Í þætti vikunnar er aðeins eitt mál á dagskrá en það er stórmál sem tröllreið íslensku samfélagi í síðustu viku, Samherjamálið svokallað.

Síðasta þriðjudag opinberuðu Kveikur og Stundin hvernig Samherji hefði greitt mútur til að komast yfir kvóta í Namibíu og stundað stórfellda skattasniðgöngu til að hámarka arf sinn af þeim kvóta.

Sjónarhornin eru gríðarlega mörg – og reynir ritstjórn hér að ná utan um málið eins og það horfir við núna.

Birna Stefánsdóttir stjórnar þættinum í dag en með henni eru Þórður Snær Júlíusson, ritstjóri Kjarnans, og Bára Huld Beck, blaðamaður.

Í Molum er rætt um norrænt peningaþvætti, og hvernig einkennin á þeim umfangsmiklu málum sem komið hafa upp á Norðlöndum hafa verið. Þá er rætt um erfiðleika sem Japanir standa frammi fyrir, vegna fólksfækkunar og hægagangs. Þá kemur Elizabeth Warren einnig við sögu, og Christine Lagarde.

Í hlaðvarpi vikunnar spjallar Sigrún við Christi Smith en hún vinnur við Washington háskólann í St. Louis í Bandaríkjunum. Hún lauk doktorsprófi frá Indiana háskólanum í Bandaríkjunum árið 2012, hefur kennt við Oberlin College og var nýdoktor við Ohio State University áður en hún hélt til St. Louis. Árið 2016 kom út fyrsta bókin hennar, Reparation and Reconciliation: The Rise and Fall of Integrated Higher Education, en þar skoðaði hún sérstaklega hvernig ákveðnir skólar í Bandaríkjunum á 19. öld byrjuðu að kenna svörtum og hvítum, körlum og konum, saman en fram að því hafði aðskilnaðarstefna viðgengist. Hún segir Sigrúnu frá rannsóknum sínum, sem og bandaríska menntakerfinu og ójöfnuði í bandarísku samfélagi.

Educational inequalities

This week´s podcast features Christi Smith who is a senior scholar and assistant dean of international and area studies at Washington University in St. Louis. She finished her Ph.D. at Indiana University in 2012, has taught at Oberlin college and was a post-doctoral fellow at Ohio State University before moving to St. Louis. Her first book, Reparation and Reconciliation: The Rise and Fall of Integrated Higher Education was published in 2016, where she focused on how selected schools in the 19th century America began to teach blacks and whites, men and women together rather than separately as was the norm. She discusses her research with Sigrun as well as the U.S. educational system and inequality in America.

Magnús og Kjartan fóru á Mamma Klikk í Gaflaraleikhúsinu og ræddu minningar um Gunna og Felix, að leggja upp á gangstétt og fordóma gagnvart fólki í hjólastól ásamt því að kynna nýjan dagskrálið til sögunnar: Kvörtunarhorn!

Leikhúsið er vikulegur hlaðvarpsþáttur um leiksýningar vetrarins. Magnús er sviðslistanemi og tæknimaður í leikhúsi á meðan Kjartan fer lítið í leikhús.

Disney+ byrjar að streyma í Norður-Ameríku og Hollandi í dag og við erum með allar fregnir af því. Einnig við förum yfir tæknifréttir vikunnar. Stjórnendur í þætti 209 eru Andri Valur, Atli Stefán, Bjarni Ben og Gulli Reynir.

Hvern hefur ekki dreymt um að eiga taum úr tagli af uppáhalds hestinum sínum eða skartgrip úr hárinu af ömmu gömlu? Í gegnum aldirnar hefur hár verið notað bæði í nytjahluti og skraut. Heyrum um allskyns hár, af alls kyns skepnum, tilvalið að hlusta á Hárið í kjölfarið. Meira um ævintýri Önnu og Sigrúnar má lesa um á www.kvikvi.is.

Í hlaðvarpi vikunnar sest Sigrún niður með Tim Bartley, prófessor í félagsfræði við Washington háskóla í St. Louis í Bandaríkjunum. Rannsóknir hans eru á sviði félagfræði efnahagslífsins, félagslegra hreyfinga, vinnufélagsfræði, ójöfnuðar og stefnumótun. Nýlega kom út bók hans, Rules without Rights: Land, Labor, and Private Authority in the Global Economy hjá Oxford University Press en í henni beinir Tim sjónum sínum að alþjóðlegum reglugerðum um sjálfbæra skógrækt og réttláta vinnulöggjöf í Kína og Indónesíu. Hann segir Sigrúnu frá rannsóknum sínum þar sem og öðrum rannsóknum sem hann hefur unnið að undanfarna áratugi.

Rules without Rights

This week´s podcast features Tim Bartley, Professor of Sociology at Washington University in St. Louis in the United States. His research are in the area of economic sociology, social movements, sociology of work, inequality and social policy. He recently published the book, Rules without Rights: Land, Labor, and Private Authority in the Global Economy with Oxford University Press. There, he focuses on global regulations regarding sustainable forestry and fair labor standards in China and Indonesia. He tells Sigrun about his fieldwork there as well as other research that he has engaged in for the past decades.

Í þætti vikunnar er fjallað um brottvísun þungaðrar albanskrar konu sem gengin var nærri 36 vikur ásamt fjöl­skyldu sinni, nýja íslenska lággjaldaflugfélagið Play sem kynnt var til sögunnar í síðustu viku, valdablokkirnar í íslensku viðskiptalífi og úttekt Alþjóða­gjald­eyr­is­sjóðsins á íslensku efna­hags­lífi.

Í þessum þætti tökum við viðtal við Auði Axelsdóttir. Auður var nýverið á ráðstefnu um geðlyf og spjallar við okkur um geðlyf, niðurtröppun geðlyfja og ráðstefnuna sjálfa.

Í þessum þætti ræða Emil og Bryndís kafla 33-38 í Harry Potter og Fönixreglunni og ljúka þar með fimmtu bókinni. Gríðarmikil atburðarás á sér stað síðustu hundrað síðurnar. Meðal annars tekst Hermione og Harry að blekkja Umbridge og ásamt Ron, Neville, Ginny og Lúnu halda þau ofan í Leyndarmálastofnun Galdramálaráðuneytisins í von um að bjarga Sirius Black. En þar er setið fyrir þeim. Upphefst þá allsvakalegur bardagi sem Fönixreglan blandast að lokum inn í. Einn meðlimur reglunnar fellur sem fær vægast sagt mikið á Harry. Voldemort afhjúpast fyrir allra augum og í kjölfarið segir Dumbledore Harry allt af létta; segir honum frá spádóminum sem Voldemort ágirntist. Harry er nú fullmeðvitaður um hlutverk sitt og það verður afar spennandi að sjá hvernig framhaldið verður í sjöttu bók, í Harry Potter og blendingsprinsinum.