កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

August 31, 2021 ព័ត៌មានពេលព្រឹក៖ ១ កញ្ញា ២០២១ - កញ្ញា 01, 2021
ព័ត៌មានអំពីកម្ពុជាមានដូចជា ពលរដ្ឋនៅខេត្តពោធិ៍សាត់រំឭកការសម្លាប់អតីតទាហាន និងអ្នករដ្ឋការរបបលន់ នល់ នៅទួលពោធិ៍ជ្រៃ។ រដ្ឋាភិបាលពិចារណាបើកសាលារៀនឡើងវិញនៅតាមតំបន់មិនឆ្លងជំងឺកូវីដ១៩ខ្ពស់។ រីឯព័ត៌មានអន្តរជាតិវិញមានដូចជា អាកាសយានដ្ឋានក្រុងកាប៊ុល ពេលនេះមិនមានការគ្រប់គ្រងទេ ហើយយន្តហោះអាមេរិកត្រូវបានហាមប្រាមការហោះហើរ។ អ្នកគាំទ្រតាលីបង់ជាច្រើននាក់ប្រារព្ធពិធីអបអរការចាកចេញរបស់អាមេរិក និងថាអាហ្វហ្គានីស្ថានជាកន្លែងកប់ខ្មោចប្រទេសមហាអំណាច។ ក្រសួងការពារជាតិជប៉ុនស្វះស្វែងរកថវិកាចំនួន៥០ពាន់លានដុល្លារ។ វៀតណាមដោះលែងអ្នកទោស៣ពាន់នាក់នៅថ្ងៃបុណ្យឯករាជ្យជាតិ។ វីរុសជំងឺកូវីដ១៩បំប្លែងថ្មីត្រូវបានគេរកឃើញនៅក្នុងប្រទេសអាហ្វ្រិកខាងត្បូង៕
30 min
August 30, 2021 ព័ត៌មានពេលព្រឹក៖ ៣១ សីហា ២០២១ - សីហា 31, 2021
ព័ត៌មានអំពីកម្ពុជាមានដូចជា ស្រ្តី២នាក់នៅខេត្តសា្វយរៀងត្រូវឃាត់ខ្លួន ក្រោយពួកគេចេញមុខតវ៉ារឿងដីធ្លី។ អ្នកនាំពាក្យក្រសួងមហាផ្ទៃ ចោទលោក សម រង្ស៊ី ថាផ្សាយព័ត៌មានក្លែងក្លាយជុំវិញការបង្កើតរដ្ឋាភិបាលបង្រួបបង្រួមជាតិ។ លោក ហ៊ុន សែន ចំអកឲ្យសហរដ្ឋអាមេរិកថា«ចាញ់»សង្រ្គាមនៅអាហ្វហ្គានីស្ថាន។ រីឯព័ត៌មានអន្តរជាតិវិញមានដូចជា រដ្ឋាភិបាលក្រុងមូស្គូទទួលស្វាគមន៍ការអំពាវនាវរបស់ប្រធានាធិបតីបារាំងលោក Macron ឲ្យមានតំបន់សុវត្ថិភាពនៅក្នុងរដ្ឋធានីកាប៊ុល។ សហភាពអឺរ៉ុបថា ប្លុកខ្លួនគួរគាំទ្រប្រទេសក្បែរខាងអាហ្វហ្គានីស្ថាន។ ជំនួយការជាន់ខ្ពស់របស់ប្រធានាធិបតីហ្វីលីពីន បដិសេធការការតែងតាំងបេក្ខជនប្រធានាធិបតី។ សហភាពអឺរ៉ុបស្នើឲ្យដាក់ការរឹតបន្តឹងការធ្វើដំណើរបង្ការជំងឺកូវីដ១៩ ឡើងវិញលើអ្នកទេសចរណ៍អាមេរិក។ អង្គការសុខភាពពិភពលោកបារម្ភថា អាចមានអ្នកស្លាប់បន្ថែម២៣៦.០០០នាក់ទៀតក្នុងទ្វីបអឺរ៉ុបដោយសារជំងឺកូវីដ១៩ នៅត្រឹមដំណាច់ឆ្នាំ២០២១នេះ៕
30 min
