កម្មវិធីវិទ្យុពេលព្រឹក - វីអូអេ podcast - Page 170

August 11, 2021 ព័ត៌មានពេលព្រឹក៖ ១២ សីហា ២០២១ - សីហា 12, 2021

ព័ត៌មានអំពីកម្ពុជាមានដូចជា អាជ្ញាធរឲ្យពលរដ្ឋយ៉ាងតិច១០គ្រួសាររុះរើផ្ទះចេញពីតំបន់ជាប់អាងស្តុកទឹកបឹងទំពុនក្នុងពេលមួយសប្តាហ៍ ដោយមិនផ្តល់សំណង។ ម្ចាស់ក្រុមហ៊ុនស៊ូជីងថា«អយុត្តិធម៌» រឿងដកហូតដីអភិវឌ្ឍផែទេសចរណ៍នៅខេត្តសៀមរាប ពាក់ព័ន្ធនឹងបំណុលពន្ធ។ រីឯព័ត៌មានអន្តរជាតិវិញមានដូចជា ព្រឹទ្ធសភាអាមេរិកអនុម័តពង្រាងច្បាប់ថវិកាដែលមានទឹកប្រាក់ប្រមាណ៣,៥លានលានដុល្លារ។ ប៉ូលិសថៃប្រឈមជាមួយក្រុមបាតុករម្តងទៀតនៅជិតគេហដ្ឋាននាយករដ្ឋមន្ត្រី។ ប្រទេសប៉ាគីស្ថានព្យាយាមការពារគំនិតផ្តួចផ្តើមឲ្យមានសន្តិភាពក្នុងប្រទេសអាហ្វហ្គានីស្ថាន។ មនុស្សចំនួន៥នាក់បានហក់ពីលើអគារស្នាក់នៅដើម្បីគេចចេញពីកម្លាំងសន្តិសុខមីយ៉ាន់ម៉ា ដែលធ្វើឲ្យពួកគេយ៉ាងតិច២នាក់បានស្លាប់។ សហជីពគ្រូបង្រៀនដ៏ធំបង្អស់មួយរបស់ទីក្រុងហុងកុង បានប្រកាសរំសាយ។ អភិបាលរដ្ឋញូវយ៉កប្រកាសលាលែងពីតំណែង ជុំវិញការចោទប្រកាន់ការបៀតបៀនផ្លូវភេទ៕

30 min

August 10, 2021 ព័ត៌មានពេលព្រឹក៖ ១១ សីហា ២០២១ - សីហា 11, 2021

ព័ត៌មានអំពីកម្ពុជាមានដូចជា កម្ពុជាត្រៀមធ្វើជាប្រធានអាស៊ាន ដោយប្តេជ្ញាដោះស្រាយបញ្ហា ក្រោមគោលការណ៍កុងសង់ស៊ីស។ ឪពុករបស់ Jordan Pisey Windle ថា អនាគតរបស់កីឡាករលោតទឹកអាមេរិកាំងដើមកំណើតខ្មែរវែងឆ្ងាយហួសពីការប្រកួតក្នុងកីឡាអូឡាំពិក។ រីឯព័ត៌មានអន្តរជាតិវិញមានដូចជា សមាជិកព្រឹទ្ធសភានៃគណបក្សប្រជាធិបតេយ្យបង្ហាញពីផែនការសុវត្ថិភាពសង្គម។ សហរដ្ឋអាមេរិកដាក់ទណ្ឌកម្មហិរញ្ញវត្ថុលើរដ្ឋាភិបាលបេឡារុសរបស់លោក Lukashenko។ អភិបាលរដ្ឋ និងមន្ត្រីមូលដ្ឋានប្រឆាំងគ្នារឿងតម្រូវការឲ្យពាក់ម៉ាស។ មេដឹកនាំទីក្រុងហុងកុងថា ទីក្រុងនេះនឹងអនុម័តច្បាប់ចិនប្រឆាំងទណ្ឌកម្ម។ រុស្ស៊ីបើករៀបចំសំណុំរឿងព្រហ្មទណ្ឌចោទអ្នកប្រឆាំង៕

