Kalam Falsfa كلام فلسفة

By Ahmed ElmaltSociety & Culture Religion & Spirituality Education Philosophy

Kalam Falsfa كلام فلسفة episodes

July 14, 2014 EP19: Virtue Ethics أخلاق الفضيلة
فكر فى تصرفاتك وسلوكياتك خلال مراحل حياتك المختلفة ... ياترى السعى ورا الفضيلة وتجنب الرذيلة كان هو مهنج حياتك؟ .. ياترى البيئة اللى نشأت فيها كانت عامل مساعد فى تمهيد الطريق لارادة الفضيلة جواك؟ .. ولو ماكنتش محظوظ ببيئة مساعدة فى تكوين شخصية فاضلة، هل ياترى التمرين والممارسة المستمرة كفاية لتكوين الفضيلة عندك؟ .. وياترى الفضيلة مجرد عادة مطبوعة فى خلايا مخك مالكش تحكم او سيطرة عليها؟ .. وهل فعلا الفضيلة هى مفتاح الحياة السعيدة؟ Continue reading →
39 min
June 21, 2014 EP18: The Nature of Moral Judgments 2 طبيعة الأحكام الأخلاقية
فكر فى القرارات والاحكام الاخلاقية اللى أخدتها خلال حياتك ... فكر فى التناقضات اللى بينك وبين الاخرين وقت صنع القرارات الاخلاقية .. ياترى ليه قراراتك الاخلاقية هى الاصح؟ ... ده ان كانت طبيعة الاحكام الاخلاقية بتحمل الصواب والخطأ من الاساس؟ .. لكن لو ماكنتش طبيعة الاحكام الاخلاقية بتحمل حقيقة ما فى محتواها! .. ازاى ممكن نحل خلافتنا الاخلاقية؟ .. ولو مافيش مطلق أخلاقى نرجعلة أنا وانت لما نختلف فى حكم أخلاقى ما! .. ياترى حال الثقافات، المجتمعات، والدول هيكون ايه؟ Continue reading →
36 min
June 07, 2014 EP17: The Nature of Moral Judgments 1 طبيعة الأحكام الأخلاقية
ياترى ايه الاساس اللى بتبنى عليه احكامك الاخلاقية؟ .. هل بتبنيها على حقايق أخلاقية مستقلة؟ .. لكن ايه هى طبيعة الحقايق الاخلاقية دى؟ وموجودة فين؟ .. ولا يمكن تكون بتأسسها على مطلقات أخلاقية ثابتة غير قابلة للتغيير؟ .. بس هل فكرت ان من الممكن تكون عواقب الحكم الاخلاقى اهم من تطبيق المطلق الاخلاقى نفسة؟ .. وجايز يكون أساس أحكامك الاخلاقية هو مشاعرك وتفضيلات الشخصية! ..بس ازاى هتطور أخلاقيا، لو كل شئ بالنسبة لك مجرد لعبة حظ .. ملك أو كتابة؟! Continue reading →
0 min
May 18, 2014 EP16: The Problem of Egoism أشكالية الآنوية
تفتكر الدوافع اللى ورا كل قرارتك وافعالك ذاتية نابعة من مصلحتك الشخصية؟ وهل الدوافع الذاتية هى فعلا المحرك ورا كل أفعال التكافل الاجتماعى والمساعدة اللى بتقدمها للأخرين؟ .. هل فى فعل واحد فى حياتك الدافع وراة ماكنش مصلحتك الشخصية؟ .. حتى وان كان العائد هو مجرد لحظة من الزهو او الشعور بالسعادة .. ياترى هل القانون الاخلاقى اللى بيحكم تصرفاتك وقرارتك هو ايثار المصلحة الذاتية؟ .. وتفتكر ليه مصلحتك الذاتية فوق مصلحة الاخرين؟ .. ولو مصلحتك الذاتية مش هى الاولوية الاولى.. هل انت مستعد تضحى باهدافك، سعادتك، او يمكن حتى حياتك فى سبيل الاخرين؟ Continue reading →
0 min
May 08, 2014 EP15: The Intrinsic Value القيمة الجوهرية
تفتكر فى قيمة نهائية جوهرية لذاتها مبنى عليها الهيكل الاخلاقى فى حياتك؟ ... ياترى هل القيمة دى هى المتعة؟ .. ولو كانت المتعة هى جوهر السعادة .. هل هتختار اقصر طريق يوصلك لأكبر قدر من المتعة بغض النظر عن التبعيات؟ .. ولا يمكن تكون القيمة دى هى الفضيلة .. وساعتها هل هتكون مستعد انك تضحى بمتعتك .. أو حتى حياتك نفسها فى سبيل الفضيلة؟ Continue reading →
