កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

January 22, 2022 ព័ត៌មានពេលរាត្រី៖ ២២ មករា ២០២២ - មករា 22, 2022
ព័ត៌មានអំពីកម្ពុជាមាន កម្ពុជាស្នើឲ្យមីយ៉ាន់ម៉ាគោរពបទឈប់បាញ់ ខណៈការប្រយុទ្ធរាលដាលកាន់តែខ្លាំង។ សេចក្តីដកស្រង់នៃកម្មវិធី Hello VOA ដែលពិភាក្សាអំពី«ប្រព័ន្ធសារសំឡេងប្រាប់ពីរឿងរ៉ាវរបស់យុវជនដែលមានបទពិសោធន៍ធ្លាប់រស់នៅក្នុងមណ្ឌលកុមារកំព្រា»។ រីឯព័ត៌មានអន្តរជាតិវិញមាន លោក Biden អំពាវនាវដល់សហរដ្ឋអាមេរិកនិងពិភពលោកនៅថ្ងៃខួបនៃការវាយប្រហារលើវិមានសភាអាមេរិក។ អាមេរិករំឭកខួបវីរៈបុរសសិទ្ធិពលរដ្ឋ ខណៈច្បាប់បោះឆ្នោតនិងបញ្ហារើសអើង នៅតែជារឿងសំខាន់ក្នុងវិស័យនយោបាយ។ ប្រតិកម្មរបស់ប្រជាជនអាហ្វ្រិកចំពោះវត្តមានចិននៅទ្វីបអាហ្វ្រិក មានចម្រុះគ្នា៕
1 hr
January 21, 2022 ព័ត៌មានពេលរាត្រី៖ ២១ មករា ២០២២ - មករា 21, 2022
ព័ត៌មានអំពីកម្ពុជាមាន អាជ្ញាធរកម្ពុជា ចេញបំរាមលើមេធាវីអាមេរិកម្នាក់មិនឱ្យចូលកម្ពុជា ក្រោមហេតុផលមាក់ងាយតុលាការ។ វៀតណាម គាំទ្រកម្ពុជាជុំវិញបញ្ហាវិបត្តិមីយ៉ាន់ម៉ា។ លោក ហ៊ុន សែន ព្រលះប្រមុខការទូតម៉ាឡេស៊ី ហើយថា នៅភូមាមានរដ្ឋាភិបាលពីរ។ អ្នកច្បាប់ខ្មែរអាមេរិកាំង តស៊ូទាមទារសិទ្ធិសេរីភាពនៅកម្ពុជា ទោះប្រឈមនឹងពន្ធនាគារ។ រីឯព័ត៌មានអន្តរជាតិវិញមានដូចជា ប្រទេសអ៊ីរ៉ង់ រុស្ស៊ី និងចិនចាប់ផ្តើមធ្វើសមយុទ្ធនាវារួមគ្នា។ ពួកយោធាមីយ៉ាន់ម៉ា ចាប់ខ្លួនពួកអ្នកកាសែតថែមទៀត។ នៅឯអង្គការសហប្រជាជាតិ សហរដ្ឋអាមេរិកនិងសម្ព័ន្ធមិត្ត អំពាវនាវឲ្យពង្រឹងទណ្ឌកម្មលើកូរ៉េខាងជើង។ អាមេរិករំឭកខួបវីរៈបុរសសិទ្ធិពលរដ្ឋ ខណៈច្បាប់បោះឆ្នោតនិងបញ្ហារើសអើង នៅតែជារឿងសំខាន់ក្នុងវិស័យនយោបាយ និងព័ត៌មានផ្សេងៗទៀត៕
1 hr
January 20, 2022 ព័ត៌មានពេលរាត្រី៖ ២០ មករា ២០២២ - មករា 20, 2022
