KulturSharea

Muga deitzen da pausoa izango da asteburu honetan xixoneko Nazioarteko Zinema jaialdian estreinatuko den filmetako bat. Maider Oleaga zinemagileak zuzendu du eta Elvira Zipitriarengana hurbildu eta bere bizitza hobeto ezagutzen saiatu da. Orainetik iragan hori ukitu nahi izan du Oleagak. Orainetik iragan horrekin, elkarrizketa bat eduki nahi izan du.

30 urte dira Su Ta Gar taldea oholtza batera lehenengoz igo zela, 1988ko abuztuaren 14an izan zen hori Ondarroako Gaztetxean. Ordutik hona mila zuzenekotik gora eskaini dituzte. Urtemuga hori ospatzeko asmoz, bira berezia egingo du Eibarko laukoak azaroa eta abendua bitartean, Euskal Herriko areto garrantzitsuenetan eta nazioarteko hainbat agertokietan.

Denboran bidai bat izatea nahi duela iragarri du taldeak, baina ikuspegi nostalgiko batetik baino, gaur eguneko begirada batetik.

Guztira zortzi kontzertu eskainiko dituzte eta bertan Maketa (1987-89), Jaiotze basatia lehenengo diskoko kantu guztiak eta Hortzak estuturik bigarren bildumako batzuk joko dituzte, horretaz gain, inoiz argitaratu gabeko garai hartako bideo eta argazkiak erakutsiko dituzte zuzenekoetan.

Azken kontzertua abenduaren 28an izango da Bilboko Santana 27 aretoan.

Egurra eta Kitto taldeak 10 urte izeneko diskoa argitaratuko du laster, bere 10. urteurrenarekin bat eginez. Lan berriak 18 kantu batzen ditu, horietatik 10 berriak dira. Azpeitian sortu zen musika taldearen bosgarren diskoa da honakoa.

Kaabestri String Ensemble hari boskotearekin igoko da Eñaut Elorrieta eszenatokietara urriaren 28an Bilboko Arriaga antzokian, Harian izeneko birari hasiera emanez. Aurreratu dutenez, berezi bezain erakargarria izango da bira hau.

Zuzeneko hauetarako bestalde, lau kantu grabatu dituzte eta baita bideo bat ere.

Egun osoko egitaraua antolatu du Piztu Bilbo, Itzali MTV plataformak datorren larunbaterako Bilbon. 11 Botxo Egunak mahai inguruak, herri azoka erraldoia, antzerkia eta musika batuko ditu, besteak beste, goizeko 12:00etatik aurrera.

Nerea Arrien idazlearen ibilbidea. Lekeitiarrak lau liburu ondu ditu, hiru gaztetxoi zuzenduta eta beste bat helduentzat.

Non filmari buruzko argibideak eman dizkigu Ximun Fuchs zuzendariak. Pelikula hau Hego Euskal Herriko zinema aretoetan ikusgai dago jada.

Txikitako sei lagun nekazal etxe batean, parrandan. Alkohola eta drogen artean trapu zaharrak azaleratzen hasiko dira Erlauntza antzezlanaren protagonistak. Kepa Errasti gidoilariak obrari buruzko xehetasun gehiago eman dizkigu. Entzun