កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

January 12, 2022 ព័ត៌មានពេលរាត្រី៖ ១២ មករា ២០២២ - មករា 12, 2022
ព័ត៌មានអំពីកម្ពុជាមានដូចជា រដ្ឋមន្ត្រីចក្រភពអង់គ្លេសប្រចាំតំបន់អាស៊ី ពិភាក្សាកិច្ចការសិទ្ធិមនុស្សក្នុងពេលបំពេញទស្សនកិច្ចនៅកម្ពុជា។ គណបក្សនយោបាយ និងគ.ជ.ប. បន្តខ្វែងគំនិតគ្នាលើការកែប្រែនីតិវិធីសម្រាប់ការបោះឆ្នោតឃុំសង្កាត់។ ប្រជានេសាទ នៅមានចម្ងល់លើទិន្នន័យផលចាប់ត្រី ខណៈត្រីធ្លាក់ចុះជាបន្តបន្ទាប់។ រីឯព័ត៌មានអន្តរជាតិវិញមានដូចជា ការចរចារវាងអូតង់ និងរុស្ស៊ី ផ្តោតលើជម្លោះនៅបណ្តោយព្រំដែនជាមួយអ៊ុយក្រែន។ តៃវ៉ាន់ ផ្អាកបេសកកម្មហ្វឹកហាត់យន្តហោះ F-16 បន្ទាប់ពីយន្តហោះធ្លាក់។ បណ្តាញព័ត៌មានកូរ៉េខាងជើងថា៖ Kim Jong Un បានពិនិត្យមើលការបាញ់បង្ហោះកាំជ្រួចមីស៊ីលលឿនជាងសំឡេង៥ដង។ លោក Biden គាំទ្រការផ្លាស់ប្តូរនីតិវិធីព្រឹទ្ធសភាដើម្បីអនុម័តសេចក្តីព្រាងច្បាប់សិទ្ធិបោះឆ្នោត។ ឥណ្ឌា អាចបង្កើនអាយុអាចរៀបការបានសម្រាប់ស្ត្រីពី១៨ឆ្នាំ ទៅដល់២១ឆ្នាំ និងព័ត៌មានដទៃទៀត៕
1 hr
January 11, 2022 ព័ត៌មានពេលរាត្រី៖ ១១ មករា ២០២២ - មករា 11, 2022
ព័ត៌មានអំពីកម្ពុជាមានដូចជា រដ្ឋមន្ត្រីចក្រភពអង់គ្លេសពិភាក្សាបញ្ហាសិទ្ធិមនុស្ស និងស្ថានភាពនយោបាយនៅកម្ពុជា។ មន្ត្រីសង្គមស៊ីវិលសង្ស័យក្រុមហ៊ុនណាហ្គាវើលដ៍សុំជំនួយពីក្រសួងការងារដើម្បីបញ្ឈប់សហជីព។ មន្ត្រីថ្លែងថា ករណីផ្ទុះគ្រាន់មីននិងយុទ្ធភណ្ឌ២កន្លែងនៅខេត្តព្រះវិហារ បណ្តាលឲ្យមនុស្ស៤នាក់ស្លាប់ និងរបួសម្នាក់។ លោកនាយករដ្ឋមន្ត្រីបញ្ជាឲ្យពន្លឿនចាក់វ៉ាក់សាំងដូសជំរុញ ខណៈកម្ពុជាកំពុងប្រឈមវីរុសកូវីដ១៩បំប្លែងថ្មីក្នុងសហគមន៍។ រីឯព័ត៌មានអន្តរជាតិវិញមានដូចជា កូរ៉េខាងជើងបាញ់បង្ហោះកាំជ្រួចមីស៊ីលមួយទៀតដែលជាការសាកល្បងលើកទី២នៅឆ្នាំថ្មីនេះ។ ចិនបិទទីក្រុងទី៣ នាំឲ្យប៉ះពាល់ដល់មនុស្សទាំងអស់២០លាននាក់។ តៃវ៉ាន់អនុម័តថវិកាការពារជាតិបន្ថែមចំនួន៨,៦ពាន់លានដុល្លារ គ្រាដែលការគំរាមកំហែងរបស់ចិនកាន់តែកើនឡើង។ ប្រធានាធិបតីកាហ្សាក់ស្ថានថា២ថ្ងៃទៀតកងទ័ពដែលដឹកនាំដោយប្រទេសរុស្ស៊ី នឹងចាប់ផ្តើមចាកចេញនិងព័ត៌មានដទៃទៀត៕
