កម្មវិធីព័ត៌មានពេលរាត្រី - វីអូអេ podcast - Page 116

February 01, 2022 ព័ត៌មានពេលរាត្រី៖ ១ កុម្ភៈ ២០២២ - កុម្ភៈ 01, 2022

ព័ត៌មានអំពីកម្ពុជាមាន បុគ្គលិកនយោជិតក្រុមហ៊ុនណាហ្គាវើលដ៍ រក្សាជំហរបន្តកូដកម្ម ខណៈវិវាទប្រឈមនឹងភាពជាប់គាំង។ ធនាគារពិភពលោក៖ សេដ្ឋកិច្ចកម្ពុជា អាចងើបឡើងវិញបានទៀងទាត់ អាស្រ័យលើពិពិធកម្ម និងការវិនិយោគក្នុងស្រុក។ សេចក្តីដកស្រង់នៃបទសម្ភាសន៍ជាមួយកញ្ញា សេង ធារី ដែលជាមេធាវីខ្មែរអាមេរិកាំង និងជាអ្នកតស៊ូមតិដើម្បីសិទ្ធិមនុស្សនៅប្រទេសកម្ពុជា អំពីការតស៊ូទាមទារសិទ្ធិមនុស្សនៅកម្ពុជា។ រីឯព័ត៌មានអន្តរជាតិវិញមានដូចជា ខួបនៃការរឹបអូសយកអំណាចដោយយោធានៅមីយ៉ាន់ម៉ា ត្រូវកត់សម្គាល់ដោយកូដកម្ម និងការព្រួយកង្វល់របស់អន្តរជាតិ។ រុស្ស៊ីនិងសហរដ្ឋអាមេរិក ចោទប្រកាន់គ្នាទៅវិញទៅមកអំពីបញ្ហាប្រទេសអ៊ុយក្រែននៅឯអង្គការសហប្រជាជាតិ។ លោក Blinken និងលោក Lavrov គ្រោងចរចាគ្នា បន្ទាប់ពីការជជែកដ៏តឹងតែងរវាងសហរដ្ឋអាមេរិកនិងរុស្ស៊ី នៅឯអង្គការសហប្រជាជាតិ។ ក្រុមអង្គការសិទ្ធិមនុស្សជំរុញប្រទេសថៃកុំឲ្យនិរទេសសកម្មជនឡាវ។ ភាពយន្តខ្នាតធំក្នុងអំឡុងវិបត្តិកូវីដ១៩៖ បញ្ចាំងតាមរោងភាពយន្ត ឬតាមអនឡាញ? និងព័ត៌មានផ្សេងៗទៀត៕

1 hr

January 31, 2022 ព័ត៌មានពេលរាត្រី៖ ៣១ មករា ២០២២ - មករា 31, 2022

ព័ត៌មានអំពីកម្ពុជាមានដូចជា កម្ពុជា នឹងធ្វើជាម្ចាស់ផ្ទះរៀបចំសន្និសីទកំពូលរដ្ឋមន្ត្រីការបរទេសអាស៊ាននៅថ្ងៃទី១៦ ខែកុម្ភៈ។ លោក ហ៊ុន សែន ការពារជំនួបរបស់កូនប្រុសច្បងជាមួយព្រះមហាក្សត្រ និងសម្តេចព្រះមហាក្សត្រិយានី។ លោក រ៉ុង ឈុនថា គណបក្សភ្លើងទៀនអាចច្បាមយកអាសនៈឃុំសង្កាត់មកវិញ ក្នុងពេលបោះឆ្នោតថ្នាក់មូលដ្ឋាន។ រីឯព័ត៌មានអន្តរជាតិវិញមានដូចជា លោកស្រី Aung San Suu Kyi នឹងឡើងតុលាការអំពីការលួចបន្លំការបោះឆ្នោតនៅថ្ងៃទី១៤ ខែកុម្ភៈ។ ក្រុមប្រឹក្សាសន្តិសុខអង្គការសហប្រជាជាតិ នឹងពិភាក្សាអំពីវិបត្តិរុស្ស៊ី និងអ៊ុយក្រែន។ អង្គការសហប្រជាជាតិថា អតីតកងកម្លាំងអាហ្វហ្គានីស្ថាននិងអន្តរជាតិជាង ១០០ នាក់ បានត្រូវគេសម្លាប់។ សេតវិមាន ប្រកាសផ្តល់វ៉ាក់សាំង២លានដូសឱ្យប្រទេសកេនយ៉ា និងម៉ារ៉ុក។ អ្នកបើកបររថយន្តដឹកកុងតឺន័រភេទស្រីចូលបំរើការ ខណៈពេលខ្វះអ្នកបើកបរ និងព័ត៌មានផ្សេងៗទៀត៕

