തന്ത്രിമാരുടെയും ദേവസ്വത്തിന്റെയും നേതൃത്വത്തിൽ ശബരിമലയിൽ നടക്കുന്ന കൊള്ളയും അഴിമതിയും അവസാനിപ്പിക്കുന്നതിനായി ശബരിമലയുടെ പരമ്പരാഗത അവകാശികളായ മല അരയ ആദിവാസി സമൂഹത്തിന്റെ അവകാശങ്ങൾ പുനഃസ്ഥാപിക്കുകയാണ് വേണ്ടത് എന്ന് പറയുന്നു മല അരയ മഹാസഭ സംസ്ഥാന ജനറൽ സെക്രട്ടറി പി.കെ. സജീവ്.

ബിഷപ്പ് ഫ്രാങ്കോ മുളയ്ക്കലിനെതിരായ കേസിലെ അതിജീവിതയായ കന്യാസ്ത്രീ ആദ്യമായി തന്റെ മുഖം വെളിപ്പെടുത്തിക്കൊണ്ട് ഒരു ചാനലിൽ എല്ലാം തുറന്ന് പറഞ്ഞിരിക്കുകയാണ്. അതിജീവതമാരുടെ ഈ തുറന്നുപറച്ചിലിനെ കേരളം എങ്ങനെയാണ് പിന്തുണയ്ക്കേണ്ടത്? കന്യാസ്ത്രീകളുടെ സമരത്തിൽ പ്രധാന പങ്കുവഹിച്ച സാമൂഹ്യപ്രവ‍ർത്തകൻ ഫാ. അ​ഗസ്റ്റിൻ വട്ടോളി സംസാരിക്കുന്നു.

എം.ടി വാസുദേവൻ നായരുടെ ആദ്യ ജീവിതപങ്കാളിയായിരുന്ന പ്രമീള നായർക്ക് എന്ത് സംഭവിച്ചു എന്ന് അന്വേഷിക്കുന്ന പുസ്തകമാണ് ദീദി ദാമോദരനും എച്മുക്കുട്ടിയും ചേ‍ർന്നെഴുതിയ 'എംറ്റി സ്പെയ്‍സ്: ബാഷ്പീകൃതയുടെ ആറാംവിരൽ'. എഴുത്തിൽ നിന്നും സമൂഹത്തിൽ നിന്നും അദൃശ്യയാക്കപ്പെട്ട പ്രമീള നായരുടെ ജീവിതം രേഖപ്പെടുത്തേണ്ടുന്നതിന്റെ പ്രാധാന്യത്തെക്കുറിച്ച് സംസാരിക്കുന്നു എഴുത്തുകാരിയും ചലച്ചിത്ര പ്രവർത്തകയും അധ്യാപികയുമായ ദീദി ദാമോദരൻ.

എല്ലാ അന്താരാഷ്ട്ര നിയമങ്ങളെയും വെല്ലുവിളിച്ചുകൊണ്ട് വെനസ്വേലയുടെ പ്രസിഡന്റ് നിക്കോളാസ് മഡുറോയെ ആ രാജ്യത്ത് കടന്നുകയറി തട്ടിക്കൊണ്ട് പോയതിലൂടെ യു.എസ് എന്താണ് ഉദ്ദേശിക്കുന്നത്? എന്താണ് ഈ സംഭവം ലോകത്ത് സൃഷ്ടിക്കാൻ പോകുന്ന പ്രത്യാഘാതങ്ങൾ? അധ്യാപകനും വിദേശകാര്യ വിദഗ്ധനുമായ പ്രൊഫ. ജോസഫ് ആന്റണി സംസാരിക്കുന്നു.

തദ്ദേശ തെരഞ്ഞെടുപ്പിന് ശേഷം തൃശ്ശൂരിലെ മറ്റത്തൂർ പഞ്ചായത്തിലടക്കം അരങ്ങേറിയ രാഷ്ട്രീയ നാടകങ്ങൾ ജനാധിപത്യ പ്രക്രിയക്ക് വലിയ തിരിച്ചടിയായി മാറിയിരിക്കുകയാണ്. തദ്ദേശ ഭരണത്തിന്റെ ലക്ഷ്യം തന്നെ മറന്നുകൊണ്ടാണ് എല്ലാ പാർട്ടികളും ഈ നാടകത്തിൽ പങ്കുചേരുന്നത് എന്ന് പറയുന്നു മറ്റത്തൂർ പഞ്ചായത്ത് മുൻ വൈസ് പ്രസിഡന്റും മാധ്യമ പ്രവർത്തകനുമായ കെ പ്രസാദ്.