30 min

August 09, 2021 ព័ត៌មានពេលព្រឹក៖ ១០ សីហា ២០២១ - សីហា 10, 2021

ព័ត៌មានអំពីកម្ពុជាមានដូចជា របាយការណ៍ថ្មីថា ទំនប់វារីអគ្គិសនីសេសានក្រោម ២ បង្ក«មហន្តរាយសិទ្ធិ»ដល់ជនជាតិដើមភាគតិចក្នុងខេត្តស្ទឹងត្រែង។ មេធាវីថា លោក កឹម សុខា មិនចូលរួមបង្កើតរដ្ឋាភិបាលបង្រួបបង្រួមជាតិ ដែលលោក សម រង្ស៊ី បានប្រកាស។ រីឯព័ត៌មានអន្តរជាតិវិញមានដូចជា ព្រឹត្តិការណ៍កីឡាអូឡាំពិកទីក្រុងតូក្យូបានដល់ទីបញ្ចប់។ ព្រឹទ្ធសភាអាមេរិក ជំរុញឲ្យមានការបោះឆ្នោតចុងក្រោយលើសេចក្តីព្រាងច្បាប់ហេដ្ឋារចនាសម្ព័ន្ធ។ ពលរដ្ឋអ៊ីស្រាអែលចាស់ៗជិត៥សែននាក់ចាក់វ៉ាក់សាំងដូសជំរុញ។ ចារកម្មកាន់តែសកម្ម ខណៈចិននិងតៃវ៉ាន់ខ្វះការទាក់ទងប៉ុន្តែប្រើឧបករណ៍អ៊ីនធឺណិត។ មន្ត្រីមូលដ្ឋានថា មនុស្សយ៉ាងតិច ៥១ នាក់បានស្លាប់ក្នុងការវាយឆ្មក់ចូលភូមិក្នុងប្រទេសម៉ាលី។ ក្រុមប្រឹក្សាអាកាសធាតុរបស់អង្គការសហប្រជាជាតិចេញរបាយការណ៍ស្តីពីកំណើនកម្តៅផែនដី៕

30 min

August 08, 2021 ព័ត៌មានពេលព្រឹក៖ ៩ សីហា ២០២១ - សីហា 09, 2021

ព័ត៌មានអំពីកម្ពុជាមានដូចជា ជនជាប់ចោទឧក្រិដ្ឋកម្មសង្គ្រាម ខៀវ សំផន បានចាក់វ៉ាក់សាំងជំងឺកូវីដ១៩ ខណៈពលរដ្ឋឯទៀតកំពុងរង់ចាំវេនចាក់។ រីឯព័ត៌មានអន្តរជាតិវិញមាន បារីអេឡិចត្រូនិកគំរាមកំហែងដល់ការប្រឹងប្រែងប្រយុទ្ធប្រឆាំងការប្រើប្រាស់ថ្នាំជក់សាកល។ ហេតុអ្វីបានជាទំនិញឡើងថ្លៃ ហើយតើវាមានន័យយ៉ាងដូចម្តេច? ទីក្រុងនៃដែនចរន្តធម្មជាតិរបស់ចិនបានវិវត្តហួសសមត្ថភាពស្រូបយកទឹកភ្លៀង៕

30 min

August 07, 2021 ព័ត៌មានពេលព្រឹក៖ ៨ សីហា ២០២១ - សីហា 08, 2021

ព័ត៌មានអំពីកម្ពុជាមានដូចជា សមាជិកសភាអាមេរិកម្នាក់ផ្តល់តម្លៃដល់ពាណិជ្ជកម្មទ្វេភាគី«មិនគិតពន្ធ»ពេលកម្ពុជាស្នើបន្ត។ រដ្ឋបាលរាជធានីភ្នំពេញអនុញ្ញាតទីតាំងលក់អាហារទទួលភ្ញៀវបាន ប៉ុន្តែត្រូវអនុវត្តវិធានការសុខាភិបាលដែលមានស្តង់ដា។ រីឯព័ត៌មានអន្តរជាតិវិញមាន សាធារណជនដែលធ្លាប់ខ្វែងគំនិតគ្នាបែរជារួបរួមគ្នាវិញដោយសារបរាជ័យរបស់រដ្ឋាភិបាលថៃក្នុងការចាក់វ៉ាក់សាំងជូនពលរដ្ឋ។ មានទំនោរទ្វេដងក្នុងការក្លាយខ្លួនជាអ្នកប្រើប្រាស់ថ្នាំជក់ទៀងទាត់៕