1 hr

January 30, 2022 ព័ត៌មានពេលរាត្រី៖ ៣០ មករា ២០២២ - មករា 30, 2022

ព័ត៌មានអំពីកម្ពុជាមាន បទសម្ភាសន៍៖ អ្នកច្បាប់ខ្មែរអាមេរិកាំងតស៊ូ ទាមទារសិទ្ធិមនុស្សនៅកម្ពុជា។ សេចក្តីដកស្រង់នៃកម្មវិធី Hello VOA ដែលពិភាក្សាអំពី«ការជួញដូរមនុស្សក្នុងឆ្នាំ២០២១»។ រីឯព័ត៌មានអន្តរជាតិវិញមាន អង្គការសហប្រជាជាតិ ផ្តល់ថវិកាជំនួយ១៥០លានដុល្លារដល់ប្រតិបត្តិការចំនួន១៣ដែលប្រឈមនឹងវិបត្តិកង្វះថវិកា។ ចិន នាំចេញឱសថបុរាណទៅទ្វីបអាហ្វ្រិក។ កម្មវិធីព័ត៌មានអវកាសខែនេះ ស្តីពីតំបន់ឆ្នេរអវកាសកែវយឺតចក្រវាឡ និងភាពស្លេកស្លាំងក្នុងអវកាស៕

1 hr

January 29, 2022 ព័ត៌មានពេលរាត្រី៖ ២៩ មករា ២០២២ - មករា 29, 2022

ព័ត៌មានអំពីកម្ពុជាមាន កម្ពុជាជាប្រទេសពុករលួយជាងគេនៅអាស៊ីអាគ្នេយ៍ ខណៈបក្ខពួកសែស្រឡាយក្នុងចំណោមអ្នកមានអំណាចនិងទ្រព្យធនបន្តចាក់ឫស។ សេចក្តីដកស្រង់នៃកម្មវិធី Hello VOA ដែលពិភាក្សាអំពី«ដំណើរត្រូវ ដំណើរខុស និងមេរៀនពីវិវាទការងារនៅណាហ្គាវើលដ៍»។ រីឯព័ត៌មានអន្តរជាតិវិញមាន អ្នកវិភាគយល់ថា ប្រទេសសមាជិកសហភាពអឺរ៉ុបជ្រើសរើសវិធី«រង់ចាំមើលសិន» ពាក់ព័ន្ធនឹងការប្រឈមមុខដាក់គ្នារវាងចិននិងលីទុយអានី។ សវនាការលើសំណុំរឿងរ៉ូហ៊ីងយ៉ាត្រូវបានកំណត់ធ្វើឡើងក្នុងខែកុម្ភៈនៅតុលាការព្រហ្មទណ្ឌអន្តរជាតិ។ ការស្វែងយល់អំពីកូរ៉េខាងជើងតាមរយៈកាកសំណល់របស់ប្រទេសនេះ៕