ព័ត៌មានអំពីកម្ពុជាមាន រដ្ឋមន្ត្រី៖ ទំនើបកម្មផែយោធារាម នឹងពង្រឹងទ័ពជើងទឹកកម្ពុជា។ តុលាការបញ្ចាំងវីដេអូអំពីចលនាសង្គ្រោះជាតិ នៅក្នុងសំណុំរឿងញុះញង់របស់សកម្មជនបក្សជំទាស់។ ១៨ឆ្នាំក្រោយឃាតកម្មលោក ជា វិជ្ជា គ្រួសាររបស់លោកអស់ជំនឿថា រដ្ឋអាចវែកមុខឧក្រិដ្ឋជន។ នៅក្នុងកម្មវិធី Hello VOA ថ្ងៃនេះ យើងមានកិច្ចពិភាក្សាអំពី«វ៉ាក់សាំងប្រឆាំងជំងឺកូវីដ១៩សម្រាប់ក្មេងនិងវ័យជំទង់»។ រីឯព័ត៌មានអន្តរជាតិវិញមាន លោក Blinken បានព្រមានថា សហរដ្ឋអាមេរិក នឹងមានវិធានការ បើរុស្ស៊ីឈ្លានពានអ៊ុយក្រែន។ ចិននិយាយថា ខ្លួនបានព្រមានដេញនាវាចម្បាំងអាមេរិកនៅសមុទ្រចិនខាងត្បូង។ អ្នកកាន់សាសនាអ៊ិស្លាមព្រួយបារម្ភ នៅពេលដែលក្រុមជនជាតិភាគតិច ចង់បានអំណាចនៅក្នុងរដ្ឋ Rakhine។ របាយការណ៍ថា CIA រកឃើញថា «រោគសញ្ញា Havana» មិនមែនជាយុទ្ធនាការដោយអំណាចបរទេសទេ។ ការប្រមើលមើលដ៏ស្រអាប់ស្តីពីការងើបឡើងវិញនៃទីផ្សារពលកម្ម ក្រោយការរាតត្បាតនៃជំងឺកូវីដ១៩៕
1 hr
January 19, 2022 ព័ត៌មានពេលរាត្រី៖ ១៩ មករា ២០២២ - មករា 19, 2022
ព័ត៌មានអំពីកម្ពុជាមាន វិលមកបន្ទប់សវនាការ លោក កឹម សុខា ស្នើតុលាការពន្លឿនការកាត់ក្តីដើម្បីឆាប់បានវិលចូលនយោបាយ។ សវនាការលោក កឹម សុខា បន្តឡើងវិញ ចំពេលនយោបាយវិវត្តគួរឱ្យកត់សម្គាល់។ រដ្ឋដាក់ទិវាឈ្នះឈ្នះជាបុណ្យជាតិ ខណៈអ្នកវិភាគថា លោក ហ៊ុន សែន កំពុងចារឹកកេរដំណែលនយោបាយផ្ទាល់ខ្លួន។ បទសម្ភាសន៍ VOA៖ ប្រធានស្តីទីគណបក្សភ្លើងទៀន បារម្ភអំពីការបន្តគាបសង្កត់ ប៉ុន្តែថា មិនមានជម្រើស។ រីឯព័ត៌មានអន្តរជាតិវិញមាន លោក Blinken បំពេញទស្សនកិច្ចនៅអ៊ុយក្រែន នៅពេលដែលលោកជំរុញឲ្យរុស្ស៊ីបន្ថយភាពតានតឹងនៅព្រំដែន។ ជនសកម្មប្រយុទ្ធឥណ្ឌូណេស៊ីដែលបានជាប់ទាក់ទិននឹងការបំផ្ទុះគ្រាប់បែកនៅកោះបាលី ត្រូវបានតុលាការកាត់ទោសឲ្យជាប់គុក ១៥ឆ្នាំ។ មនុស្សរាប់ពាន់នាក់នៅហុងកុង ស្ម័គ្រចិត្តយកសត្វ hamsters មកចិញ្ចឹម នៅពេលមានការភ័យខ្លាចពីជំងឺកូវីដ១៩ និងព័ត៌មានផ្សេងទៀត៕
