innra samtali og viðhorfi, verða betri manneskjur og byrja að horfa með öðrum augum á hindranir og vandamál.

Eva Laufey er landsmönnum vel kunnug og ég var svo heppinn að fá hana til mín í spjall sem veitti mér ótrúlega mikinn innblástur. Okkur tókst að ræða hin endalausu mál. Við ræðum meðal annars um unglingsárin, föðurmissi sem hún gekk í gegnum, ásamt fósturmissi, hvað það kenndi henni og sorgarferlið. Við ræðum einnig hugmyndina um orðið 'Ofurkona', hennar upplifun um kulnun ásamt því að hún deilir með okkur hvernig hún komst á þann stað sem hún er á í dag með öllu tilheyrandi. Ef ykkur vantar smá innblástur inn í daginn, þá mæli ég með að hlusta á þessa, njótið vel!

Tónlistarkonan og gæðasprengjan GDRN kemur til mín og eigum við okkar fyrsta spjall saman. Við ræðum allt frá reynslum unglingsáranna, kvíða og hvernig maður vinnur með honum. Tölum einnig um galdra á bakvið að ganga yfir gangbraut og hvaða skref Guðrún tók til að komast á þann stað sem hún er í dag. Besta ráð sem hún hefur fengið kom hjá Bubba Morthens, hvar hún fann blissið sitt og upplifun hennar að standa við hlið kærasta síns, Bödda sem lenti í þeirri reynslu að fá heilaæxli.

Við kynnumst Ernu Hrund Hermannsdóttir, förðunarmúngúl og vörumerkjastjóra Ölgerðarinnar betur. Hún hefur oftar en einu sinni í gegnum tíðina talað um mál sem hafa skapað mjög miklar eftirtektir, bæði þegar hún bloggaði á Trendnet.is og svo sannarlega í þessu spjalli sem við áttum saman. Við ræðum góð en einnig erfið menntaskóla ár og hvernig tímarnir hafa breyst. Hún opnar sig um nauðgun sem hún lenti í, fósturmissi og fæðingarþunglyndi og hvernig hún vann úr þeim málum. Einnig opnar hún sig alveg ótrúlega einlægt um skilnaðarferlið sem hún fór í gegnum og að sjálfssögðu hið jákvæða og hvernig hún vann úr þeim áföllum og ákvörðunum í lífinu og hvernig hún komst á þann stað sem hún er í dag.

Það þarf ekki að kynna Jóhönnu Guðrúnu en við ræðum allt frá barnastjörnu tímabilinu og upp að deginum í dag. Móðurhlutverkið ásamt því að fara yfir í feminisman, pressu nútímasamfélagsins, lífsstílinn og spirtúal hliðina.

Í þessum þætti ræðum við reynslu Sölva af niðurbroti, kvíða og kulnun sem hann einnig skrifar í nýrri bók sinni Á Eigin Skinni. Niðurbrot Sölva var árið 2007 og við förum yfir hvernig eftirköstin er og hvernig maður rís upp frá slíku. Einnig ræðum við almenna heilsu, að framkvæma og ná í tilfinningu og hvernig þekkingin kemur með reynslu. Við ræðum almennt um heilsu, líkamlega og andlega, hreyfingu og hinu ýmsu hvatningu.