កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

June 09, 2020 ព័ត៌មានពេលរាត្រី - មិថុនា 09, 2020
ព័ត៌មានអំពីកម្ពុជាមានដូចជា រដ្ឋាភិបាលថៃស្នើកម្ពុជាផ្ទៀងផ្ទាត់ព័ត៌មានអំពីការចាប់សកម្មជនថៃដាក់បញ្ចូលក្នុងរថយន្តនៅភ្នំពេញ។ ព្រះមហាក្សត្រីយានីនរោត្តម មុនីនាថ សីហនុ ស្នើឲ្យក្រសួងកិច្ចការនារីជួយស្ត្រីដែលជួបវិបត្តិសេដ្ឋកិច្ច។
ព័ត៌មានអន្តរជាតិមានដូចជា ពលរដ្ឋខ្មែរអាមេរិកាំងផ្តល់តម្លៃចំពោះសេរីភាពនិងច្បាប់នៅអាមេរិក ទោះមានការរំជើបរំជួល។ គណបក្សប្រជាធិបតេយ្យជំរុញឲ្យមានកំណែទម្រង់ប៉ូលិសខ្លាំងក្លានៅសហរដ្ឋអាមេរិក។ សពរបស់លោក George Floyd នឹងត្រូវបញ្ចុះនៅថ្ងៃអង្គារនេះ។ បណ្តាញព័ត៌មានចិនផ្តោតលើអំពើហិង្សាក្នុងសហរដ្ឋអាមេរិក ដោយបាត់ផ្នែកខ្លះនៃសាច់រឿងទាំងមូល។ អ៊ីរ៉ង់ថានឹងប្រហារជីវិតបុរសដែលផ្ដល់ព័ត៌មានដល់សហរដ្ឋអាមេរិកអំពីទីតាំងរបស់លោក Soleimani។ អភិបាលក្រុង Tacoma ទាមទារឲ្យចាប់ខ្លួនប៉ូលិស ៤ នាក់ ក្រោយបុរសម្នាក់ស្លាប់ក្រោមសមត្ថកិច្ចរបស់ខ្លួន។ អ្នកវិភាគថា ច្បាប់សន្តិសុខរបស់ចិនសម្រាប់ទីក្រុងហុងកុង គឺជាការបំភ័យសហរដ្ឋអាមេរិក និងព័ត៌មានសំខាន់ៗមួយចំនួនទៀត៕
1 hr
June 08, 2020 ព័ត៌មានពេលរាត្រី - មិថុនា 08, 2020
ព័ត៌មានអំពីកម្ពុជាមានដូចជា ស្ថានទូតថៃប្រចាំនៅកម្ពុជាលើកឡើងថា ពួកគេមិនមានព័ត៌មានទាក់ទងនឹងការបាត់ខ្លួនរបស់សកម្មជនថៃទេ ខណៈអាជ្ញាធរកម្ពុជាអះអាងថាពួកគេក៏មិនស៊ើបអង្កេតករណីនេះដែរ បើគ្មានបណ្ដឹងពីក្រុមគ្រួសារ។ អង្គការសង់ត្រាល់ ថា កម្មករជាង ១ ម៉ឺន នាក់ បានតវ៉ា ដោយសាររោងចក្រព្យួរការងារ បញ្ឈប់កម្មករ និងបិទរោងចក្រ ដោយមិនគោរពច្បាប់។ កម្មវិធី Hello VOA មានកិច្ចពិភាក្សាអំពី «ការទទួលបានវ៉ាក់សាំងបង្ការជំងឺកូវីដ១៩ ដោយឥតគិតថ្លៃសម្រាប់ទាំងអស់គ្នា»។