1 hr
January 10, 2022 ព័ត៌មានពេលរាត្រី៖ ១០ មករា ២០២២ - មករា 10, 2022
ព័ត៌មានអំពីកម្ពុជាមាន បុគ្គលិកក្រុមហ៊ុនណាហ្គាវើលដ៍មិនព្រមទទួលការចរចា ខណៈតំណាងសហជីពត្រូវបានឃុំខ្លួន។ នៅក្នុងកម្មវិធី Hello VOA ថ្ងៃនេះ យើងមានកិច្ចពិភាក្សាអំពី«ធនាគារ ANZផ្តល់ប្រាក់ចំណេញពីការ វិនិយោគដែលរំលោភដីធ្លីកសិករនៅខេត្តកំពង់ស្ពឺ»។ រីឯព័ត៌មានអន្តរជាតិវិញមាន មនុស្សយ៉ាងហោចណាស់១៦៤នាក់បានស្លាប់នៅក្នុងការតវ៉ាប្រឆាំងនៅក្នុងប្រទេសកាហ្សាក់ស្ថាន។ តុលាការមីយ៉ាន់ម៉ា កាត់ទោសលោកស្រី Suu Kyi ក្នុងបទចោទមានវិទ្យុទាក់ទង «Walkie-Talkies» និងការបំពានលើការរឹតត្បិតជំងឺកូវីដ១៩។ សហរដ្ឋអាមេរិកនិងរុស្ស៊ី ចាប់ផ្តើមការចរចានៅពេលមានភាពតានតឹងនៅអ៊ុយក្រែន។ បូលិសប្រឆាំងភេរវកម្មនៅខេត្ត Xinjiang នឹងដឹកនាំយោធានៅក្រុងហុងកុង។ តុលាការអូស្ត្រាលី ដោះលែងលោក Djokovic ពីការឃុំឃាំង និងផ្តល់ទិដ្ឋាការឡើងវិញ៕
1 hr
January 09, 2022 ព័ត៌មានពេលរាត្រី៖ ៩ មករា ២០២២ - មករា 09, 2022
ព័ត៌មានអំពីកម្ពុជាមានដូចជា ជនជាតិដើមភាគតិចកាវ៉ែតនៅស្ទឹងត្រែង បាត់បង់ភាពធន់នឹងធម្មជាតិ ក្រោយបំលាស់ទីចេញពីតំបន់ភ្នំ។ សេចក្តីដកស្រង់នៃកម្មវិធី Hello VOA ដែលពិភាក្សាអំពី«តើគេរំពឹងអ្វីបានខ្លះពីអនាគតនាយករដ្ឋមន្ត្រី ហ៊ុន ម៉ាណែត?»។ រីឯព័ត៌មានអន្តរជាតិវិញមាន តើកោះតៃវ៉ាន់ នឹងធ្វើអ្វី ប្រសិនបើចិនឈ្លានពាននោះ? ច្បាប់ថ្មី ត្រូវបានអនុម័តដើម្បីការពារតំបន់ពិសិដ្ឋរបស់ជនជាតិដើមអូស្ត្រាលី៕
1 hr
January 08, 2022 ព័ត៌មានពេលរាត្រី៖ ៨ មករា ២០២២ - មករា 08, 2022