August 29, 2021 ព័ត៌មានពេលព្រឹក៖ ៣០ សីហា ២០២១ - សីហា 30, 2021
ព័ត៌មានអំពីកម្ពុជាមានដូចជា តុលាការបើកសវនាការកំបាំងមុខក្នុងសំណុំរឿងបង្ហោះហ្វេសប៊ុក«ញុះញង់»របស់សកម្មជនបក្សប្រឆាំង។ រីឯព័ត៌មានអន្តរជាតិវិញមានដូចជា ពលរដ្ឋអាមេរិកាំងដើមកំណើតវៀតណាមជួយជនជាតិអាហ្វហ្គានីស្ថានឱ្យមកតាំងលំនៅដ្ឋានជាថ្មីក្នុងសហរដ្ឋអាមេរិក។ អតីតយុទ្ធជនអាមេរិកប្រើរូបថតដើម្បីកំណត់បង្ហាញបទពិសោធន៍ជីវិតរបស់ជនជាតិអាមេរិកស្បែកខ្មៅជាថ្មី៕
30 min
August 28, 2021 ព័ត៌មានពេលព្រឹក៖ ២៩ សីហា ២០២១ - សីហា 29, 2021
ព័ត៌មានអំពីកម្ពុជាមានដូចជា អ.ស.បថា សុខភាពផ្លូវចិត្តពលករចំណាកស្រុករងការគំរាមកំហែងក្នុងពេលវិបត្តិកូវីដ១៩។ រីឯព័ត៌មានអន្តរជាតិវិញមានដូចជា អ្នកជំនាញពិនិត្យកេរដំណែលអាមេរិកបន្ទាប់ពី២០ឆ្នាំនៅអាហ្វហ្គានីស្ថាន។ ក្រុមហ៊ុននីហ្សេរីយ៉ាប្រើប្រាស់ធ្យូងកែច្នៃពីសំបកដូងដើម្បីកាត់បន្ថយការកាប់ព្រៃឈើ៕
30 min
August 27, 2021 ព័ត៌មានពេលព្រឹក៖ ២៨ សីហា ២០២១ - សីហា 28, 2021
ព័ត៌មានអំពីកម្ពុជាមានដូចជា សាច់ញាតិរបស់សមាជិកក្រុមខ្មែរថាវរៈសង្ឃឹមតិចតួចចំពោះការសម្រាលទោស តែសុំកាត់ក្តីដោយយុត្តិធម៌។ មន្រ្តីជំនាញថា រយៈពេល៦ខែដើមឆ្នាំនេះ ករណីជួញដូរមនុស្សនៅកម្ពុជាកើនឡើង៣ដង។ រីឯព័ត៌មានអន្តរជាតិវិញមានដូចជា ក្រុមយុវជនជំនាន់ Gen Z និងក្រុមអាវក្រហមថៃក្រោកឈរប្រឆាំងនឹងលោកនាយករដ្ឋមន្ត្រី Prayuth សារជាថ្មី។ បារាំងកំពុងទប់ទល់នឹងការកើនឡើងករណីឆ្លងជំងឺកូវីដ១៩ ខណៈអត្រាចាក់វ៉ាក់សាំងមានទាបនៅតាមដែនដីក្រៅប្រទេស៕
30 min
August 26, 2021 ព័ត៌មានពេលព្រឹក៖ ២៧ សីហា ២០២១ - សីហា 27, 2021
ព័ត៌មានអំពីកម្ពុជាមានដូចជា បុរសម្នាក់ត្រូវកាត់ទោសជាប់ពន្ធនាគារ១០ខែ រឿងរិះគន់យុទ្ធនាការទិញផ្លែមៀនរបស់នាយករដ្ឋមន្រ្តី។ អាជ្ញាធរឥណ្ឌូណេស៊ីឃាត់នាវាដឹកប្រេងដែលកម្ពុជាអះអាងថាលួចនាំចេញដោយខុសច្បាប់។ រីឯព័ត៌មានអន្តរជាតិវិញមានដូចជា អតីតយុទ្ធជនអាមេរិកប្រើរូបថតដើម្បីកំណត់បង្ហាញបទពិសោធន៍ជីវិតរបស់ជនជាតិអាមេរិកស្បែកខ្មៅជាថ្មី។ លោក Biden ស្វះស្វែងដោះស្រាយភាពវឹកវរពីការដកទ័ពពីអាហ្វហ្គានីស្ថាន។ ទីភ្នាក់ងារផ្តល់ជំនួយមួយជួយទំនុកបម្រុងស្រ្តីនៅកេនយ៉ាអំឡុងពេលមានវិបត្តិជំងឺកូវីដ១៩៕