30 min

August 06, 2021 ព័ត៌មានពេលព្រឹក៖ ៧ សីហា ២០២១ - សីហា 07, 2021

ព័ត៌មានសំខាន់ៗមានដូចជា មនុស្សជិត៤ពាន់នាក់ត្រូវ«អប់រំនិងពិន័យ» ខណៈ៣២នាក់បញ្ជូនទៅតុលាការរឿងបំពានវិធានការប្រឆាំងវីរុសដែលតា។ សមាជិកព្រឹទ្ធសភាអាមេរិក៣រូបគាំទ្រសេចក្តីស្នើច្បាប់ប្រជាធិបតេយ្យកម្ពុជា ខណៈបក្សប្រឆាំងមានសង្ឃឹមនឹងមានគំនាបលើរដ្ឋាភិបាល។ សមាជិកសភាអាមេរិកម្នាក់ផ្តល់តម្លៃដល់ពាណិជ្ជកម្មទ្វេភាគី«មិនគិតពន្ធ»ពេលកម្ពុជាស្នើបន្ត៕

30 min

August 05, 2021 ព័ត៌មានពេលព្រឹក៖ ៦ សីហា ២០២១ - សីហា 06, 2021

ព័ត៌មានអំពីកម្ពុជាមានដូចជា សកម្មជនមើលឃើញអនាគតមិនល្អនៃសិទ្ធិមនុស្សនៅកម្ពុជានិងទទូចឲ្យធ្វើសកម្មភាពបន្ថែម។ ក្រុមសិទ្ធិមនុស្សស្នើឲ្យអ្នកបញ្ជាទិញធំៗធ្វើអន្តរាគមន៍លើការបាត់ប្រាក់ឈ្នួលកម្មករក្នុងពេលមានវិបត្តិជំងឺកូវីដ១៩។ រីឯព័ត៌មានអន្តរជាតិវិញមាន អ្នកស្រីអនុប្រធានាធិបតីសហរដ្ឋអាមេរិកនឹងធ្វើទស្សនកិច្ចទៅវៀតណាម៕

30 min

August 04, 2021 ព័ត៌មានពេលព្រឹក៖ ៥ សីហា ២០២១ - សីហា 05, 2021

ព័ត៌មានអំពីកម្ពុជាមានដូចជា ក្រសួងព័ត៌មានបង្កើតគណៈកម្មការ ដែលអាចរិះគន់អ្នកកាសែត ឬអង្គភាពសារព័ត៌មានបំពេញការងារខុសក្រមសីលធម៌។ អាជ្ញាធរថាការចាក់វ៉ាក់សាំង Johnson & Johnson ដល់ជនជាតិភាគតិចនឹងអាចចាប់ផ្តើមនៅសប្តាហ៍នេះ។ រីឯព័ត៌មានអន្តរជាតិវិញមានដូចជា សហរដ្ឋអាមេរិកបានដឹកជញ្ជូនវ៉ាក់សាំងកូវីដ១៩ ចំនួន ១១០លានដូស ឲ្យប្រទេសចំនួន ៦៥។ លោកស្រី Harris ទប់ការទាមទាររបស់ចិននៅសមុទ្រចិនខាងត្បូងក្នុងទស្សនកិច្ចនៅអាស៊ី។ រដ្ឋបាលម្ហូបអាហារនិងឱសថអាមេរិកនឹងផ្តល់ការអនុម័តពេលលេញដល់វ៉ាក់សាំងកូវីដ១៩ របស់ Pfizer នៅខែកញ្ញាខាងមុខនេះ។ កីឡាការិនីបេឡារុសចាកចេញពីទីក្រុងតូក្យូទៅកាន់ទីក្រុងវីយ៉េន។ រថភ្លើងបុកគ្នានៅប្រទេសឆែកបណ្តាលឱ្យមនុស្ ស៣នាក់ស្លាប់និង ៤០ នាក់រងរបួស។ ឥស្សរជនប្រឆាំងនៅបេឡារុសឡើងតុលាការនៅក្នុងទីក្រុង Minsk។ ប្រទេសនូវែលសេឡង់ និងចិនប៉ះទង្គិចគ្នាលើការអះអាងពាក់ព័ន្ធនឹងការលួចចូលក្នុងប្រព័ន្ធអ៊ីនធឺណិត៕