1 hr

January 28, 2022 ព័ត៌មានពេលរាត្រី៖ ២៨ មករា ២០២២ - មករា 28, 2022

ព័ត៌មានអំពីកម្ពុជាមាន សកម្មជនបក្សប្រឆាំងនៅខេត្តត្បូងឃ្មុំដែលធ្លាប់ជាប់ពន្ធនាគារចូលរួមនយោបាយជាមួយគណបក្សភ្លើងទៀន។ គណបក្សមួយចំនួននិងគ.ជ.ប. បន្តមិនចុះសម្រុងគ្នាលើការកែប្រែនីតិវិធីថ្មីសម្រាប់ការបោះឆ្នោតឃុំសង្កាត់។ បទសម្ភាសន៍នៅក្នុងកម្មវិធី«វិជ្ជាជីវៈសារព័ត៌មានសំខាន់» អំពី«ការអនុវត្តក្រមសីលធម៌វីជ្ជាជីវៈសារព័ត៌មាននៅកម្ពុជាបច្ចុប្បន្ន»។ រីឯព័ត៌មានអន្តរជាតិវិញមានដូចជា លោក Biden៖ «មានលទ្ធភាពពិតប្រាកដ»ថា រុស្ស៊ីនឹងឈ្លានពានប្រទេសអ៊ុយក្រែន។ កូរ៉េខាងជើង បញ្ជាក់ពីការសាកល្បងកាំជ្រួចមីស៊ីលនៅពេលដែលលោក Kim ទៅទស្សនារោងចក្រធ្វើគ្រាប់រំសេវ។ ប្រទេសហ្វីលីពីននឹងបើកឡើងវិញសម្រាប់ភ្ញៀវទេសចរបរទេសដែលចាក់វ៉ាក់សាំងហើយ។ កម្មវិធីព័ត៌មានអវកាសខែនេះ ស្តីពីតំបន់ឆ្នេរអវកាស កែវយឺតចក្រវាឡនិងភាពស្លេកស្លាំងក្នុងអវកាសនិងព័ត៌មានផ្សេងៗទៀត៕

1 hr

January 27, 2022 ព័ត៌មានពេលរាត្រី៖ ២៧ មករា ២០២២ - មករា 27, 2022

ព័ត៌មានអំពីកម្ពុជាមាន លោកនាយករដ្ឋមន្ត្រី ហ៊ុន សែន ជំរុញឲ្យមេដឹកនាំយោធាមីយ៉ាន់ម៉ាអនុវត្តចំណុចឯកភាពទាំង ៥។ តុលាការ បញ្ចប់សវនាការសួរដេញដោលសំណុំរឿងញុះញង់របស់អតីតសកម្មជនបក្សប្រឆាំងចំនួន១៣នាក់។ នៅក្នុងកម្មវិធី Hello VOA ថ្ងៃនេះ យើងមានកិច្ចពិភាក្សាអំពី«ការជួញដូរមនុស្សក្នុងឆ្នាំ២០២១»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកឆ្លើយតបចំពោះការទាមទាររបស់រុស្ស៊ីរឿងសន្តិសុខ។ សហរដ្ឋអាមេរិកនិងចិន ពិភាក្សាគ្នាអំពីបញ្ហាអ៊ុយក្រែន ដោយជំរុញឲ្យបន្ធូរបន្ថយភាពតានតឹង។ កូរ៉េខាងជើងបាញ់មីស៊ីល ២ គ្រាប់ទៀត។ ធនាគារកណ្តាលសហរដ្ឋអាមេរិកថា ខ្លួននឹងបង្កើនអត្រាការប្រាក់នៅខែមីនាខាងមុខ។ ចិនអះអាងថា បណ្តាប្រទេសអារ៉ាប់មួយចំនួន គាំទ្រចំណាត់ការរបស់ខ្លួនលើជនមូស្លីម និងព័ត៌មានផ្សេងៗទៀត៕