1 hr
January 18, 2022 ព័ត៌មានពេលរាត្រី៖ ១៨ មករា ២០២២ - មករា 18, 2022
ព័ត៌មានអំពីកម្ពុជាមាន ជនជាតិដើមភាគតិចនៅព្រះវិហារ ជំរុញសាលាឧទ្ធរណ៍ទម្លាក់ចោលការចោទប្រកាន់ក្នុងជម្លោះដីធ្លីជាមួយក្រុមហ៊ុនស្ករអំពៅចិន។ លោក ហ៊ុន សែន ចោទអតីតនាយករដ្ឋមន្ត្រីខ្មែរ លោក ប៉ែន សុវណ្ណ ជាអ្នកនយោបាយ«ល្មោភអំណាច»។ បទវិភាគ៖ រដ្ឋបុរសកម្ពុជា បង្កើតមរតកនយោបាយថ្មី ខណៈអាស៊ានបង្ហាញសញ្ញាប្រេះឆា។ រីឯព័ត៌មានអន្តរជាតិវិញមាន ចិន លុបចោលផែនការលក់សំបុត្រកីឡាអូឡាំពិក នៅពេលករណីកូវីដ១៩កើនឡើង។ មន្ទីរពេទ្យអ៊ីស្រាអែលថា ការចាក់វ៉ាក់សាំងដូសទី៤ មិនបានរារាំងការរាលដាលនៃវីរុសបំប្លែងខ្លួនអូមីក្រុងទេ។ សភាឥណ្ឌូណេស៊ី អនុម័តច្បាប់ផ្លាស់ប្តូររដ្ឋធានីទៅកាន់តំបន់ដាច់ស្រយាលនៅលើកោះ Borneo។ ពួកគណបក្សសាធារណរដ្ឋ ត្រិះរិះពីការបន្តក្តាប់អំណាចរបស់លោក Trump នៅក្នុងគណបក្សរបស់ពួកគេ។ ឥណ្ឌាងាកទៅចាក់វ៉ាក់សាំងដូសជំរុញ ខណៈប្រទេសនេះ កំពុងប្រយុទ្ធប្រឆាំងនឹងការកើនឡើងនៃជំងឺកូវីដជាថ្មីទៀត។ គណៈកម្មការយុត្តិធម៌ប៉ាគីស្ថាន ជ្រើសតាំងចៅក្រមនៅតុលាការកំពូលជាស្ត្រីជាលើកដំបូង៕
1 hr
January 17, 2022 ព័ត៌មានពេលរាត្រី៖ ១៧ មករា ២០២២ - មករា 17, 2022
ព័ត៌មានអំពីកម្ពុជាមាន បុគ្គលិកណាហ្គាវើលដ៍ជំរុញឱ្យទូតបរទេសធ្វើអន្តរាគមន៍ដោះលែងតំណាង និងតាមដានការតវ៉ារបស់ពួកគេ។ នៅក្នុងកម្មវិធី Hello VOA នៅរាត្រីនេះ មានកិច្ចពិភាក្សាអំពី«ប្រព័ន្ធសារសំឡេងប្រាប់ពីរឿងរ៉ាវរបស់យុវជនដែលមានបទពិសោធន៍ធ្លាប់រស់នៅក្នុងមណ្ឌលកុមារកំព្រា»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកប្រារព្ធទិវា Martin Luther King Jr. ស្របពេលសំណើច្បាប់កែទម្រង់សិទ្ធិបោះឆ្នោតជាប់គាំងនៅព្រឹទ្ធសភា។ កូរ៉េខាងត្បូងថា កូរ៉េខាងជើងបាញ់កាំជ្រួចមីស៊ីលបាល់លីស្ទិក២គ្រាប់ចេញពីចំណតយន្តហោះក្រុងព្យុងយ៉ាង។ អូស្ត្រាលីនិងនូវែលសេឡង់បង្កើតកិច្ចប្រឹងប្រែងដើម្បីផ្តល់ជំនួយដល់កោះ Tonga ដែលរងផលប៉ះពាល់ដោយរលកយក្សស៊ូណាមិ។ អ៊ុយក្រែនបន្ទោសរុស្ស៊ីចំពោះការវាយប្រហារតាមប្រព័ន្ធកុំព្យូទ័រ។ អតីតមេដឹកនាំ Poroshenko វិលត្រឡប់ទៅកាន់ប្រទេសអ៊ុយក្រែនវិញដើម្បីចូលតុលាការ។ ការដាក់ពាក្យសុំប្រាក់ជំនួយពេលគ្មានការងារធ្វើនៅសហរដ្ឋអាមេរិកកើនឡើងច្រើនជាងមុន៕
1 hr
January 16, 2022 ព័ត៌មានពេលរាត្រី៖ ១៦ មករា ២០២២ - មករា 16, 2022
ព័ត៌មានអំពីកម្ពុជាមាន ប្រជានេសាទ នៅមានចម្ងល់លើទិន្នន័យផលចាប់ត្រី ខណៈត្រីធ្លាក់ចុះជាបន្តបន្ទាប់។ សេចក្តីដកស្រង់នៃកម្មវិធី Hello VOA ស្តីពីការព្រមានរបស់អាមេរិកលើក្រុមហ៊ុនខ្លួនរឿងអំពើពុករលួយនិងសិទ្ធិមនុស្ស ក្រោយមន្ត្រីយោធាកម្ពុជាខ្លះរងទណ្ឌកម្ម ជាគោលនយោបាយនិងច្បាប់។ រីឯព័ត៌មានអន្តរជាតិវិញមាន ឥណ្ឌា អាចបង្កើនអាយុអាចរៀបការបានសម្រាប់ស្ត្រីពី១៨ឆ្នាំ ទៅដល់២១ឆ្នាំ៕
1 hr
January 15, 2022 ព័ត៌មានពេលរាត្រី៖ ១៥ មករា ២០២២ - មករា 15, 2022
ព័ត៌មានអំពីកម្ពុជាមាន លោក ហ៊ុន សែន ស្នើបង្កើតយន្តការត្រីភាគីតាមដានបទឈប់បាញ់គ្នានៅមីយ៉ាន់ម៉ា ខណៈក្រុមយោធាបន្តវាយប្រហារ។ សេចក្តីដកស្រង់នៃកម្មវិធី Hello VOA ដែល ពិភាក្សាអំពី«ធនាគារអេអែនហ្ស៉ិត ផ្តល់ប្រាក់ចំណេញពីការវិនិយោគដែលរំលោភដីធ្លីកសិករនៅខេត្តកំពង់ស្ពឺ»។ រីឯព័ត៌មានអន្តរជាតិមាន សង្គ្រាមបានចប់នៅប្រទេសអាហ្វហ្គានីស្ថាន តែមានភាពមិនប្រាកដប្រជានឹងការខ្វះស្បៀង។ អ្នកជំនាញថា កូរ៉េខាងជើង គេចពីការចរចានុយក្លេអ៊ែរ ស្របពេលសេដ្ឋកិច្ចរបស់ខ្លួនកាន់តែដុនដាប៕
1 hr
January 14, 2022 ព័ត៌មានពេលរាត្រី៖ ១៤ មករា ២០២២ - មករា 14, 2022
