កម្មវិធីវិទ្យុពេលព្រឹក - វីអូអេ podcast - Page 172

July 22, 2021 ព័ត៌មានពេលព្រឹក៖ ២៣ កក្កដា ២០២១ - កក្កដា 23, 2021

ព័ត៌មានអំពីកម្ពុជាមានដូចជា រដ្ឋាភិបាលព្រមានចាត់វិធានការលើអ្នកទិញឧបករណ៍តេស្តរហ័សកូវីដ១៩ពីរដ្ឋយកទៅលក់លើទីផ្សារ។ អាមេរិកចោទជនជាតិចិនថា លួចទិន្នន័យពីកម្ពុជាទាក់ទងនឹងការពិភាក្សាអំពីទន្លេមេគង្គ។ រីឯព័ត៌មានអន្តរជាតិវិញមានដូចជា ក្ដីកង្វល់អំពីប្រសិទ្ធភាពវ៉ាក់សាំងកូវីដ១៩ Sinovac នៅតែមាន ខណៈតំបន់អាស៊ីអាគ្នេយ៍ប្រឹងទប់ទល់នឹងជំងឺកូវីដ១៩។ កិច្ចចរចាសហរដ្ឋអាមេរិកនិងតៃវ៉ាន់នឹងបន្តស្របពេលមានការខ្វះខាតបន្ទះអេឡិចត្រូនិក Semiconductor ក្នុងសាកលលោក៕

30 min

July 21, 2021 ព័ត៌មានពេលព្រឹក៖ ២២ កក្កដា ២០២១ - កក្កដា 22, 2021

ព័ត៌មានអំពីកម្ពុជាមានដូចជា មន្រ្តីក្រសួងការបរទេសថាមិនទាន់មានទិន្នន័យពលករខ្មែរឆ្លងកូវីដ១៩ នៅថៃ ខណៈអាជ្ញាធរកំពុងជួយពលករដែលលំបាកខ្លាំង។ ជំងឺកូវីដ១៩បន្តឆ្លងក្នុងចំណោមព្រះសង្ឃ ខណៈករណីឆ្លងទូទាំងប្រទេសមិនទាន់ធូរស្រាល។ រីឯព័ត៌មានអន្តរជាតិវិញមានដូចជា អ្នកការទូតអាមេរិកថា អាមេរិក ជប៉ុន និងកូរ៉េខាងត្បូងផ្ញើសារច្បាស់លាស់មួយទៅកូរ៉េខាងជើង។ រដ្ឋាភិបាលក្រុងប៉េកាំងភ្ជាប់កិច្ចសហប្រតិបត្តិការផ្នែកអាកាសធាតុទៅនឹងទំនាក់ទំនងរវាងចិននិងអាមេរិក។ ទីភ្នាក់ងារព័ត៌មាន Ifax ថា រុស្ស៊ីនិងមីយ៉ាន់ម៉ាធ្វើកិច្ចសហប្រតិបត្តិការទៅលើការផ្គត់ផ្គង់អាវុធ។ វ៉ាក់សាំង Johnson & Johnson មិនសូវបង្ហាញប្រសិទ្ធភាពប្រឆាំងនឹងវីរុសកូរ៉ូណាបំប្លែងថ្មីដែលតា។ ចំនួនមនុស្សស្លាប់ជាង ៤ លាន ១ សែននាក់ដោយសារជំងឺកូវីដ១៩ គិតត្រឹមថ្ងៃពុធ។ រដ្ឋបាលលោក Biden ពិបាកបង្កើនអត្រាអ្នកចាក់វ៉ាក់សាំង ខណៈជំងឺកូវីដ១៩កើនឡើង។ កិច្ចចរចារវាងសហរដ្ឋអាមេរិក និងតៃវ៉ាន់នឹងបន្ត ស្របពេលមានការខ្វះខាតបន្ទះអេឡិចត្រូនិក Semiconductor ក្នុងសាកលលោក៕