ព័ត៌មានអន្តរជាតិវិញមាន ពលរដ្ឋអាមេរិកាំងទៅបោះឆ្នោត ខណៈមានជំងឺរាតត្បាតនិងបាតុកម្ម។ សពរបស់លោក George Floyd នឹងត្រូវបញ្ចុះនៅថ្ងៃអង្គារស្អែកនេះ។ អាជ្ញាធរសហរដ្ឋអាមេរិកជំរុញឲ្យក្រុមបាតុករដែលតវ៉ាករណីស្លាប់លោក George Floyd ធ្វើតេស្តរកជំងឺកូវីដ១៩។ ទីផ្សារភាគហ៊ុនសកលលោកឡើងថ្លៃខ្លាំងនៅថ្ងៃច័ន្ទនេះ ដោយសារតែភាពប្រសើរឡើងលើសការរំពឹងទុកនូវអត្រាគ្មានការងារធ្វើក្នុងសហរដ្ឋអាមេរិក។ អង្គការមនុស្សធម៌អាចខ្វះលទ្ធភាពជួយ ប្រសិនបើមានការផ្ទុះជំងឺកូវីដ១៩ ក្នុងជំរំជនភៀសខ្លួន Rohingya។ បេសកជនសហរដ្ឋអាមេរិកពិភាក្សាសន្តិភាពនៅអាហ្វហ្គានីស្ថានជាមួយក្រុមតាលីបង់និងប៉ាគីស្ថាន៕
1 hr
June 07, 2020 ព័ត៌មានពេលរាត្រី - មិថុនា 07, 2020
ព័ត៌មានអំពីកម្ពុជាមាន រដ្ឋសភាកម្ពុជាអនុម័តច្បាប់ថ្មីប្រឆាំងការលាងលុយកខ្វក់ ក្រោយចូលបញ្ជីហានិភ័យខ្ពស់របស់សហភាពអឺរ៉ុប។ អ្នកជំនួញថា អាស៊ានមានឱកាសវិនិយោគច្រើនក្នុងគ្រាមានវិបត្តិជំងឺកូវីដ១៩។
រីឯព័ត៌មានអន្តរជាតិសំខាន់ៗវិញមាន អ្នកវិទ្យាសាស្ត្រពិនិត្យមើលប្រព័ន្ធការពាររាងកាយរបស់មនុស្ស ដើម្បីរកវិធីប្រយុទ្ធប្រឆាំងនឹងជំងឺកូវីដ១៩។ ការរាតត្បាតនៃជំងឺកូវីដ១៩ នៅសិង្ហបុរី ធ្វើឲ្យម៉ាឡេស៊ីរួសរាន់ធ្វើតេស្តលើពលករចំណាកស្រុកក្នុងប្រទេសរបស់ខ្លួន។ បញ្ហាសុខភាពផ្លូវចិត្តដែលបង្កឡើងដោយជំងឺកូវីដ១៩ នឹងមានតទៅទៀត នៅក្រោយការរាតត្បាតនៃជំងឺនេះ។ ក្រុមឯករាជ្យមួយនៅកោះតៃវ៉ាន់អំពាវនាវឱ្យមានការព្រាងរដ្ឋធម្មនុញ្ញថ្មីសម្រាប់កោះនេះ៕
1 hr
June 06, 2020 ព័ត៌មានពេលរាត្រី - មិថុនា 06, 2020
ព័ត៌មានសំខាន់ៗអំពីកម្ពុជា អាមេរិក អាស៊ី និងពិភពលោក មានដូចជា៖ ក្រោយស្ងប់រលកនៃការហូរចូលការវិនិយោគចិន ក្រុងកំពង់ផែព្រះសីហនុផ្សងវាសនាថ្មី ខណៈកម្ពុជាបិទល្បែងស៊ីសងអនឡាយ និងវិបត្តិសុខភាពកូវីដ១៩។ សហគមន៍ជនជាតិភាគតិចអ៊ុយហ្គ័រ (Uighur) នៅសហរដ្ឋអាមេរិក អះអាងថា ចិនឲ្យក្រុមគ្រួសាររបស់ពួកគេដែលជាប់ឃុំនៅប្រទេសចិន ធ្វើបទសម្ភាសន៍ដោយបង្ខំ។ រោគរាតត្បាតកូវីដ១៩ បង្កជាភាពស្មុគស្មាញដល់ការប្រកួតប្រជែងក្នុងដំណើរការបោះឆ្នោតព្រឹទ្ធសភាអាមេរិកសម្រាប់អាណត្តិថ្មី។ នៅឥណ្ឌា ការធ្វើការងារពីផ្ទះ អាចកើតមានឡើងនាពេលអនាគត ប៉ុន្តែអ្នកខ្លះមិនយល់ស្របនឹងការធ្វើការពីផ្ទះ។ ក្រុមអ្នកស្រាវជ្រាវកេនយ៉ា ធ្វើការពិសោធន៍ផលិតឱសថបុរាណសម្រាប់ព្យាបាលជំងឺកូវីដ១៩៕