1 hr

January 26, 2022 ព័ត៌មានពេលរាត្រី៖ ២៦ មករា ២០២២ - មករា 26, 2022

ព័ត៌មានអំពីកម្ពុជាមាន ពលរដ្ឋនិងមន្រ្តីបក្សប្រជាជនកម្ពុជា តវ៉ារឿងដកឈ្មោះចៅសង្កាត់រងម្នាក់ចេញពីបញ្ជីឈ្មោះបោះឆ្នោតឃុំសង្កាត់។ របាយការណ៍៖ សន្ទស្សន៍យល់ដឹងអំពីអំពើពុករលួយនៅកម្ពុជានៅទាបនៅឡើយ ទោះមានសញ្ញាណវិជ្ជមាន។ មេបញ្ជាការអង្គរក្សលោក ហ៊ុន សែន ចាត់ទុកសេចក្តីសម្រេចរបស់តុលាការបារាំង«ជាការចោទទាំងបំពាន» រឿងបោកគ្រាប់បែកឆ្នាំ១៩៩៧។ រីឯព័ត៌មានអន្តរជាតិវិញមានដូចជា លោក Biden ព្រមានពីចំណាត់ការដ៏«ធ្ងន់ធ្ងរ» ប្រសិនបើរុស្ស៊ីឈ្លានពានប្រទេសអ៊ុយក្រែន។ ប្រទេសអារ៉ាប៊ីសាអូឌីតនិងថៃ ស្តារទំនាក់ទំនងការទូតរបស់ខ្លួនឡើងវិញ បន្ទាប់ពីការលួចត្បូងពេជ្រដ៏មានតម្លៃអស់ជាច្រើនទសវត្សរ៍កន្លងមក។ ប្រទេសន័រវេស ការពារនូវកិច្ចប្រជុំដែលខ្លួនបានរៀបចំឡើងជាមួយក្រុមតាលីបង់។ ទោះជាវីរុសអូមីក្រុងរាតត្បាត ពលរដ្ឋអាមេរិកាំងដើមកំណើតអាស៊ី ត្រៀមខ្លួនប្រារព្ធបុណ្យចូលឆ្នាំថ្មីតាមចន្ទគតិ។ បញ្ហាខាងច្បាប់របស់លោក Trump កើនឡើងក្នុងសភាអាមេរិកនិងក្នុងរដ្ឋញូវយ៉ក។ តើហេតុអ្វីបានជាចិន ប្តូរឈ្មោះទីតាំងមានជម្លោះនៅជុំវិញតំបន់អាស៊ី និងព័ត៌មានផ្សេងៗទៀត៕

1 hr

January 25, 2022 ព័ត៌មានពេលរាត្រី៖ ២៥ មករា ២០២២ - មករា 25, 2022

ព័ត៌មានអំពីកម្ពុជាមានដូចជា លោក ហ៊ុន សែន ថា មេដឹកនាំយោធាមីយ៉ាន់ម៉ាអាចចូលប្រជុំអាស៊ាន លុះត្រាមានការវិវឌ្ឍចំណុចឯកភាពគ្នា។ លោក ស ខេង ថា រដ្ឋមន្រ្តីក្រសួងពាក់ព័ន្ធ បានអនុញ្ញាតឲ្យនាំចូលសារធាតុផ្សំផលិតគ្រឿងញៀនក្នុងប្រទេសកម្ពុជា។ តុលាការបញ្ចេញភស្តុតាងឃ្លីបវីដេអូចំនួន៧ ក្នុងសំណុំរឿងលោក កឹម សុខា តែមេធាវីថា ជាភស្តុតាងចាស់។ រីឯព័ត៌មានអន្តរជាតិវិញមានដូចជា មេដឹកនាំសហរដ្ឋអាមេរិកនិងអឺរ៉ុប រួមគ្នាប្រឆាំងនឹងការគំរាមកំហែងឈ្លានពានរបស់រុស្ស៊ី។ កូរ៉េខាងជើង បន្តបាញ់សាកល្បងកាំជ្រួចមីស៊ីលរបស់ខ្លួន ដោយបាញ់ចំនួន២ គ្រាប់បន្ថែមទៀត។ ក្រុមអ្នកជំនួញប្រទេសស្លូវេនី រងការរិះគន់របស់ចិន ក្រោយនាយករដ្ឋមន្ត្រីរបស់ខ្លួន បានកោតសរសើរកោះតៃវ៉ាន់។ អង្គការសហប្រជាជាតិ ផ្តល់ថវិកាជំនួយ១៥០លានដុល្លារដល់ប្រតិបត្តិការចំនួន១៣ដែលប្រឈមនឹងវិបត្តិកង្វះថវិកានិងព័ត៌មានផ្សេងៗទៀត៕

