Koɗo men hannde

Koɗo men hannde ko Dr Mammadu Gise, toowa-ganndaljo janginoowo ka ɗuɗe mawɗe Mali. Ibrahiima Buubakar Keyta, hooreejo kiɗɗo Mali sankike e alat feƴƴunde.  IBK laatike hooreejo Mali duuɓi 7, ko holɗum e golle o maandortee e laamu Makko ? Heɗoɗen taskaare Dr Mammadu Gise e faandu haala Ibrahiima Timmbi Bah.

Koɗo men ko Dokteer Sori Usman Koyta, toowa-ganndaljo, jannginoowo laawol sariya e duɗe mawɗe Mali. E nder ndin leydi,  konunkooɓe ardiiɓe laamu faddewu (hakkundewu) noddii seppo e aljuma faltiiɗo. Seppo ngo yimɓe ɗuuɗuɓe yaltii e mum. Holko woni faandaare nduu noddaandu ? Holko ngoo seppo battinta, hingo waawi sabimmbinde ittugol ɗee yagginanɗe ?  Dokteer Sori Usman Koyta no jaabo lamnde Ibrahiima Timmbi Bah.

Rafi ndennagu e kisal addii fiitinaaji keewɗi, e nder Burkina Faso, tentinii e ɗii lebbi njawtuɗi, hakkude joggiiɓe kaɓorɗe e konunkoɓe laamu.  Kulol no ɓeydii e oo ɗoo wakati. Ko woni ngol ɓeydagol ɗii fiitinaaji e nder Burkina Faso ?  Ngam jaabaade ɗee naamne koɗo men, ko Dokteer, Dawda Jallo, tawaaɗo e pelle Siwil, hooreejo waalde "SISC", fedde daraniinde hakkeeji neɗɗo. E faandu haala Aamadu Barro Ba

"CEDEAO" e "UEMOA", ƴetti jukkooje faade e Mali, ɗee jukkooje ɓuri sattuɗe to baŋŋe faggudu leydi ndii. Ko holɗum e caaɗeele ɗee yagginanɗe addanta Mali ? Tawu si nguu laamu faddewu  (hakkundewu) no waawi jokkude golle mum? Ngam jaabaade ɗee namne eɗen jaɓɓii Dokteer Haamidu BARI faguduyankeejo. Omo Jaabo lamnde Aamadu Barro BA.

Heɓii duuɓi gila Koronawiriis yaltiti e nder adunaru nduu.  O wiriis tampiini winndeere ndee sanne, tintinii e mbaliigu geeƴol ngol. To haare ndee nawnare  koronawiriis fewndii ? Holɗen peeje haanaa ɓameede ngam faddagol  kum geeƴum kesum ? Ngam jaabade ɗe naamne koɗo men hannde ko Dokteer Alhuseyni Sall, hertorɗo anndal  wiriis. Ko  golloowo to jaagorgal halfinaagal Cellal Kanada. O yewtidii e Aamadu Barro Ba, Keɗoɗen ɓe.

Hanki mbatu waɗii Akra, laamorde Gana e dow alhaali Mali. Hooreeɓe Leyɗe CEDEAO, Fedde Dental leyɗe Hirnaange Afrik “fawii jukkoje/yagginanɗe e dow Mali. Ko ɗee jukkoje waawi battinnde e dow leydi ndii ? Ko holno  hooreeɓe Mali waawi  jaɓɓoraade ɗee jokkooje?. Ngam jaabaade ɗee namne Koɗo men hannde ko Moddibo Gali Siisse, wiɗtiyanke Malinaajo, jannginoowo e duɗe mawɗe Mali. E faandu haala Aamadu Barro Ba, himo arta e ɗee yagginanɗe.

Senegaal woteeji meerɓe (jowrooɓe) no saatii ñannde 23 nduu lewru go’aɓuru. Pelle sosiyete siwil sukaaɓe e dow ballal "Plan international", hino immii darii fii yo hakkeeji sukaaɓe tawe e orngal ɗin woteeji.  Ko  ɗum si "Plan international" mottindiri pelle sosiyete siwilje 18 e nder walde noddirteende AOJS ngam laatingol ndee eɓɓoore. Koɗo men hannde ko Iisaaba Ba tawaaɗo e AOJS. Himo jaabo lamnde Ibrahiima Timmbi Bah.

Koɗo men hannde ko Elhaj Koola Jallo, hooreejo remooɓe diiwal Segu e nder Mali. Cuggu Angere walla ñolu remirngu ɓeydike e nder luumooji aduna on. Ngol ɓeygadol addanii remooɓe ɓen caɗeele buy. Ko ɗum Elhaj Koola Jallo holli e faandu haala Ibrahiima Timmbi Bah. Heɗoɗen ɓe.

Moritani, rewɓe ɗuuɗuɓe muynintaa ɓiɓɓe maɓɓe. Muyninooɓe ɓen ko ɓe 74%. Ko ɗum si hooreeɓe Moritani ɓamii jontere ngenndi ngam rerɗingol rewɓe ɓen ɓe muynina ɓiɓɓe maɓɓe.  Koɗo men hannde ko Kajjatu DE ardiiɗo salndu cellal yumma e ɓiɓɓe ka jaagorgal hafinaangal cellal. Himo jaaboo lamnde Hammat Jallo

Mali, Kawrital ngenndiyankowal hakkunde ɓiɓɓe leydi ndin joofi e ndee yontere faltiinde. E nder maggal, eɓɓooje ɗuuɗuɗe feññinaama, no tawaa e ɗen  happu walla ɓooyere laamu faddewu nguu, yaññugol jokkondiral Mali e leyɗe janane ka baŋŋe kisal e deenaagu, kañun e ɓeydugol daakaaji konunkooɓe. Koɗo men hannde ko Buubakaar Bokum hertorɗo politik Mali. E faandu haala Ibrahiima Timmbi BAH, himo holla miijo makko e dow ɗee toɓɓe.