Koɗo men hannde

Keɗoɗen jooni ñoggannde jewte waɗaaɗe ka taskaram On Tottaama Konngol e nder nde yontere.Ko Faatumata SI SAAWAANE waɗani en.

Gila ñannde 13 lewru nduu fuɗɗike jonnde noddirteende ITIE. Faandaare mayre no yowitii  e laɓɓingol no jawle iriindi walla oggiirɗe huutortee non. Fodde  pelle 1000 ngarii e nder Dakar  ngam tawtoreede ndee jonnde aranere e nder Afrik. Caggal yewtude no ooggirɗe ngollirtee e dow laaɓal, ɓe yewti kadi fii alhaali yoga e oogirɗe bonnooje weeyo. Fandaare ndee ko ƴeewde pehe haanaaɗe waɗeede ngam daɗude  caɗeele weeyo. Ko Baliyu Kulibali, tawaaɗo e ndee jonnde. O yewtidii e Muusa Umar BARI.

Burkina Faso, timmii duuɓi 8 leydi ndin hino e caɗeele deenaagu sabu fiyanɗe kuliyankooɓe. Oo fitina wonii sabu mayde yimɓe 10.000, e yimɓe miliyonji 2 egguɓe, tuugaade e  limoore pelle ɗe wonaa laamuyankooje. Oo alhaali no ɓeydoo sattude ñannde kala. Ko ɗum holli fedde burkinaare daraniinde hakkeeji neɗɗanke no wi'ee FBDDH. Ko Abdullaay Sidibe, hooreejo ndee fedde woni koɗo men hannde. E faandu haala Ibrahiima Timmbi Bah, hino ñaagoo ardiiɓe laamu faddewu Burkina Faso haɓugol kuliyankaaku kono tawa e ko dow teddinngol ko hakkeeji neɗɗanke. Heɗoɗen mo.

Kamerun, John Fru Ndi mayii e altine kiikiiɗe. Oo lunndiiɗo laamu Kamerun maayiri duuɓi 81. Gila o joɗɗini fedde makko dawro SDF ɓurii duuɓi 30, hino dartii laamu Pool Biya. Ko ɗum si o laatii, lunndiiɗo laamu taarikayankeejo e nder leydi Kamerun. Ko holɗum maayde makko battinta e alhaali dawro Kamerun? Ko holno janngo fedde politik makko saatii wa’ude? Ko Dr Sali Bakari woni koɗo men hannde. Himo jaaboo lamnde Ibrahiima Timmbi Bah.

Gine-Bissaawo, ko fedde PAIGC lunndiinde laamu dañi ɓural e suɓngooji depiteeɓe faltiiɗi. Ndee fedde heɓii sarɗinkooɓe 54 e nder ɓe 102. Fedde politik hooreejo leydi ndin faɗii poolal e ɗee woote. Ɗum saaboto yo Umaar Siisoko Mbaalo senndodu laamu nguu e lunndiiɓe mo ɓen. E nder Gine Bisaawo, ko fedde jogiinde ɓural ka suudu mbatu mawngu suɓotoo hooreejo jaagorɓe leydi

ndin. Ko Dr Mammadu Moktar Jallo jannginowo ka iniwersite Amilkar Kabral Gine-Bisawo woni koɗo men hannde. Himo jaaboo lamnde Ibrahiima Timmbi Bah.

Keɗoɗen jooni ñoggannde jeewte waɗaaɗe ka taskaram On Tottaama Konngol e nder ndee yontere. Ko Faatumata Sii Sawaane waɗani en nde.

Gine, kawtital daraniingal suudu ñaawirdu winndere, "CGCPI" joɗɗinii suudu duusayndu lorriiɓe e baŋŋe sariya.  Faandaare mayru ko wallitagol yimɓe tampinaaɓe walla toñaaɓe no ɓe heɓtiri hakkeeji maɓɓe. CGCPI ƴettanayɓe awokaaɓe ɗowtayɓe ɓee lorriiɓe ka cuuɗi ñaawirɗi tammbitooɓe haa ɓe wullitoo. Koɗo men hannde ko Busuriiwu Jallo, ƴettoowo konngol e innde ngal kawtital CGCPI. Himo jaaboo lamnde Ibrahiima Timmbi Bah. Heɗoɗen mo.

Mali, kawtital pelle politik M5-RFP Mali Kura yaadaani e ardiiɓe laamu faddewu ngun ko yowitii e heydintingol doosgal leydi ndin. Ko faati e woote referandum, ndee fedde hollii mettu-ɓernde maɓɓe caggal nde ardiiɓe leydi ndin salii firtude ndee eɓɓoore maɓɓe. Ardiiɓe M5-RFP wi’ii wonnde ɓe tammbitotaako kala ko yowiti e heɓlagol ɗee woote sabu e bi’ol maɓɓe, wonaa ɗum woni ko hitti e nder leydi ndin. Soya Jigge ko gooto e ardiiɓe nden fedde, o yewtidii e Abdullaay JALLO. Heɗoɗen mo.

Ko yimiyankeejo mo Benen. Golle makko haɗaani mo yimugol. Omo darni fedde noddirteende Batonga. Ndee fedde ko darnaande gila e hitannde 2006 to Benen. Ko woni faandaare mayre ko walluude sukaaɓe rewɓe e worɓe. O ƴettii pellital darnuude salndu fedde ndee e nder Senegaal. Ɗum fampaama to "Hotel King Fahd Place"  tawtoregol imminaaɗo jaagorɗo kalfonaaɗo alhaali rewɓe e sukaaɓe.Muusa Umaar Bari.

Fitinaaji mawɗi ngaɗii Senegaal gila Usman Sonko fawaa duuɓi ɗiɗi kaso e alkamisa faltiinde. Suudu ñaawirdu Dakar hollii oo lunndiiɗo laamu no faggitii bone yeenugol walla ɗaynugol sukaaɓe. Ɗum ko caggal nde Aji Saar, debbo ɓoosoowo tuumunooɗo mo yanugol e makko doola mo. E b’iol Usmaan Sonko ndee ñaawoore alaa ƴi’al. Faandaare nden ko haɗugol mo tawegol e woote hooreyaaku saatiiɗe e hitaande 2024. Ɗii fitinaaji waɗuɗi tentinii, Dakar e Zigenshoor wonii sabu maayeele ɗuuɗuɗe. Laamu ngun wi'ii wonnde ko yimɓe 16 maayi. E bi’ol lunndiiɓe laamu ko 19yo. Holko ko saaɓi ɗee maayeele ? Ko holno ɗee dartinirtee ? Ko Awa Bokaar Li-Taal woni koɗo men hannde. Himo Jaaboo lamnde Ibrahiima Timmbi Bah.