30 min

July 20, 2021 ព័ត៌មានពេលព្រឹក៖ ២១ កក្កដា ២០២១ - កក្កដា 21, 2021

ព័ត៌មានអំពីកម្ពុជាមានដូចជា មន្ត្រីសុខាភិបាលថាអ្នកជំងឺកូវីដ១៩ភាគច្រើនស្លាប់ ដោយសារមកព្យាបាលយឺតយ៉ាវ ខណៈក្រសួងនឹងសិក្សាមូលហេតុឲ្យបានច្បាស់លាស់។ អ្នកតស៊ូមតិផ្នែកបរិស្ថានរិះគន់រដ្ឋមន្ត្រីក្រសួងកសិកម្ម រឿងទំនួលខុសត្រូវលើការបង្ក្រាបបទល្មើសព្រៃឈើ។ រីឯព័ត៌មានអន្តរជាតិវិញមានដូចជា អាមេរិកកំពុងពិចារណារកមធ្យោបាយផ្ដល់ជំនួយដល់គុយបា។ ប្រទេសអង់គ្លេសដាក់ពង្រាយនាវាចម្បាំង២គ្រឿងជាអចិន្ត្រៃយ៍នៅសមុទ្រក្នុងតំបន់អាស៊ី។ អាមេរិកអំពាវនាវពលរដ្ឋខ្លួនកុំឲ្យធ្វើដំណើរទៅអង់គ្លេស ដោយសារកូវីដ១៩កើនឡើងនៅទីនោះ។ មហាសេដ្ឋី Bezos ធ្វើដំណើរពីអវកាសមកផែនដីវិញដោយជោគជ័យ។ មេដឹកនាំបក្សប្រឆាំងបេឡារុសជំរុញអាមេរិកឲ្យដាក់សម្ពាធលើប្រធានាធិបតីខ្លួន។ ឧត្តមស្នងការសិទ្ធិមនុស្សអំពាវនាវឱ្យមានការផ្លាស់ប្តូរសំខាន់ៗដើម្បីបញ្ចប់ការរើសអើងជាតិសាសន៍ជាប្រព័ន្ធដ៏ច្រើនជំនាន់៕

30 min

July 19, 2021 ព័ត៌មានពេលព្រឹក៖ ២០ កក្កដា ២០២១ - កក្កដា 20, 2021

ព័ត៌មានអំពីកម្ពុជាមានដូចជា គ្រឿងញៀនជាង៤តោនត្រូវដុតបំផ្លាញ ខណៈជាង៣តោនទៀតនឹងត្រូវបន្សាបតាមលក្ខណៈបច្ចេកទេសគីមី។ អ្នកតាមដានបារម្ភដំណោះស្រាយនយោបាយមិនទៅមុខ ក្រោយអាជ្ញាធរបដិសេធមិនផ្តល់សិទ្ធិធ្វើនយោបាយឲ្យមន្រ្តីបក្សប្រឆាំង។ រីឯព័ត៌មានអន្តរជាតិវិញមានដូចជា បំពង់ឧស្ម័នធម្មជាតិរុស្ស៊ីជាបញ្ហាសំខាន់មួយនៅក្នុងជំនួបរវាងលោក Biden និងអ្នកស្រី Merkel។ អាមេរិកនិងប្រទេសមួយចំនួនទៀតចោទទីភ្នាក់ងារចារកម្មរបស់ចិនថាជួលពួកអ្នកលួចព័ត៌មានតាមកុំព្យូទ័រ។ ប្រធានាធិបតីកូរ៉េខាងត្បូងលុបចោលទស្សនកិច្ចទៅកាន់ទីក្រុងតូក្យូដែលអាចនឹងមានជំនួបកំពូលជាមួយនាយករដ្ឋមន្ត្រីជប៉ុន។ ក្រុមប្រឆាំងនឹងរដ្ឋប្រហារនៅមីយ៉ាន់ម៉ាធ្វើបាតុកម្មនៅទិវាទុក្ករបុគ្គល។ ពួកបាតុកររិះគន់នាយករដ្ឋមន្ត្រីថៃចំពោះចំណាត់ការលើការរាតត្បាតជំងឺកូវីដ១៩។ សហរដ្ឋអាមេរិកដោះលែងអ្នកជាប់ឃុំនៅច្រកសមុទ្រ Guantanamo ទៅកាន់ប្រទេសម៉ារ៉ុកវិញ។ សវនាការកាត់ក្ដីអតីតប្រធានាធិបតីអាហ្វ្រិកខាងត្បូងពីបទពុករលួយចាប់ផ្ដើមឡើងវិញកាលពីថ្ងៃចន្ទ៕

30 min

July 18, 2021 ព័ត៌មានពេលព្រឹក៖ ១៩ កក្កដា ២០២១ - កក្កដា 19, 2021

ព័ត៌មានអំពីកម្ពុជាមានដូចជា អាមេរិកជំរុញការស៊ើបអង្កេតបន្ថែមលើឃាតកម្មលោក កែម ឡី ខណៈមន្ត្រីកម្ពុជាថាកុំឲ្យធ្វើអាជីវកម្មនយោបាយ។ រីឯព័ត៌មានអន្តរជាតិវិញមានដូចជា រដ្ឋាភិបាលអាហ្វហ្គានីស្ថាន ប្តេជ្ញាទប់ស្កាត់ការរុលទៅមុខរបស់ក្រុមតាលីបង់ ខណៈពេលអាមេរិកកំពុងដកទ័ព។ ពិភពលោកមិនទាន់ត្រៀមខ្លួនរួចរាល់ដើម្បីទប់ទល់នឹងជំងឺរាតត្បាតនៅឡើយទេ។ លោក Biden ជឿថា«អាមេរិកមកវិញហើយ»តែពួកសម្ព័ន្ធមិត្តរបស់សហរដ្ឋអាមេរិកមិនទាន់ប្រាកដក្នុងចិត្តទេ៕

