Við höfum harðan skráp, eltum skinn og kíkjum á Snæfellsnesið enn einu sinni! Í þetta sinn á Hákarlasafnið í Bjarnarhöfn þar sem við fræðumst um hákarlaskráp. Anna virðist hafa farið á of mörg námskeið og segir okkur frá sútunarnámskeiði hjá Lene Zachariassen þar sem hún lærði undirstöðuatriðin í sútun sem hún ætlar að gera í dauða tímanum, og við lærum að græða peninga með nábrók. Meira um ævintýri Önnu og Sigrúnar má sjá á www.kvikvi.is.

Lára Rúnars segir frá tilurð nýrrar plötu og deilir sinni lífsreynslu þegar hún lenti á vegg og fann í kjölfarið nýja leið. Eva og Eva kynna vitundarvarpið til leiks með nýju sniði - en sama þema. Að leita undir yfirborðið og fara á dýptina.

Í þætti dagsins er á dagskrá fæðingaréttur stjórnmálaelítunnar, staða ríkisstjórnar Katrínar Jakobsdóttur tveimur árum eftir kosningar og ákvörðun Íslandsbanka um að kaupa síður auglýsingar hjá fjölmiðlum sem fylla herbergið aðeins af karlmönnum.

Þessa vikuna settist Sigrún niður með Nadine Reibling en hún stýrir stóru rannsóknarverkefni um sjúkdómsvæðingu við Háskólann í Siegen í Þýsklandi. Nadine lauk doktorsprófi í félagsfræði frá Háskólanum í Mannheim árið 2014, en Sigrún sat einmitt í doktorsnefndinni hennar. Á námsárunum var Nadine Harkness fræðimaður í heilbrigðisstefnu við Harvard háskólann í Bandaríkjunum og hún hóf síðan störf í Siegen að loknu doktorsprófi. Í rannsóknum sínum hefur Nadine skoðað heilbrigðiskerfi og ójöfnuð í heilsu, ásamt sjúkdómsvæðingu og ræða þær Sigrún almennt um rannsóknir hennar, ásamt því að reyna að svara þeirri erfiðu spurningu: hvernig skiptir heilbrigðiskerfið máli fyrir heilsu okkar og sérstaklega ójöfnuð í heilsu.

Does the health care system matter?

This week´s podcast features Nadine Reibling who is the PI of a large research project about medicalization at the University of Siegen in Germany. Nadine completed her Ph.D. in sociology at the University of Mannheim in 2014, but Sigrun was a member of her dissertation committee. During her studies there, Nadine was a Harkness Fellow in Healthcare Policy and Practice at Harvard University, and she assumed her position at the University of Sigen after completing her studies. Her research has focused on health care systems and health inequalities, as well as medicalization. In the podcast, Nadine and Sigrun discuss her research in general, but also attempt to answer the difficult question of how the health care system matters for our health and especially for health inequalities.

Í Molum að þessu sinni er rætt um mismunandi áhrif tollastríðs Bandaríkjanna og Kína. Þá kemur aukin sjálfvirknivæðing í sjávarútvegi við sögu, og áhrif hennar á störf í greininni og hagræðingu. Rætt er einnig um hlutabréfamarkað, og hvernig staðan á honum hefur þróast undanfarin misseri.

Magnús Ragnarsson frá Símanum kom í viðtal og ræddi um reynslu Símans af enska boltanum, framleiðslu á íslensku efni fyrir örmarkað og samkeppnina við Ríkisútvarpið.

Umsjón: Gunnlaugur Reynir, Bjarni Ben.

Já, það er allt að verða vitlaust! Fyrir þennan þátt lásu Emil og Bryndís kafla 28-32 í Harry Potter og Fönixreglunni og eiga nú í fullu fangi með að ræða það sem gengur á. Dumbledore hefur verið hrakinn úr Hogwarts, hin kvalaþyrsta Umbridge er orðin skólastýra, Snape sturlast þegar Harry hnýsist í minningar hans og kemst að því að faðir hans var ekki jafn fullkominn og hann hafði haldið, Hagrid sýnir hvað hann hefur að fela í Forboðna skóginum og skömmu síðar er ráðist á hann, McConagall fær fjórföld rænuleysisálög á sig og er send á Sanktí Mungó sjúkrahúsið, Fred og George taka afdrifaríka ákvörðun, U.G.L.u prófin standa yfir, í draumi sér Harry guðföður sinn pyntaðan, hann heldur að enginn úr Fönixreglunni sé eftir í Hogwarts sem getur aðstoðað sig ‒ en jú, það er nefnilega einn eftir …

Í sjötta þættinum segja Tobba og Sæþór í Farva okkur frá þeirra ævintýrum, allt frá skyndiákvörðun í Mílanó sem setti stefnuna fyrir starfsferil þeirra beggja, uppbyggingu fyrirtækis þeirra og lærdómum sem þau hafa sankað að sér í fyrirtækjarekstri og lífinu. Þessir gleðipinnar eru þúsundþjalasmiðir og með sköpunarkraftinn í fararbroddi, slatta af heilbrigðri skynsemi og vöffluhugarfari (já, hvað er nú það?) hefur þeim tekist að skapa sér atvinnu og heimili fullt af lífi og fjöri!

Kjartan og Magnús halda áfram að fara á allar leiksýningar leikársins.

Í þetta skipti sáu þeir Shakespeare verður ástfangin á stóra sviðinu í Þjóðleikhúsinu og ræddu tilfinningar sem þeir höfðu aldrei upplifað áður, að hafa hund á sviði og hvenær Oliver Twist á að hafa gerst.

Þáttur vikunnar er í boði Mamma veit best og Burro.

Í þætti dagsins er á dagskrá sívaxandi söfnuður kaþólsku kirkjunnar, álitshnekkir Íslands eftir að hafa lent á gráum lista FATF yfir ríki sem hafa ekki nægar varnir gegn peningaþvætti og hvernig Deutsche Bank taldi að „skaðleg umfjöllun“ um samkomulag sem bankinn gerði við Kaupþing í lok árs 2016 myndi valda kerfisáhættu fyrir heiminn – hvorki meira né minna.

Bára Huld Beck stýrir þættinum í dag en með henni eru Þórður Snær Júlíusson, ritstjóri Kjarnans, og Birna Stefánsdóttir, blaðamaður.