32 min
April 11, 2014 EP14: The Problem of Soul أشكالية الروح
يعنى ايه روح؟ وياترى أنت عندك روح؟.. وهل الروح من مادة تانية غير جسمك؟ .. لكن لو كانت من مادة تانية ياترى ايه هى المادة دى؟ .. ولو مادة غير فزيائية .. ازاى تقدر تثبت وجود شئ غير مادى فى عالم من الماديات؟ .. مش يمكن سر خلود روحك انها من مادة غير فزيائية؟ .. ويمكن كمان يكون سر حياتك هو الروح؟ .. ولو مافيش روح .. ايه ياترى مصير الاموات اللى حبيتهم وعرفتهم خلال حياتك؟ .. ايه مصيرك انت نفسك بعد الموت؟ هل ياترى الحياة من عدم لعدم؟! Continue reading →
44 min
March 26, 2014 EP13: The Problem of Free Will أشكالية حرية الارادة
بالرغم من ان البديهة بتقلنا كل يوم ان عندنا حرية أرادة، الا ان فكرة حرية الارادة كانت محل جدال طويل عبر التاريخ! مش بس لمجرد اثبات ان فى حرية ارادة ولا لأ .. لكن كمان لمحاولة تعريف ماهية حرية الارادة .. وايه هو الشئ اللى الارادة لازم تكون مستقلة عنة علشان نقدر نقول ان عندنا حرية ارادة؟ Continue reading →
35 min
March 08, 2014 EP12: The Problem of Other Minds أشكالية العقول الاخرى
ليه مصدق ان الناس اللى حواليك عندهم عقل زيك؟ .. هل فعلا الكائنات دى عندها عقل لمجرد انها بتتصرف زيك؟ ... و ايه هو المعيار اللى بتستخدمة علشان تتعرف على العقول الاخرى؟ ... هل المعيار ده هو تشابة التصرفات والسلوكيات؟ .. اوالتشابهة فى الشكل؟ .. طيب تعرف منين انهم مش موتى احياء مستنين اللحظة اللى ينقضوا عليك ويقتلوك؟! .. اوالات متبرمجه تتصرف زى البشر؟! لكن فى الواقع ماعندهاش عقل! لكن اكيد الاحتمال الاصعب، ان انت نفسك الوحيد اللى ماعندوش عقل! ومجرد زومبى بيحاكى تصرفات البشر! Continue reading →
20 min
February 22, 2014 EP11: Persistence of Personal Identity Over Time أشكالية أستمرار الهوية عبر الزمن
أيه اللى بيخلى شخص يستمر هو نفسة عبر الزمن؟ ياترى ايه اللى جوانا بيحدد هويتنا؟ ايه اللى يضمنلك ان نسختك اللى كانت موجودة من 20 سنة هى نفسها نسختك اللى عايشة دلوقتى؟ ده سؤال الهوية الشخصية عبر الزمن .. واللى بيحاول يبحث عن الشروط اللازمة و الضرورية لأستمرارية هويتك عبر الزمان Continue reading →
27 min
February 08, 2014 EP10: The Age of Intelligent Machines زمن الآلات الذكية
يعنى ايه ذكاء .. وايه اللى يفرق ذكائك عن ذكاء الالات؟ ... وهل نقدر فى يوم من الايام نصنع الالات عندها قدرة على التفكير زينا، او يمكن حتى اذكى مننا؟ ... وهل ساعتها هنقدر نسيطر على قدرتها؟ ... وياترى لو ماقدرناش هل هى دى نهاية التجربة البشرية؟ Continue reading →
0 min

About Kalam Falsfa كلام فلسفة

From the publisher's feed

Arabic podcast (Egyptian Dialect) discussing philosophical topics such as knowledge, consciousness, identity, ethics, belief, justice and aesthetics. From Ancient Greek Philosophy, to Arab's Kalam…