ព័ត៌មានអំពីកម្ពុជាមាន អតីតកុមារភៀសខ្លួនរួចជីវិតពីរបបខ្មែរក្រហមក្លាយជាខ្មែរទី១ជាប់ជាចៅហ្វាយក្រុង Lowell។ សកម្មជន ប្រឆាំងនឹងដំណើរទស្សនកិច្ចរបស់លោក ហ៊ុន សែន ទៅមីយ៉ាន់ម៉ាដោយថា កំពុងបំផ្លាញអាស៊ាន។ កិច្ចព្រមព្រៀងពាណិជ្ជកម្ម បង្កើនក្តីសង្ឃឹមដល់ការលូតលាស់សេដ្ឋកិច្ចកម្ពុជាក្រោយជំងឺរាតត្បាត។ សេចក្តីដកស្រង់នៃកម្មវិធី Hello VOA ដែល ពិភាក្សាអំពី«សេចក្តីប្រាថ្នាក្លាយជាសហគ្រិន ជំរុញស្ត្រីជួយសហគមន៍»៕
1 hr
January 07, 2022 ព័ត៌មានពេលរាត្រី៖ ៧ មករា ២០២២ - មករា 07, 2022
ព័ត៌មានអំពីកម្ពុជាមាន លោក ហ៊ុន សែន កំពុងស្ថិតនៅក្នុងប្រទេសមីយ៉ាន់ម៉ាដើម្បីជួបជាមួយពួកមេដឹកនាំយោធា។ លោក ហ៊ុន សែន ចេញទៅមីយ៉ាន់ម៉ា ដើម្បី«សម្រួលស្ថានការណ៍» ខណៈកម្ពុជាធ្វើជាប្រធានអាស៊ានប្តូរវេន។ អតីតបុគ្គលិកណាហ្គាវើលដ៍ ទាមទារឲ្យដោះលែងតំណាង ខណៈក្រសួងការងារប្រកាសឲ្យមកផ្ទៀងផ្ទាត់ប្រាក់បំណាច់។ ក្រុមសកម្មជន ប្រឆាំងនឹងដំណើរទស្សនកិច្ចរបស់លោកហ៊ុន សែន ទៅមីយ៉ាន់ម៉ាដោយថា កំពុងបំផ្លាញអាស៊ាន។ រីឯព័ត៌មានអន្តរជាតិវិញមានដូចជា ប្រធានាធិបតីកាហ្សាក់ស្ថាន អនុញ្ញាតឲ្យ«បាញ់សម្លាប់ដោយគ្មានការព្រមាន»។ សហរដ្ឋអាមេរិកនិងជប៉ុន ចាប់ផ្តើមកិច្ចសហការណ៍ថ្មីខាងវិស័យការពារប្រទេស។ លោក Biden អំពាវនាវដល់សហរដ្ឋអាមេរិកនិងពិភពលោកនៅថ្ងៃខួបនៃការវាយប្រហារលើវិមានសភាសហរដ្ឋអាមេរិក។ ចិន មានប្រៀបក្នុងការកាន់កាប់ធនធានធម្មជាតិរបស់ពិភពលោក និងព័ត៌មានផ្សេងៗទៀត៕
1 hr
January 06, 2022 ព័ត៌មានពេលរាត្រី៖ ៦ មករា ២០២២ - មករា 06, 2022
ព័ត៌មានអំពីកម្ពុជាមាន តុលាការឃុំខ្លួនមេដឹកនាំសហជីពណាហ្គាវើលដ៍ នាំឲ្យមានការរិះគន់ពីអ្នកជំនាញអង្គការសហប្រជាជាតិ។ ស្ថាប័នបោះឆ្នោត អនុម័តនីតិវិធីថ្មីនៃការផ្តល់លទ្ធផលបោះឆ្នោតដល់តំណាងបក្សនយោបាយ ដែលនាំឲ្យមានការរិះគន់។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«តើគេរំពឹងអ្វីបានខ្លះពីអនាគតនាយករដ្ឋមន្ត្រី ហ៊ុន ម៉ាណែត?»។ រីឯព័ត៌មានអន្តរជាតិវិញមាន ប្រទេសថៃ បង្កើនកម្រិតប្រុងប្រយ័ត្ននៃជំងឺកូវីដ១៩ ដោយសារការរាតត្បាតនៃវីរុសអូមីក្រុង។ យុទ្ធនាការឃោសនាបោះឆ្នោត បានត្រូវលុបចោល នៅពេលដែលឥណ្ឌាឃើញការកើនឡើងនូវវីរុសបំប្លែងខ្លួនអូមីក្រុង។ហ្វីលីពីន ហាមឃាត់ការរៀបការក្មេងមិនទាន់គ្រប់អាយុ។ ពលរដ្ឋកាហ្សាក់ស្ថាន នាំគ្នាធ្វើបាតុកម្ម គ្រាដែលប្រធានាធិបតីប្រកាសស្ថានភាពអាសន្ន។ FBI នៅតែតាមរកជនសង្ស័យមួយឆ្នាំក្រោយព្រឹត្តការណ៍ថ្ងៃទី៦ មករា៕
