Hannde neɗɗanke faamii wonnde, ɓamtaare waawaa laataade e hoore leydi ndin, si tawii   o waylaani noone no o wuuriri e dow mayri. Ngam yo o waawu foolude mbayliigu weeyo, caɗeele taariindi, nguleendi e kokke, ko maa o wayla noone ngurdam makko. Awa tedduɓe on wi'aama bismilla mon e kiiwal taarindi e dow Rfi Fulfulde. E oo ɗo taskaram men yewtat ko yowitii e piindiiji e battane mum e taarindi ndii. Hannde hino teskaa wonnde  yoga e leyɗe Afrik piindi hino remee. Ɗuuɗuɓe kadi no huutora ɗum ngam labinde galleeji maɓɓe. Mbele ɗin piindiiji no jogoii battane e taarindi men haa e cellal neɗɗo. Ko ɗum yewteten e oo ɗoo taskaram, koɗo men mo jaɓɓiɗen on ko  Dr Mammadu Sidibe jannoowo e wiɗtotooɗo ka duɗal mawngal Sheykh Anta Joop taskotooɗo tutateeri e piindiiji. Kono ko adii en heɗoto miijooji ɗi heɗiyankooɓe men addani men ka tongoode Whatsapp. Ka joofingol en bismoto Fatumata Binta Jallo ginenaajo gooto e ardiiɗo fedde nde wonaa laamuyankoore dillaynde to baŋŋe taarindi, wi'eteende Agorec. Ɗum non Bisimilla mon.