1 hr
June 05, 2020 ព័ត៌មានពេលរាត្រី - មិថុនា 05, 2020
ព័ត៌មានសំខាន់ៗអំពីកម្ពុជា សហរដ្ឋអាមេរិក អាស៊ី និងពិភពលោក មានដូចជា៖ អង្គការសិទ្ធិមនុស្ស Human Rights Watch ជំរុញឲ្យកម្ពុជាស៊ើបអង្កេតការបាត់ខ្លួនសកម្មជនថៃម្នាក់ឈ្មោះ Wanchalearm Satsaksit នៅរាជធានីភ្នំពេញ។ ក្រុមអ្នកវិនិយោគទុននៅតំបន់អាស៊ាន យល់ថា វិបត្តិសុខភាពកូវីដ១៩ និងសង្គ្រាមពាណិជ្ជកម្មចិននិងអាមេរិក អាចផ្តល់ឱកាសល្អដល់ការវិនិយោគបរទេសក្នុងតំបន់នេះ។ រដ្ឋមន្ត្រីការពារជាតិអាមេរិក មិនយល់ស្របជាមួយលោក Trump អំពីការប្រើកម្លាំងទាហានដើម្បីបញ្ឈប់បាតុកម្មតវ៉ាទាក់ទិននឹងការស្លាប់របស់លោក Floyd។ អង្គការ Human Rights Watch បានបង្ហាញពីគ្រោះថ្នាក់ដែលកើតមានលើកុមារហ្វីលីពីន ដោយសារសង្គ្រាមប្រឆាំងគ្រឿងញៀនក្នុងប្រទេសនេះ។ ព័ត៌មានអន្តរជាតិផ្សេងៗទៀត មានដូចជា៖ លោកប្រធានាធិបតី Trump ហាមឃាត់មិនឲ្យនិស្សិតចិនថ្នាក់ក្រោយឧត្តមសិក្សា ដែលមានទំនាក់ទំនងជាមួយយោធាចិន ចូលសហរដ្ឋអាមេរិក។ ព្រឹទ្ធសភាអាមេរិកបោះឆ្នោតគាំទ្រការតែងតាំងលោក Michael Pack ឲ្យដឹកនាំទីភ្នាក់ងារអាមេរិកសម្រាប់ប្រព័ន្ធផ្សព្វផ្សាយសាកល (USAGM)។ ក្រុមហ៊ុន Google អះអាងថា ក្រុមអ្នកវាយប្រហារតាមប្រព័ន្ធអ៊ីនធឺណិតមានប្រភពចេញពីចិន និងអឺរ៉ុង ផ្តោតលើយុទ្ធនាការរកសំឡេងឆ្នោតរបស់លោក Trump និងលោក Joe Biden និងព័ត៌មានអន្តរជាតិផ្សេងៗទៀត៕
1 hr
June 04, 2020 ព័ត៌មានពេលរាត្រី - មិថុនា 04, 2020