1 hr
January 05, 2022 ព័ត៌មានពេលរាត្រី៖ ៥ មករា ២០២២ - មករា 05, 2022
ព័ត៌មានអំពីកម្ពុជាមាន លោក ហ៊ុន សែន ថា កុំសន្និដ្ឋាន«ឆាប់ពេក»លើដំណើរទស្សនកិច្ចរបស់លោកទៅមីយ៉ាន់ម៉ា។ រដ្ឋាភិបាលកម្ពុជា សម្រេចឲ្យចាក់វ៉ាក់សាំងកូវីដ១៩ ដូសទី៤ ដល់ក្រុមអាទិភាព។ សង្គមស៊ីវិល ទាមទារឲ្យដោះលែងសកម្មជនសហជីពក្រុមហ៊ុនណាហ្គាវើលដ៍ ខណៈកូដកម្មបន្ត។ រីឯព័ត៌មានអន្តរជាតិវិញមាន លោក Bidenថា ករណីជំងឺកូវីដ១៩ នឹងបន្តកើនឡើងក្នុងសហរដ្ឋអាមេរិក។ លោក Biden ត្រូវបានជំរុញឲ្យនិយាយបន្ថែមទៀតពីការព្រួយបារម្ភនៃលទ្ធិប្រជាធិបតេយ្យរបស់អាមេរិក។ កូរ៉េខាងជើង សាកល្បងកាំជ្រួចមីស៊ីលបាល់លីស្ទិកនៅក្នុងការបាញ់បង្ហោះលើកទី១នៃឆ្នាំ២០២២នេះ។ រដ្ឋមន្ត្រីការបរទេសអាល្លឺងម៉ង់ ធ្វើទស្សនកិច្ចនៅអាមេរិក និងជំរុញឲ្យមានការសន្ទនាជាមួយរុស្សី។ រដ្ឋាភិបាលកេនយ៉ា សងបំណុលជំនួសក្រុមហ៊ុនអាកាសចរណ៍ Kenya Airways។ អាថ៍កំបាំងនៃជំងឺរាតត្បាត៖ អ្នកវិទ្យាសាស្ត្រផ្តោតលើសត្វដែលជាប្រភពបង្កជំងឺកូវីដ១៩។ យុទ្ធសាស្ត្រកម្ចាត់ជំងឺកូវីដនៃប្រទេសចិនប្រុងប្រៀបរង់ចាំ Omicron៕
1 hr
January 04, 2022 ព័ត៌មានពេលរាត្រី៖ ៤ មករា ២០២២ - មករា 04, 2022
ព័ត៌មានអំពីកម្ពុជាមាន មេដឹកនាំសហជីពនៅក្រុមហ៊ុនណាហ្គាវើលដ៍ ត្រូវចាប់ខ្លួន ក្រោយរងបទចោទញុះញង់។ ជនជាតិអាមេរិកដើមកំណើតខែ្មរដំបូងគេ ចូលកាន់តំណែងអភិបាលទីក្រុងឡូវែល។ តុលាការក្រុងភ្នំពេញ បើកការស៊ើបអង្កេតបទញុះញង់លើមេដឹកនាំ និងសកម្មជនសហជីពណាហ្គាវើលដ៍៩នាក់។ អាជ្ញាធរចាប់ខ្លួនកញ្ញា សេង ធារី មួយស្របក់ រួចអនុញ្ញាតឱ្យចូលសវនាការសំណុំរឿងក្បត់ជាតិ។ កិច្ចព្រមព្រៀងពាណិជ្ជកម្ម បង្កើនក្តីសង្ឃឹមដល់ការលូតលាស់សេដ្ឋកិច្ចកម្ពុជាក្រោយជំងឺរាតត្បាត។ រីឯព័ត៌មានអន្តរជាតិវិញមាន លោក Blinken អំពាវនាវឲ្យមាន«ជំហររួបរួមគ្នារបស់អង្គការអូតង់អំពីការដាក់ពង្រាយយោធារបស់រុស្ស៊ីនៅជិតប្រទេសអ៊ុយក្រែន។ អគ្គរដ្ឋអាជ្ញាក្រុងNew York កោះហៅលោកTrump និងកូន២នាក់ ពាក់ព័ន្ធនឹងសំណុំរឿងស៊ើបអង្កេតទ្រព្យសម្បត្តិរបស់ក្រុមហ៊ុនលោក។ ប្រទេសហ្វីលីពីន ពង្រីកការរឹតបន្តឹងប្រឆាំងជំងឺកូវីដ១៩ នៅតំបន់ជុំវិញទីក្រុងម៉ានីល។ សកម្មជនក្រុងហុងកុងដែលនៅពីក្រោយនៃការរំឭកខួបនៃការបង្ក្រាបទីលាន Tiananmen ត្រូវបានកាត់ទោសពីបទញុះញង់ឲ្យមានការជួបជុំខុសច្បាប់។ ច្បាប់ថ្មី ត្រូវបានអនុម័តដើម្បីការពារតំបន់ពិសិដ្ឋរបស់ជនជាតិដើមអូស្ត្រាលី។ រដ្ឋាភិបាលកេនយ៉ា សងបំណុលជំនួសក្រុមហ៊ុនអាកាសចរណ៍ Kenya Airways។ ក្រុមសិទ្ធិមនុស្ស និយាយថា របបយោធាមីយ៉ាន់ម៉ា កំពុងរារាំងជំនួយទៅក្រុមគ្រួសារខ្ចាត់ព្រាត់ពីផ្ទះសំបែងដោយសារការប្រយុទ្ធគ្នាក្រោយរដ្ឋប្រហារ៕
1 hr
January 03, 2022 ព័ត៌មានពេលរាត្រី៖ ៣ មករា ២០២២ - មករា 03, 2022
ព័ត៌មានអំពីកម្ពុជាមាន លោក ហ៊ុន សែន បង្ហាញសុទិដ្ឋិនិយមនឹងការគ្រប់គ្រងបាននូវការរាតត្បាតជំងឺកូវីដ១៩ក្នុងប្រទេស។ សកម្មជនសហជីព៩នាក់ ត្រូវចាប់ខ្លួនចំពោះកូដកម្មនៅមុខក្រុមហ៊ុនណាហ្គាវើលដ៍ ប៉ុន្តែ៣នាក់ ត្រូវដោះលែងវិញ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី«សេចក្តីប្រាថ្នាក្លាយជាសហគ្រិនជំរុញស្ត្រីឲ្យជួយសហគមន៍»។ រីឯព័ត៌មានអន្តរជាតិវិញមានដូចជា លោក Biden ថា សហរដ្ឋអាមេរិកនិងសម្ព័ន្ធមិត្ត នឹងឆ្លើយតបយ៉ាងម៉ឺងម៉ាត់ ប្រសិនបើរុស្ស៊ី បន្តឈ្លានពានប្រទេសអ៊ុយក្រែន។ រដ្ឋមន្ត្រីក្រសួងការពារជាតិអាមេរិក ឆ្លងជំងឺកូវីដ១៩។ អ៊ីស្រាអ៊ែល ផ្តល់ការចាក់វ៉ាក់សាំងដូសទី៤ដល់ពលរដ្ឋ ដែលមានអាយុ៦០ឆ្នាំឡើងទៅ និងបុគ្គលិកពេទ្យរបស់ខ្លួន។ ប្រធានាធិបតីប្រទេសកេនយ៉ា ការពារចំពោះការពឹងផ្អែកលើចិនសម្រាប់គម្រោងធំៗ និងព័ត៌មានផ្សេងៗទៀត៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…