30 min

July 17, 2021 ព័ត៌មានពេលព្រឹក៖ ១៨ កក្កដា ២០២១ - កក្កដា 18, 2021

ព័ត៌មានអំពីកម្ពុជាមានដូចជា ស្ថានភាពកូវីដនៅកម្ពុជាវិវត្តទៅរកកម្រិតធ្ងន់ធ្ងរ ទោះវិសាលភាពចាក់វ៉ាក់សាំងបង្ការពង្រីកធំធេង។ រីឯព័ត៌មានអន្តរជាតិវិញមានដូចជា អ្នករាយការណ៍អំពីកំហុសឆ្គងក្នុងស្ថាប័នប្រព័ន្ធផ្សព្វផ្សាយរដ្ឋាភិបាលអាមេរិក ត្រូវបានសន្មតថាមិនបានធ្វើខុស។ ប្រទេសអេហ្ស៊ីប និងប្រទេសស៊ូដង់ស្វែងរកជំនួយពីអង្គការសហប្រជាជាតិដើម្បីរកដំណោះស្រាយជម្លោះទំនប់ដ៏ធំមួយ ជាមួយនឹងប្រទេសអេត្យូពី។ ឧត្តមស្នងការសិទ្ធិមនុស្សថា មីយ៉ាន់ម៉ាអាចនឹងធ្លាក់ចូលក្នុងសង្គ្រាមស៊ីវិល ខណៈប្រជាជនបាត់បង់ក្តីសង្ឃឹមកាន់តែខ្លាំង៕

30 min

July 16, 2021 ព័ត៌មានពេលព្រឹក៖ ១៧ កក្កដា ២០២១ - កក្កដា 17, 2021

ព័ត៌មានអំពីកម្ពុជាមានដូចជា មេធាវីបក្សប្រឆាំងម្នាក់ស្នើសុំសិទ្ធិធ្វើនយោបាយ ប៉ុន្តែក្រសួងមហាផ្ទៃបដិសេធដោយថាជាប់បណ្តឹងនៅតុលាការ។ កម្ពុជាចាប់ខ្លួនបុរសដែលសម្លាប់ស្រ្តីជនជាតិអាមេរិកនៅកោះរ៉ុង ក្នុងរយៈពេល៨ឆ្នាំបន្ទាប់ពីឃាតកម្មបានកើតឡើង។ ស្ថានភាពកូវីដដុនដាបនាំឲ្យលំហនយោបាយនិងការរិះគន់ខើចខ្លី។ រីឯព័ត៌មានអន្តរជាតិវិញមានដូចជា សហរដ្ឋអាមេរិកប្រកាសផ្តល់ជំនួយវ៉ាក់សាំងទៅឱ្យវៀតណាម និងប្រទេសក្វាតេម៉ាឡា៕

30 min

July 15, 2021 ព័ត៌មានពេលព្រឹក៖ ១៦ កក្កដា ២០២១ - កក្កដា 16, 2021

ព័ត៌មានអំពីកម្ពុជាមានដូចជា កម្ពុជារាយការណ៍មនុស្ស៣៩នាក់ស្លាប់ដោយសារកូវីដក្នុងមួយថ្ងៃ ខណៈករណីស្លាប់សរុបកើនលើស១ពាន់នាក់។ កម្ពុជាបញ្ជាក់គោលការណ៍«មិនជ្រៀតជ្រែកកិច្ចការផ្ទៃក្នុង» ខណៈអាមេរិកជំរុញអាស៊ានឲ្យចាត់វិធានការរឹងមាំលើវិបត្តិនៅមីយ៉ាន់ម៉ា។ រីឯព័ត៌មានអន្តរជាតិវិញមានដូចជា សហរដ្ឋអាមេរិកលើកឡើងអំពីការប្រល័យពូជសាសន៍និងអំពើឃោរឃៅក្នុងប្រទេសចំនួន៦។ ប្រទេសអេហ្ស៊ីប និងប្រទេសស៊ូដង់ ស្វែងរកជំនួយពីអង្គការសហប្រជាជាតិដើម្បីរកដំណោះស្រាយជម្លោះទំនប់ដ៏ធំមួយ ជាមួយនឹងប្រទេសអេត្យូពី។ ស្ត្រីស៊ីមបាវ៉េកំពុងបង្កើនការតស៊ូមតិប្រឆាំងសិទ្ធិកាន់កាប់ទ្រព្យសម្បត្តិ៕