ព័ត៌មានសំខាន់ៗអំពីកម្ពុជា សហរដ្ឋអាមេរិក និងតំបន់អាស៊ី មានដូចជា៖ រដ្ឋសភាកម្ពុជាបានអនុម័តសេចក្តីព្រាងច្បាប់ថ្មីចំនួន២ ស្តីពីការប្រឆាំងការលាងលុយកខ្វក់ បន្ទាប់ពីកម្ពុជាត្រូវបានដាក់បញ្ជូលក្នុងបញ្ជីរបស់សហភាពអឺរ៉ុប ជាប្រទេសមានហានិភ័យខ្ពស់។ មន្ត្រីវិទ្យាស្ថានប៉ាស្ទ័រ ឲ្យដឹងថា ការធ្វើតេស្តសំណាករកជំងឺកូវីដ១៩នៅកម្ពុជាបន្តកើនឡើង ខណៈមានការបារម្ភអំពីកង្វះសារធាតុធ្វើតេស្តរកវីរុសកូរ៉ូណា។ ព្រះអង្គ លួន សុវ៉ាត សកម្មជនសិទ្ធិមនុស្សជាសង្ឃល្បីមួយអង្គ ត្រូវបានព្រះមេគណខេត្តសៀមរាប ឲ្យផ្សឹក ក្រោយពីមានការចោទប្រកាន់ពីរឿងវីដេអូសន្ទនាសេ្នហា។ នៅក្នុងកម្មវិធី Hello VOA ប្រចាំខែស្តីពីអាស៊ាន កញ្ញា ពេជ្រ ចាន់រ៉ាឌីន នាយកប្រតិបត្តិរងនៃវិទ្យាស្ថានខ្មែរសម្រាប់សហប្រតិបត្តិការនិងសន្តិភាព ពិភាក្សាអំពី «ប្រធានអាស៊ានសម័យកូវីដ៖ របៀបវារៈជាយុត្តិសាស្ត្ររបស់វៀតណាម»។ អតីតរដ្ឋមន្ត្រីការពារជាតិសហរដ្ឋអាមេរិក ចោទប្រកាន់លោកប្រធានាធិបតី Trump ថាចង់បំបែកបំបាក់សហរដ្ឋអាមេរិក។ រដ្ឋសភាហុងកុងជជែកដេញដោលចុងក្រោយអំពីសំណើច្បាប់អំពីភ្លេងជាតិចិន។ ព័ត៌មានអន្តរជាតិសំខាន់ៗមានដូចជា៖ បាតុកម្មដើម្បីបង្ហាញសាមគ្គីភាពលើបញ្ហាជាតិសាសន៍របស់សហរដ្ឋអាមេរិក បន្តផ្ទុះឡើងនៅទូទាំងពិភពលោក។ ពលរដ្ឋហុងកុងប្រារព្ធពិធីរំឭកខួប៣១នៃការបង្ក្រាបទីលាន Tiananmen និងព័ត៌មានអន្តរជាតិផ្សេងៗទៀត៕
1 hr
June 03, 2020 ព័ត៌មានពេលរាត្រី - មិថុនា 03, 2020
ព័ត៌មានអំពីកម្ពុជាមានដូចតទៅ៖ រដ្ឋាភិបាលកម្ពុជាគាំទ្រសំណើរបស់វិស័យឯកជនសុំពន្យារពេលដក EBA តែថា ជំហររដ្ឋាភិបាលនៅដដែល។ យុទ្ធនាការជិះកង់របស់ក្រុមយុវជនមាតាធម្មជាតិដើម្បីដាក់តំបន់កោះកុងក្រៅជាតំបន់ការពារមិនបានសម្រេច ដោយសារអាជ្ញាធររឹបអូសយកកង់របស់ពួកគេ ហើយចង់ឲ្យពួកគេសុំច្បាប់អនុញ្ញាត។
ព័ត៌មានអន្តរជាតិមានដូចតទៅ៖ ការតវ៉ាទាក់ទិននឹងការស្លាប់របស់លោក George Floyd បន្ដរីករាលដាលក្លាយជាអំពើហិង្សានៅតាមបណ្ដារដ្ឋមួយចំនួនក្នុងសហរដ្ឋអាមេរិក រហូតធ្វើឲ្យទីភ្នាក់ងារ FBI ស៊ើបអង្កេតលើតួនាទីរបស់ប៉ូលិសទាក់ទិននឹងការស្លាប់របស់លោក George Floyd។ លោក Trump ប្រកាសខ្លួនជាប្រធានាធិបតីរក្សាច្បាប់ទម្លាប់។ លោក Trump ថា គណបក្សសាធារណរដ្ឋនឹងមិនរៀបចំសន្និបាតជាតិគណបក្សនៅរដ្ឋ North Carolina នោះទេ។ ចិនរិះគន់សហរដ្ឋអាមេរិករឿងសិទ្ធិមនុស្ស មុនខួបនៃការបង្ក្រាបនៅទីលាន Tiananmen ចូលមកដល់ ខណៈតៃវ៉ាន់ស្នើឲ្យចិនសុំទោសចំពោះការបង្ក្រាបនៅទីលាននេះ។ ក្រសួងការបរទេសឥណ្ឌាថា នាយករដ្ឋមន្រ្តីឥណ្ឌាទទួលបានការអញ្ជើញរបស់លោក Trump ឲ្យចូលរួមសន្និសីទកំពូល G-7 និងព័ត៌មានអន្តរជាតិមួយចំនួនទៀត៕
58 min
June 02, 2020 ព័ត៌មានពេលរាត្រី - មិថុនា 02, 2020
ព័ត៌មានអំពីកម្ពុជាមានដូចតទៅ៖ អ្នកតស៊ូមតិថា កម្មករនិងនិយោជិតរងគ្រោះដោយកូវីដ១៩សមទទួលបានដំណោះស្រាយបន្ថែម ខណៈក្រសួងការងារលើកពេលបើកប្រាក់អតីតភាពការងារទៅឆ្នាំក្រោយ។ ក្រុមគ្រួសារហៅការចាប់ខ្លួនលោក ស៊ុន ធន់ មន្រ្តីបក្សប្រឆាំងថា«អយុត្តិធម៌»និងដើម្បីគំរាមកំហែងបំបិទសេរីភាព។
ព័ត៌មានអន្តរជាតិសំខាន់ៗមានដូចតទៅ៖ អតីតអនុប្រធានាធិបតីអាមេរិកលោក Joe Biden ប្រឆាំងការប្រើយោធារបស់ប្រធានាធិបតី ត្រាំ ដើម្បីបង្ក្រាបបាតុកម្ម ខណៈលោក Obama ជំរុញអ្នកតវ៉ាឲ្យប្រើសន្ទុះចិត្តចូលរួមក្នុងនយោបាយមូលដ្ឋានអាជ្ញាធរអាមេរិក។ សហរដ្ឋអាមេរិកថា ខ្លួនពិចារណាស្វាគមន៍ទទួលពលរដ្ឋហុងកុង ខណៈមេដឹកនាំក្រុងហុងកុងចោទប្រកាន់សហរដ្ឋអាមេរិកពីការប្រើស្តង់ដារពីរទាក់ទិននឹងការតវ៉ាប្រឆាំង។ អាជ្ញាធរអាមេរិកបារម្ភថា ការប្រមូលផ្ដុំគ្នាតវ៉ាអាចឲ្យការឆ្លងជំងឺកូវីដ១៩ រាលដាលបន្ថែមទៀត។ អង្គការសុខភាពពិភពលោកប្រកាសតំបន់អាមេរិកឡាទីនជាកន្លែងផ្ទុះជំងឺកូវីដថ្មី។ ការតវ៉ាប្រឆាំងការរើសអើងពូជសាសន៍នៅប្រេស៊ីលក្លាយជាហិង្សា និងព័ត៌មានអន្តរជាតិមួយចំនួនទៀត៕
1 hr
June 01, 2020 ព័ត៌មានពេលរាត្រី - មិថុនា 01, 2020
