Kan babers in die modder van ‘n droë plaasdam oorleef? Hoe plant toktokkies voort en hoekom tref ‘n mens sekere jare so baie oogspuiters aan? En hoeveel meriete is daar in die Australiërs se aanspraak dat die naam akasia slegs op Australiese bome van toepassing is?

Wetenswaardighede oor die natuur en wetenskap

Wetenswaardighede oor die natuur en wetenskap

Watter bestandeel in kattekruid maak katte so uitgelate? Hoe het die heel eerste kieme ontstaan? As sommige primate se gene 99% met mense s’n ooreenstem, wat het van die ander 1% geword? En het liggolwe ook ‘n voortplantingsmedium nodig soos klank- en watergolwe?

Is dit moontlik om die verlore stad van die Kalahari met behulp van satellietfoto’s op te spoor? Het die mens se geestelike en kulturele eienskappe gelyklopend met sy fisies-biologiese eienskappe deur evolusie ontwikkel? Wat veroorsaak die sogenaamde sonpilare wat ‘n luisteraar soms met sonsondergang op die Gariepdam waarneem?

Is dit moontlik dat ‘n klip wat by Blombos naby Stilbaai opgetel is, ‘n versteende voet kan wees? Hoekom word troetelvoëls en pluimvee se vlerke gepen en hoe word dit gedoen? En hoe ontstaan ‘n vuur-tornado?

Is dit moontlik dat ‘n boom twee verskillende soorte blare kan hê? Wanneer begin slange hiberneer? En daar is onlangs ‘n nuwe reeks posseëls uitgereik waarop afbeeldings van motte en skoenlappers verskyn. Hoekom is juis hierdie spesifieke spesies gekies?

Hoekom sien ‘n mens deesdae so baie kwikstertjies met een misvormde pootjie? Hoe kry reënpaddas langs die dorre Kaapse en Namibiese Weskus dit reg om te oorleef sonder water? En hoe kry miere dit reg om iets soos ‘n koringkriek of ‘n skerpioen by die klein gaatjie van hulle nes in te dra?

Kan die kole van wingerdstokke wat met onkruid- en insekdoder behandel is, skadelik wees as ‘n mens daarmee vleis braai? Hoe akkuraat is die meting van afstande in die ruimte met behulp van teleskope? En hoekom word daar gesê die Wes-Kaap het ‘n Meditereense klimaat as dit so ver van die Middelandse see geleë is?

Waaruit bestaan kameelperde se horings en hoekom is daar klossies hare aan sommige se horings? Wat sou die oorsaak wees van ‘n kring om die son en twee ronde kolle weerskante daarvan, wat ‘n luisteraar in Thailand waargeneem het? En wat is die verband tussen tyd en ruimte?