ലോകത്തെമ്പാടും സംഘർഷങ്ങളും യുദ്ധങ്ങളും വലിയ പ്രതിസന്ധികൾ സൃഷ്ടിച്ച വർഷമാണ് കടന്നുപോകുന്നത്. മുമ്പ് തുടങ്ങിയ യുദ്ധങ്ങൾ പലതും അവസാനിപ്പിക്കാനുള്ള സമാധാന ശ്രമങ്ങളെല്ലാം പരാജയപ്പെട്ട വർഷമായിക്കൂടി 2025നെ വിലയിരുത്താം എന്ന് പറയുന്നു മുതിർന്ന മാധ്യമ പ്രവർത്തകനും മാധ്യമം ചീഫ് എഡിറ്ററുമായ ഒ. അബ്ദുറഹ്മാന്‍.

ആണവ ദുരന്തത്തിൽ, ആണവ സാമഗ്രി വിതരണം ചെയ്യുന്ന കമ്പനിക്കുള്ള ഉത്തരവാദിത്തം ഒഴിവാക്കുന്ന പുതിയ അണുശക്തി നിയമം (ശാന്തി ബിൽ) ഏറെ അപകടം നിറഞ്ഞതാണെന്നും എതിർക്കപ്പെടേണ്ടതാണെന്നും പറയുന്നു സാമൂഹ്യപ്രവർത്തകൻ എൻ സുബ്രഹ്മണ്യൻ. ബില്ലിനെതിരെ ഇന്ന് പയ്യന്നൂരിൽ നടക്കുന്ന പ്രതിഷേധ സംഗമത്തിന്റെ സംഘാടകൻ കൂടിയാണ് അദ്ദേഹം.

ക്രിസ്തുവിന്റെ ജീവിതം പകർന്നുനൽകുന്ന സ്നേഹത്തിന്റെയും അനുകമ്പയുടെയും ത്യാഗത്തിന്റെയും സന്ദേശം ലോകത്തെവിടെയും പ്രകടമായി കാണാനില്ലാത്ത കാലത്ത് ഒരു ക്രിസ്മസ് ദിനം കൂടി കടന്നുപോവുകയാണ്. ക്രിസ്മസ് ആഘോഷങ്ങൾക്ക് നേരെ വ്യാപകമായി ആക്രമണം നടക്കുന്ന കാലത്ത് ക്രിസ്മസ് എങ്ങനെയാണ് ആഘോഷിക്കപ്പെടേണ്ടതെന്നും ക്രിസ്തുവിനെ എങ്ങനെയാണ് വായിക്കേണ്ടതെന്നും പറയുന്നു എഴുത്തുകാരി ഷീല ടോമി.

പ്രതിപക്ഷത്തിന്റെ എതി‍ർപ്പുകളെല്ലാം അവ​ഗണിക്കപ്പെടുകയും രാഷ്ട്രപതി ബില്ലിന് അം​ഗീകാരം നൽകുകയും ചെയ്തതോടെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഇനി മുതല്‍ വിബി-ജി റാംജി എന്ന പേരിലാകും അറിയപ്പെടുക. കേന്ദ്ര സ‍ർക്കാർ ഈ പദ്ധതിയിൽ കൊണ്ടുവന്ന മാറ്റങ്ങൾ സൃഷ്ടിക്കാൻ പോകുന്ന ആഘാതങ്ങളെക്കുറിച്ച് സംസാരിക്കുന്നു രാഷ്ട്രീയ പ്രവ‍ർത്തകനായ സി.പി ജോൺ.

പാലക്കാട് വാളയാറിൽ ആള്‍ക്കൂട്ട ആക്രമണത്തിൽ കൊല്ലപ്പെട്ട ഛത്തീസ്ഗഡ‍് സ്വദേശി റാം നാരായണന്റെ തലക്കും ശരീരത്തിലും ഏറ്റ ഗുരുതരമായ പരിക്കാണ് മരണകാരണമെന്നാണ് പ്രാഥമിക റിപ്പോര്‍ട്ട്. ആൾക്കൂട്ട കൊലകൾക്ക് പിന്നിലെ അടിസ്ഥാനപരമായ കാരണം വംശീയതയാണെന്ന് പറയുന്നു മാധ്യമ പ്രവർത്തകൻ ബാബുരാജ് ഭഗവതി.