In Markus 4:19 verduidelik Jesus vir ons 3 baie belangrike redes hoekom mense nie die honderdvoudige potensiaal van die Woord in hulle lewens ervaar nie. En nee, nie een van die drie is sonde nie...

Hoekom lyk dit of God se Woord soms werk, en soms nie? Is Hy 'n aannemer van 'n persoon? Trek Hy soms mense voor, of kan ons nie altyd weet wat Sy wil is nie?

In Markus 4:19 sê Jesus "maar die bekommernisse van hierdie lewe en die lokstem van die rykdom en die hunkering na allerhande goed verstik gou die woord, en dit bly sonder vrug."

Kan die fout by ons wees?

Ons is besig om in hierdie reeks te kyk na die gelykenis vd saaier, en vandag kyk ons na die rotsagtige grond. Of te wel, die hart wat die Woord met blydskap aanneem, maar wanneer verdrukking en vervolging kom as gevolg van die Woord, dan struikel hulle.

Hy gee aan ons elkeen brood en saad. Brood om te eet en saad om te saai. Maar soms eet one ons saad ook.

Wanneer Jesus begin om die gelykenis van die saaier te verduidelik, dan begin Hy daarmee dat die saad in die gelykenis, is die Woord van God.

En dan sê Hy iets interessant, dat dit die bose was wat die saad kom steel het uit die eerste tipe hart, want daardie hart het nie die Woord verstaan nie.

Jesus vergelyk Sy woorde met saad, en die saad van die Woord dra ALTYD die potensiaal vir 'n honderdvoudige opbrengs.

In vandag se episode kyk ons na Mark 4:9 waar Jesus sê: "Wie ore het om te hoor, laat hom hoor"

Wat bedoel Hy daarby?

Wat beteken bekering vir 'n wedergebore seun of dogter van God. Want 'n wedergebore kind van God kan nie weer wedergebore word nie?

In hierdie reeks begin ons hoofsaaklik kyk na Jesus se gelykenis vd saaier in Markus 4.

En die vraag wat ons graag wil antwoord is "Hoekom ervaar ek iets anders as wat die Woord belowe?"

Om 'n selfgesentreerde lewe te leef, is nie God se wil vir ons nie. Jesus sê ons moet ons self verloën, ons kruis opneem en Hom volg.

Die dinge wat mense aanvang vandag om die fokus op hulle self te plaas, is skrikwekkend.

Dis 'n daaglikse besluit om Jesus Here te maak. Nie Verlosser nie, maar my en jou Here, die Een wat ons lei en die Een wat ons volg, sodat ons werklike dissipels kan wees, seuns en dogters van God wat Jesus dupliseer.