’n Nuwe studie het brandpunte van die potensieel gevaarlike parasiet Taenia solium in vyf noordelike streke geïdentifiseer. Die parasiet kan deur besmette varkvleis versprei en lintwurminfeksies veroorsaak. In ernstige gevalle kan infeksie ook die brein aantas en epilepsie tot gevolg hê. Die studie is in Julie en Augustus 2024 in Kavango-Wes, Ohangwena, Omusati, Oshana en Oshikoto uitgevoer. Plaaslike veearts, dr. Theuns Laubscher, verduidelik die bevindinge en die moontlike risiko vir menslike gesondheid.