30 min

July 14, 2021 ព័ត៌មានពេលព្រឹក៖ ១៥ កក្កដា ២០២១ - កក្កដា 15, 2021

ព័ត៌មានអំពីកម្ពុជាមានដូចជា កម្ពុជាផ្អាកការធ្វើដំណើរចេញចូលឆ្លងព្រំដែនវៀតណាម១ខែ ដើម្បីទប់ស្កាត់ការឆ្លងរាលដាលជំងឺកូវីដ១៩។ កម្ពុជាជំរុញក្រុមហ៊ុនផ្តល់សេវាអ៊ីនធឺណិតបង្កើតគោលនយោបាយការពារកុមារ ដើម្បីប្រឆាំងការកេងប្រវ័ញ្ចផ្លូវភេទតាមប្រព័ន្ធអនឡាញ។ សង្គមស៊ីវិលដាក់«លក្ខខណ្ឌអប្បបរមា»ដើម្បីធានាភាពស្របច្បាប់នៃការបោះឆ្នោតឃុំសង្កាត់ឆ្នាំ២០២២។ រីឯព័ត៌មានអន្តរជាតិវិញមានដូចជា សមាជិកព្រឹទ្ធសភាអាមេរិកខាងគណបក្សប្រជាធិបតេយ្យ ប្រកាសកិច្ចព្រមព្រៀងដែលមានទឹកប្រាក់៣,៥លានលានដុល្លារ។ ប៉ូលិសហៃទីបន្តស្វែងរកក្រុមជនសង្ស័យដែលពាក់ព័ន្ធនឹងការធ្វើឃាតលោកប្រធានាធិបតីហៃទី។ សហរដ្ឋអាមេរិកនិងអូស្ត្រាលីធ្វើសមយុទ្ធយោធារួមគ្នាក្រោមការតាមមើលយ៉ាងហ្មត់ចត់ពីប្រទេសចិន។ ទីក្រុងស៊ីដនីនៃប្រទេសអូស្ត្រាលីនៅបន្តបិទសកម្មភាពសង្គមរយៈពេល២សប្តាហ៍ទៀត។ ពិភពលោកមិនទាន់ត្រៀមខ្លួនរួចរាល់ដើម្បីទប់ទល់នឹងជំងឺរាតត្បាតនៅឡើយទេ៕

30 min

July 13, 2021 ព័ត៌មានពេលព្រឹក៖ ១៤ កក្កដា ២០២១ - កក្កដា 14, 2021

ព័ត៌មានអំពីកម្ពុជាមានដូចជា កម្ពុជារាយការណ៍ថាក្រុមហ៊ុនឥណ្ឌាមួយប្រើឈ្មោះនិងរូបប្រាសាទអង្គរវត្តលើផលិតផលអង្ករដោយពុំមានការអនុញ្ញាត។ អ្នកជំនាញអង្គការសហប្រជាជាតិថា ការកំណត់កាតព្វកិច្ចចាក់វ៉ាក់សាំងកូវីដ១៩ មិនស្របតាមបទដ្ឋានសិទ្ធិមនុស្សអន្តរជាតិ។ រីឯព័ត៌មានអន្តរជាតិវិញមានដូចជា មានការគាំទ្រជាសាកលលើការធ្វើបាតុកម្មរបស់ប្រជាពលរដ្ឋគុយបា។ ប្រទេសហ្វីលីពីន នឹងធ្វើការស៊ើបអង្កេតលើការចាក់កាកសំណល់ក្នុងសមុទ្រដោយនាវាចិន។ ម៉ាឡេស៊ីបិទមណ្ឌលចាក់វ៉ាក់សាំងកូវីដ១៩ បន្ទាប់ពីមានបុគ្គលិកជាង២០០នាក់បានឆ្លងជំងឺនេះ។ សហរដ្ឋអាមេរិកហៅការប្រព្រឹត្តក្នុងប្រទេសចំនួន៦ថាជាអំពើប្រល័យពូជសាសន៍ និងសាហាវយង់ឃ្នង។ ភ្លើងឆេះព្រៃប៉ះពាល់ផ្ទះ និងដីធ្លីក្នុងរដ្ឋចំនួន១០នៅភាគខាងលិចសហរដ្ឋអាមេរិក។ ឥណ្ឌូណេស៊ីមានករណីឆ្លងជំងឺកូវីដ១៩ ជាង២លានករណី ដែលបង្កឡើងដោយវីរុសជំងឺកូវីដ១៩ បំប្លែងថ្មីដែលតា។ កូរ៉េខាងត្បូងជិតឈានដល់ការបិទខ្ទប់ទ្រង់ទ្រាយធំ ស្របពេលករណីឆ្លងជំងឺកូវីដ១៩កើនឡើងខ្លាំង៕

30 min