ព័ត៌មានអំពីកម្ពុជាមាន រដ្ឋមន្ត្រីម៉ាឡេស៊ី រិះគន់កម្ពុជាថាមិនបានពិភាក្សាជាមួយមេដឹកនាំអាស៊ាន មុនធ្វើដំណើរទៅកាន់ប្រទេសមីយ៉ាន់ម៉ា។ លោក កឹម សុខា ការពារខ្លួនថា មិនមានកំហុស មុនសវនាការនៅសប្តាហ៍ក្រោយ។ លំហូរទឹកទន្លេមេគង្គធ្លាក់ចុះ៣ឆ្នាំជាប់គ្នា បង្កជាក្តីបារម្ភអំពីផលប៉ះពាល់លើប្រជានេសាទ។ បទវិភាគ៖ រដ្ឋបុរសកម្ពុជា បង្កើតមរតកនយោបាយថ្មី ខណៈអាស៊ានបង្ហាញសញ្ញាប្រេះឆា។ រីឯព័ត៌មានអន្តរជាតិវិញមានដូចជា ក្រុមហ៊ុននិងមន្ទីរពិសោធន៍ កំពុងធ្វើវ៉ាក់សាំងកូវីដបាញ់តាមច្រមុះ។ តុលាការកំពូលសហរដ្ឋអាមេរិក សម្រេចតម្រូវឲ្យចាក់វ៉ាក់សាំងចំពោះបុគ្គលិកថែទាំសុខភាព មិនមែនអាជីវកម្មទេ។ កូរ៉េខាងជើង បាញ់បង្ហោះកាំជ្រួចមីស៊ីលមួយទៀត បន្ទាប់ពីសហរដ្ឋអាមេរិកដាក់ទណ្ឌកម្មថ្មី។ អ្នកជំនាញថា កូរ៉េខាងជើង គេចពីការចរចានុយក្លេអ៊ែរ ស្របពេលសេដ្ឋកិច្ចរបស់ខ្លួនកាន់តែដុនដាប និងព័ត៌មានដទៃទៀត៕
1 hr
January 13, 2022 ព័ត៌មានពេលរាត្រី៖ ១៣ មករា ២០២២ - មករា 13, 2022
ព័ត៌មានអំពីកម្ពុជាមាន វត្ថុបុរាណចំនួន២៨ នឹងត្រូវបញ្ជូនមកកម្ពុជា ក្រោយកាន់កាប់ដោយអ្នកជំនាញដែលរងការចោទប្រកាន់ថា លួចវត្ថុបុរាណខ្មែរ។ តុលាការ បង្ហាញភស្តុតាងពីការសន្ទនាតាមទូរស័ព្ទក្នុងសំណុំរឿងញុះញង់របស់សកម្មជនបក្សជំទាស់។ នៅក្នុងកម្មវិធី Hello VOA ថ្ងៃនេះ យើងមានកិច្ចពិភាក្សាអំពី«ការព្រមានរបស់អាមេរិកលើក្រុមហ៊ុនខ្លួនរឿងអំពើពុករលួយ និងសិទ្ធិមនុស្ស ក្រោយមន្ត្រីយោធាកម្ពុជាខ្លះរងទណ្ឌកម្ម ជាគោលនយោបាយនិងច្បាប់»។ រីឯព័ត៌មានអន្តរជាតិវិញមាន បេសកជនអ.ស.ប. ជំរុញឲ្យមាន«ការចូលរួមបញ្ចូលភាគីទាំងអស់‍»ក្នុងវិធានការរបស់អាស៊ានដើម្បីដោះស្រាយវិបត្តិនៅមីយ៉ាន់ម៉ា។ សហរដ្ឋអាមេរិក ស្នើដាក់ទណ្ឌកម្មរបស់អង្គការសហប្រជាជាតិបន្ថែមលើកូរ៉េខាងជើង ក្រោយការសាកល្បងកាំជ្រួចមីស៊ីល។ អង្គការសិទ្ធិមនុស្ស Human Rights Watch រិះគន់លោក Biden និងមេដឹកនាំផ្សេងទៀតថា ទន់ខ្សោយក្នុងការការពារលទ្ធិប្រជាធិបតេយ្យ។ សេចក្តីរាយការណ៍ថា ទូរស័ព្ទដៃរបស់អ្នកកាសែតនិងសកម្មជនអែលសាល់វ៉ាឌ័ររាប់សិបនាក់ ត្រូវបានគេលួចចូល៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…