1 hr

January 24, 2022 ព័ត៌មានពេលរាត្រី៖ ២៤ មករា ២០២២ - មករា 24, 2022

ព័ត៌មានអំពីកម្ពុជាមាន ស្ថាប័នស្រាវជ្រាវអាមេរិកាំងបន្តបង្ហាញសកម្មភាពកសាងនានាក្នុងមូលដ្ឋានកងទ័ពជើងទឹករាមក្នុងខេត្តព្រះសីហនុ។ អាជ្ញាធរថា ករណីផ្ទុះមីនប្រឆាំងរថក្រោះសម្លាប់មនុស្សនៅខេត្តព្រះវិហារ គឺដោយសារមានភាពស្មុគស្មាញក្នុងការដោះមីន។ នៅក្នុងកម្មវិធី Hello VOA នៅថ្ងៃនេះ យើងមានកិច្ចពិភាក្សាអំពី «ដំណើរត្រូវ ដំណើរខុស និងមេរៀនពីវិវាទការងារនៅក្រុមហ៊ុនណាហ្គាវើលដ៍»។ រីឯព័ត៌មានអន្តរជាតិវិញមាន អាមេរិក បញ្ជាឲ្យសមាជិកគ្រួសារបុគ្គលិកស្ថានទូតអាមេរិក ចាកចេញពីទីក្រុងកៀវ ប្រទេសអ៊ុយក្រែន។ មនុស្សរាប់ពាន់នាក់ ដើរដង្ហែក្បួនក្នុងរដ្ឋធានីវ៉ាស៊ីនតោនប្រឆាំងនឹងការតម្រូវឲ្យពាក់ម៉ាស និងចាក់វ៉ាក់សាំងប្រឆាំងជំងឺកូវីដ១៩។ ការពិភាក្សាជាមួយក្រុមតាលីបង់នៅក្នុងប្រទេសន័រវែស បង្ហាញជាថ្មីជុំវិញការទទួលស្គាល់របស់ក្រុមនេះ។ អេមីរ៉ាតអារ៉ាប់រួមថា ខ្លួនបានបាញ់ស្ទាក់កាំជ្រួចមីស៊ីល២គ្រាប់ដែលបាញ់សំដៅទៅលើទីក្រុងអាប៊ុយដាប៊ី។ សវនាការលើសំណុំរឿងរ៉ូហ៊ីងយ៉ា ត្រូវបានកំណត់ថា នឹងធ្វើឡើងក្នុងខែកុម្ភៈ នៅតុលាការព្រហ្មទណ្ឌអន្តរជាតិ៕

1 hr

January 23, 2022 ព័ត៌មានពេលរាត្រី៖ ២៣ មករា ២០២២ - មករា 23, 2022

ព័ត៌មានអំពីកម្ពុជាមាន ខណៈមានការខ្វែងគំនិតគ្នាក្នុងតំបន់ កម្ពុជាថា អាស៊ានមិនត្រូវក្លាយជា«ចំណាប់ខ្មាំង»នៃវិបត្តិភូមាឡើយ។ រដ្ឋ ដាក់ទិវាឈ្នះឈ្នះជាបុណ្យជាតិ ខណៈអ្នកវិភាគថា លោក ហ៊ុន សែន កំពុងចារឹកកេរដំណែលនយោបាយផ្ទាល់ខ្លួន។ សេចក្តីដកស្រង់នៃកម្មវិធី Hello VOA ដែល ពិភាក្សាអំពី«វ៉ាក់សាំងប្រឆាំងជំងឺកូវីដ១៩សម្រាប់ក្មេងនិងវ័យជំទង់»។ រីឯព័ត៌មានអន្តរជាតិមាន ប្រតិកម្មរបស់ប្រជាជនអាហ្វ្រិកចំពោះវត្តមានចិននៅទ្វីបអាហ្វ្រិក មានចម្រុះគ្នា។ របាយការណ៍៖ វិបត្តិសិទ្ធិមនុស្សកាន់តែអាក្រក់ ក្រោមការគ្រប់គ្រងរបស់តាលីបង់។ ការប្រមើលមើលដ៏ស្រអាប់ស្តីពីការងើបឡើងវិញនៃទីផ្សារពលកម្ម ក្រោយការរាតត្បាតនៃជំងឺកូវីដ១៩៕

1 hr