30 min

August 03, 2021 ព័ត៌មានពេលព្រឹក៖ ៤ សីហា ២០២១ - សីហា 04, 2021

ព័ត៌មានអំពីកម្ពុជាមានដូចជា ក្រុមគ្រួសារចាត់ទុក«អយុត្តិធម៌»នៃការកាត់ទោសសកម្មជនតវ៉ាក្នុងថ្ងៃទិវាកិច្ចព្រមព្រៀងទីក្រុងប៉ារីស។ ក្មេងៗចាប់ផ្តើមទទួលវ៉ាក់សាំងបង្ការជំងឺកូវីដ១៩ ខណៈទីក្រុងភ្នំពេញប្រឈមការឆ្លងវីរុសបំប្លែងថ្មី Delta។ រីឯព័ត៌មានអន្តរជាតិវិញមានដូចជា ប្រទេសជប៉ុនកំណត់ការចូលសម្រាកក្នុងមន្ទីរពេទ្យ ស្របពេលដែលករណីកូវីដ១៩កើនឡើង។ សកម្មជនបេឡារុសដែលបាត់ខ្លួន បានត្រូវគេរកឃើញស្លាប់នៅឧទ្យានក្រុងកៀវ ប្រទេសអ៊ុយក្រែន។ ប្រទេសកូរ៉េខាងជើងរិះគន់អង់គ្លេសលើផែនការដាក់ពង្រាយនាវាចម្បាំងនៅអាស៊ី។ អង្គការអូតង់ព្រមានអ៊ីរ៉ង់ឲ្យគោរពការដឹកជញ្ជូនបន្ទាប់ពីការវាយប្រហារកប៉ាល់ដឹកប្រេង។ ស្របពេលដែលមនុស្សរាប់ពាន់នាក់ឆ្លងតាមទូកតូចៗ ចក្រភពអង់គ្លេសស្វះស្វែងការធ្វើចំណាកស្រុកមិនប្រក្រតីជាបទល្មើសព្រហ្មទណ្ឌ។ សាធារណជនដែលធ្លាប់ខ្វែងគំនិតគ្នាបែរជារួបរួមគ្នាវិញដោយសារបរាជ័យរបស់រដ្ឋាភិបាលថៃក្នុងការចាក់វ៉ាក់សាំងជូនពលរដ្ឋ៕

30 min

August 02, 2021 ព័ត៌មានពេលព្រឹក៖ ៣ សីហា ២០២១ - សីហា 03, 2021

ព័ត៌មានអំពីកម្ពុជាមានដូចជា ចៅក្រមនៅទីក្រុងញូវយ៉កសម្រេចឲ្យអាមេរិករឹបអូសនាវាឃាត់បាននៅកម្ពុជា ដោយចោទថាលួចដឹកប្រេងទៅកូរ៉េខាងជើង។ រដ្ឋាភិបាលអនុញ្ញាតឲ្យចាក់វ៉ាក់សាំងដូសទី៣ ខណៈវីរុសបំប្លែងថ្មី Delta (ដែលតា) កំពុងរាលដាលដល់រាជធានីភ្នំពេញ។ រីឯព័ត៌មានអន្តរជាតិវិញមានដូចជា អត្តពលិកអូឡាំពិកបេឡារុសចូលក្នុងស្ថានទូតប្រទេសប៉ូឡូញក្នុងទីក្រុងតូក្យូបន្ទាប់ពីបដិសេធមិនវិលត្រឡប់ទៅកាន់ប្រទេសខ្លួនវិញ។ សហរដ្ឋអាមេរិកនឹងទទួលយកជនភៀសខ្លួនអាហ្វហ្គានីស្ថានរាប់ពាន់នាក់ទៀត។ ក្រុមអង្គការមនុស្សធម៌ថា ប្រទេសមីយ៉ាន់ម៉ាត្រូវការជំនួយជាបន្ទាន់ពាក់ព័ន្ធនឹងជំងឺកូវីដ១៩។ ប្រទេសនីហ្សេរីយ៉ារងការវាយប្រហារដោយជំងឺអាសន្នរោគខ្លាំងនៅភាគខាងជើងប្រទេស។ សាធារណជនដែលធ្លាប់ខ្វែងគំនិតគ្នាបែរជារួបរួមគ្នាវិញដោយសារបរាជ័យរបស់រដ្ឋាភិបាលថៃក្នុងការចាក់វ៉ាក់សាំងជូនពលរដ្ឋ៕

30 min