30 min
August 25, 2021 ព័ត៌មានពេលព្រឹក៖ ២៦ សីហា ២០២១ - សីហា 26, 2021
ព័ត៌មានអំពីកម្ពុជាមានដូចជា មន្រ្តីសិទ្ធិមនុស្សជំរុញការបង្កើតស្ថាប័នសិទ្ធិមនុស្សជាតិឯករាជ្យមួយ ខណៈព្រួយបារម្ភអំពីស្ថានភាពសិទ្ធិមនុស្សបច្ចុប្បន្ននេះ។ បណ្ដឹងសាទុក្ខចុងក្រោយបង្អស់ និងសាលាក្ដីខ្មែរក្រហមជិតដល់ទីបញ្ចប់។ ជំនន់ទឹកភ្លៀងនៅក្រុងព្រះសីហនុសម្លាប់មនុស្សម្នាក់ និងបណ្តាលឲ្យខូចខាតទ្រព្យសម្បត្តិរបស់ពលរដ្ឋ។ រីឯព័ត៌មានអន្តរជាតិវិញមានដូចជា របាយការណ៍បង្ហាញថា ស្ថាប័នស៊ើបការណ៍សម្ងាត់អាមេរិកនៅមិនទាន់សន្និដ្ឋានពីប្រភពដើមជំងឺកូវីដ១៩ទេ។ កងទ័ពអាមេរិកត្រូវបានបញ្ជាឱ្យចាក់វ៉ាក់សាំងកូវីដ១៩។ អនុប្រធានាធិបតីសហរដ្ឋអាមេរិកបើកការិយាល័យ CDC ថ្មី ប្រចាំតំបន់អាស៊ីអាគ្នេយ៍នៅវៀតណាម។ កិច្ចប្រឹងប្រែងជម្លៀសមនុស្សក្នុងប្រទេសអាហ្វហ្គានីស្ថានកំពុងបង្កើនល្បឿន ខណៈក្រុមតាលីបង់ កំពុងស្វែងរកអ្នកសារព័ត៌មាន។ ប៉ូឡូញចោទប្រកាន់ប្រទេសបេឡារុសថា រុញជនចំណាកស្រុកឲ្យចូលប្រទេសខ្លួន។ ប្រទេសនីហ្សេរីយ៉ាថា ខ្លួនអាចសន្មតថា មេដឹកនាំបូកូហារ៉ាមពិតជាស្លាប់មែន៕
30 min
August 24, 2021 ព័ត៌មានពេលព្រឹក៖ ២៥ សីហា ២០២១ - សីហា 25, 2021
ព័ត៌មានអំពីកម្ពុជាមានដូចជា អធិការស្រុកអូររាំងឪត្រូវផ្អាកភារកិច្ចជាបណ្តោះអាសន្ន ជុំវិញករណីអំពើពុករលួយ។ លោក សម រង្ស៊ី ប្រកាសសម្របសម្រួលជម្លោះផ្ទៃក្នុងបក្ស ដែលរួមរឹតដោយការវាយប្រហារគ្នា។ រីឯព័ត៌មានអន្តរជាតិវិញមានដូចជា ចិនប្រតិកម្មនឹងអ្នកស្រី Harrisដែលថា ចិនបង្ខិតបង្ខំបំភិតបំភ័យនៅសមុទ្រចិនខាងត្បូង។ ខណៈមានការភ័យខ្លាចនិងការរិៈគន់ ក្រុមតាលីបង់ចង់បានការទទួលស្គាល់ជាអន្តរជាតិ។ អ្នករស់រានជីវិតពីការរញ្ជួយដីក្នុងប្រទេសហៃទីបារម្ភពីអនាគតកូនចៅរបស់គេ។ ប្រធានាធិបតីទុយនីស៊ីពន្យារពេលការផ្អាកសភា។ អតីតប្រធានាធិបតីប្រទេសឆាដស្លាប់ ក្នុងអំឡុងពេលជាប់ទោសអស់មួយជីវិតពីបទឧក្រិដ្ឋកម្មសង្គ្រាម។ វីដេអូបែកធ្លាយបង្ហាញពីស្ថានភាពដ៏អាក្រក់ក្នុងពន្ធនាគារ Evin នៅអ៊ីរ៉ង់។ អង្គការ UNHCR និយាយថាជនជាតិអាហ្វហ្គានីស្ថានគួរត្រូវបានការពារ និងមិនត្រូវបំភ្លេចចោលទេ៕
