D'Ëmsetzung vun der Reform vum Stage schmaacht der CGFP iwwerhaapt net.
De Generalsekretär vun der Staatsbeamtegewerkschaft Steve Heiliger sot e Samschdeg an der Emissioun Background am Gespréich, datt et fir d’Aschneidungen eigentlech Konterpartien hätt solle ginn, ma vun deene wier an der Praxis bis ewell näischt ze gesinn. D'Stagiäre géifen net wéi Stagiären traitéiert ginn, se géingen an d'kaalt Waasser gehäit ginn, se géinge voll schaffen, just ebe fir manner Suen. D’Finalitéit vun dem Element aus der Reform wier eigentlech net gewiescht, fir bëlleg main d’ouevre ze schafen, esou den CGFP-Generalsekretär.