Koɗee jam kottee e jam ɗum ko gimol ngol  Fulɓe eggooɓe saha ceeɗu, ngarta e nder gure maɓɓe njimantenoo. On saha tawata ko ndunngu, juumel arii, ladde bulɗii beeli keewii ,reewɓe no ɓira lalorɗe tati haa nayi kosam. Ɗum ko saha ɓooyɗo wonnoo. Hannde huɗo alaa gese nattii woodeede, ndiyam alaa ndunngu nattii, weeyo e taariindi mbayliima.

Tedduɓe heɗiiɓe rfi fulfulde mbaadi toɓɓere yeewtere men Dinngiral Reewɓe hannde ko alhaali mbayliigu weeyo e battane mum e nguurndam rewɓe tentinii ɓee rewɓe dowri.

Bismilla mon e yeewtere men Dinngiral Rewɓe. Holko saabii ɗii waylo waylooji weeyo?  Ko holɗe e peeje ɓameede ngam haɓude nguu mbayliigu weeyo? Ko honɗum woni battane mum e ngurdam rewɓe dowri? Ngam jaabaade ɗee naamne njaɓɓoɗen koɗo men Faatumata Binta JALLO, ginenaajo tawaaɗo e fedde AGOREC. Fedde dariinde,  daditiinde ngam haɓande mbayliigu weeyo.