30 min
August 23, 2021 ព័ត៌មានពេលព្រឹក៖ ២៤ សីហា ២០២១ - សីហា 24, 2021
ព័ត៌មានអំពីកម្ពុជាមានដូចជា របាយការណ៍អង្គការយូនីសេហ្វ៖ កុមារកម្ពុជាប្រឈមនឹងហានិភ័យខ្ពស់ពីផលប៉ះពាល់នៃវិបត្តិអាកាសធាតុ។ អាជ្ញាធរឃាត់ខ្លួនជនបរទេសជាង១០០នាក់ សង្ស័យលួចបើកល្បែងអនឡាញ។ រីឯព័ត៌មានអន្តរជាតិវិញមានដូចជា អនុប្រធានាធិបតីអាមេរិកគូសបញ្ជាក់ការប្តេជ្ញាចិត្តចំពោះសន្តិសុខតំបន់ក្នុងទស្សនកិច្ចនៅប្រទេសសិង្ហបុរី។ ជនជាតិរ៉ូហ៊ីងយ៉ាលង់ទឹក ពេលរត់ពីលើកោះដាច់ស្រយាលនៅបង់ក្លាដែស។ មេដឹកនាំអឺរ៉ុបដែលជាសមាជិកអង្គការអូតង់រងការរិះគន់ចំពោះការបាត់បង់ក្រុងកាប៊ុល។ ក្រុមតាលីបង់ដាក់គោលដៅវាយតំបន់ជ្រលងភ្នំ Panjshir ខណៈមេដឹកនាំក្រុមតស៊ូនៅរឹងទទឹង។ កោះតៃវ៉ាន់ បើកយុទ្ធនាការចាក់វ៉ាក់សាំងកូវីដ១៩ ដែលផលិតក្នុងស្រុក។ ទីភ្នាក់ងារម្ហូបអាហារនិងឱសថ (FDA) អាមេរិកផ្តល់ការយល់ព្រមពេញលេញចំពោះវ៉ាក់សាំង Pfizer។ ប្រទេសអេហ្ស៊ីប បិទព្រំដែនជាមួយតំបន់កាហ្សាស្ទ្រីប ខណៈពេលមានភាពតានតឹងជាមួយក្រុមហាម៉ាស។ សហរដ្ឋអាមេរិក សហភាពអឺរ៉ុប និងប្រទេសលោកខាងលិចផ្សេងទៀតជំរុញឱ្យក្រុមតាលីបង់ធានាដល់សិទ្ធិស្ត្រី និងក្មេងស្រី៕
30 min
August 22, 2021 ព័ត៌មានពេលព្រឹក៖ ២៣ សីហា ២០២១ - សីហា 23, 2021
ព័ត៌មានអំពីកម្ពុជាមានដូចជា ឈានចូលនិវត្តន៍ អ្នកស្រីរស់ សុភាពនៃអង្គការហ្គេតស៊ី លែងចង់ឃើញផ្នត់គំនិត «ស្ត្រីគ្រាន់តែជាធនធានអភិវឌ្ឍបន្ទាប់បន្សំ»។ រីឯព័ត៌មានអន្តរជាតិវិញមានដូចជា ក្រុមហ៊ុននីហ្សេរីយ៉ាប្រើប្រាស់ធ្យូងកែច្នៃពីសំបកដូងដើម្បីកាត់បន្ថយការកាប់ព្រៃឈើ។ អង្គការ Amnesty និយាយថាស្ត្រីនិងក្មេងស្រីរាប់រយនាក់ត្រូវរំលោភសេពសន្ថវៈក្នុងតំបន់ Tigray នៃប្រទេសអេត្យូពី។ ក្រុមហ៊ុននីហ្សេរីយ៉ាប្រើប្រាស់ធ្យូងកែច្នៃពីសំបកដូងដើម្បីកាត់បន្ថយការកាប់ព្រៃឈើ៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។