ព័ត៌មានអំពីកម្ពុជាមានដូចតទៅ៖ លោក ហ៊ុ ន សែន និងគ្រឹះស្ថានហិរញ្ញវត្ថុប្រកាសថា ក្រដាសប្រាក់១$ ២$ និង៥$ នៅចាយបាន ក្រោយពីធនាគារជាតិនៃកម្ពុជាបានប្រកាសថា ខ្លួននឹងឈប់ទទួលយកក្រដាសប្រាក់ទាំងនេះ។ មជ្ឈមណ្ឌលជាតិផ្តល់ឈាមអំពាវនាវឲ្យស្ម័គ្រចិត្តពលរដ្ឋបរិច្ចាគឈាមឡើងវិញ ក្រោយពីផ្អាកទទួលឈាមបណ្ដោះអាសន្នដោយសារជំងឺកូវីដ១៩។ មន្រ្តីអតីតគណបក្សសង្រ្គោះជាតិនៅក្នុងខេត្តកំពង់ធំ លោក ស៊ុន ធន់ ត្រូវបានចាប់ខ្លួនរួចបញ្ជូនមករាជធានីភ្នំពេញ។ កម្មវិធី Hello VOA មានកិច្ចពិភាក្សាអំពី «ការស្តារឡើងវិញសូត្រតម្បាញខ្មែរភ្ជាប់ទៅនឹងវិស័យទេសចរណ៍»។
ព័ត៌មានអន្តរជាតិសំខាន់ៗមានដូចតទៅ៖ លោកប្រធានាធិបតី ត្រាំ សរសើរការឆ្លើយតបរបស់ឆ្មាំការពារជាតិសហរដ្ឋអាមេរិកចំពោះភាពចលាចលបច្ចុប្បន្ន ខណៈដែលការតវ៉ាទាក់ទិននឹងការស្លាប់របស់លោក George Floyd នៅបន្តធ្វើក្នុងសហរដ្ឋអាមេរិក។ សហរដ្ឋអាមេរិកបញ្ជូនថ្នាំអ៊ីដ្រូស៊ីក្លូរ៉ូគីនចំនួន២លានដូសទៅប្រទេសប្រេស៊ីលដើម្បីប្រយុទ្ធប្រឆាំងនឹងវីរុសកូរ៉ូណា។ ប្រទេសហ្វីលីពីនបើកសេដ្ឋកិច្ចឡើងវិញដើម្បីបញ្ចៀសបញ្ហាសេដ្ឋកិច្ច និងព័ត៌មានអន្តរជាតិមួយចំនួនទៀត៕
1 hr
May 31, 2020 ព័ត៌មានពេលរាត្រី - ឧសភា 31, 2020
ព័ត៌មានអំពីកម្ពុជាមានដូចតទៅ៖ ជំងឺកូវីដធ្វើឲ្យកសិករដាំបន្លែមួយចំនួនក្នុងស្រុកស្អាងខាតបង់ ខណៈតម្លៃទីផ្សារនៅតែជាបញ្ហា។ ជំងឺកូវីដ១៩បង្កផលប៉ះពាល់ដល់សង្វាក់ផ្គត់ផ្គង់សម្លៀកបំពាក់និងកម្មករនៅអាស៊ី។

ព័ត៌មានអន្តរជាតិមានដូចតទៅ៖ បញ្ហាសុខភាពផ្លូវចិត្តនៅសហរដ្ឋអាមេរិកបានកើនឡើងក្នុងអំឡុងពេលនៃការរាតត្បាតជំងឺកូវីដ១៩។ មន្ត្រីសហរដ្ឋអាមេរិកនិយាយថា៖ «គ្មានប្រទេសណាជួយច្រើនជាង»សហរដ្ឋអាមេរិកទេក្នុងការប្រយុទ្ធនឹងវីរុសកូរ៉ូណានៅក្នុងទ្វីបអាហ្វ្រិក។ សមាជិកសភាសហរដ្ឋអាមេរិកស្នើឲ្យដូរឈ្មោះផ្លូវមួយនៅមុខស្ថានទូតចិនក្នុងរដ្ឋធានីវ៉ាស៊ីនតោនតាមឈ្មោះរបស់វេជ្ជបណ្ឌិតចិន។ ទីភ្នាក់ងារអវកាស NASA យកឈ្មោះប្រធានផ្នែកតារាសាស្ត្រដំបូងបង្អស់របស់ខ្លួនដាក់ឱ្យកែវយឹតដែនអវកាសជំនាន់ថ្មី៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…