Les Fartures

Comenzamos el programa con Raquel Bayón, Rapacina Repostera, una de les cuentes de repostería con más éxitu con más de 140mil siguidores n'Instagram. Vamos falar con Raquel de repostería, de cómo algamó esi éxitu y de les redes sociales.

Acabamos el programa con Cruz Maestre, de Finca Maeza, que vien xunto a Borja Alcázar a falar de la Yeguada que tien en Sariego. Ellí, ufierta un domingu al mes un menú degustación temáticu que cocina Borja.

Comenzamos el programa con Mariano, de Yanik; Luis, d'Alalunga y Mario, del TC28, acaben de ganar Miniature, ún de los concursos de pinchos más prestixosos de la península ibérica. Ellí, compitiendo escontra los reis de los pinchos, l'equipu los tres asturianos salió victoriosu.

Acabamos el programa con Enar y Xicu, Puru Remangu, la marca de ropa que ta revolucionando Asturies. Vienen a presentanos el so primer festival "Artístiques", onde axunten artistes femenines d'artes plástiques, música y artes escéniques, el primer festival d'estes caurauterístiques n'Asturies.

Comenzamos el programa falando con Rafa de Casa Chuchu, la promesa que ya ye una realidá de la gastronomía asturiana. Un filólogu qu'acabó atopando'l so camín nos fogones del chigre familia, de Casa Chuchu, pero que quier llevalos aínda más allá cola so cabera reforma haza un chigre más gastronómicu. Vamos falar con él del so camín, y del Chuchu 2.0 que ya podéis esfrutar en Turón.

Acabamos el programa falando con Didier, de "La Esquina de Gijón", qu'acaba de ganar la medaya de playa nel World Steak Challengue onde se presentaron casi 500 chuletes de too'l mundu. Didier ya ganó la medaya d'oru n'otra ocasión y vuelve esti añu con una de plata. Falaremos con él de races, de maduraciones y tamién de proyeutos nuevos que tien entre manes.

Comenzamos el programa con Mary de Mesón El Centro y Mirta de El Torneiro, la Conexón Occidental de la Gastronomía Asturiana. El Mar y Montaña del occidente, dos guisanderes que complementen a la perfeición. Vamos falar con elles de les sos histories, y de cómo atoparon la una cola l'espaciu onde entendese, querese y ameyorase. Bugres y gües, qué puede salir mal.

Acabamos el programa con Xurde Morán. Nesti programa va entrevista a Antón Pombo, periodista ya historiador, y que ye una de les mayores instituciones nos caminos de Santiagu. Autor de les famoses guíes de casi tolos caminos posibles. Vamos falar con él del camín primitivu, de los peligros de la masificación y tamién, de la nuesa gastronomía.

Comenzamos el programa falando con Marcos Cienfuegos y Mónica García Cueto, historiadora del Pozu Sotón, que vienen a presentar "Sonido, Sabor y Saber Minero", un percorríu pela memoria histórica, cultura y gastronómica y la cuenca minera. Va cellebrase esti vienres día 14 de Payares nel Pozu Sotón.

Acabamos el programa falando con Susana Mendez, de La Lianta, qu'entama mañana llunes día 10 de Payares Vinalia, un salón de vinos singulares. 41 bodegues y más de 200 vinos van dase cita na Llaboral en Xixón.

Comenzamos el programa falando con David y Ainhoa, de Confitería San Antonio, que cumplen esti mes los 50 años. Padre y fía van falanos de la historia la confitería, de cómo son unos de los referentes nel mundu'l chicolate coles sos famoses escultures, y de cómo Ainhoa garró'l relevu na confitería dende va un tiempu.

Acabamos el programa con Kike, Eli y Yulen, de Cerveza Dai, que vienen presentanos la so cerveza Solidaridá, cola que quieren donar 4000€ al Bancu d'Alimentos d'Asturies, el so beneficiu integro. Aprovecharemos a falar con ellos tamién del coste de facer una bona cerveza, del so taproom en Grau, y de cómo foi la campaña de branu na so cervecería de la Pola Somiedu.

Comenzamos el programa falando con Juanjo Cima y Noelia Solla, qu'entame el prósimu miércoles 5 de Payares la novena edición del CachopuDay. 9 años espardiendo la cultura del cachopu n'Asturies pero, sobre manera, faciéndolo defendiendo'l productu asturianu. Pa ello axunten a persones relevantes d'Asturies con una fiesta de les grandes col cachopu como protagonista, pero una montonera productores, la mayor parte d'ellos asturianos, detrás.

Acabamos el programa falando col escritor Xandru Martino, qu'acaba d'asoleyar la traducción del francés al asturianu de la novela "L'Asturiana", onde l'autora fai un retratu de cómo entamó l'asturiana de cinc, del pasu d’una sociedá rural a una industrial al traviés de la familia Lamarche. Tamién de "Subpayaria", premiu Pachín de Melás 2024 al meyor testu teatral, y la supresión de la versión n'asturianu del últimu cómic d'Asterix.

Comenzamos el programa falando con Carmen, de Bodega Las Danzas, de Cangas del Narcea. En 2019, con más de cincuenta años entamó la so propia bodega de vinos, tres mamalo tola vida na so casa, vender uva a otros productores mientres años y trabayar tamién años en "Bodegas del Narcea". Agora tien uno de los vinos más premiaos d'Asturies, con dos medayes d'oru a los sos dos vinos blancos que tien nel últimu Cervim, el festival de vinu qu'axunta a tolos vinicultores heroicos del mundiu.

Acabamos el programa con Xamín Abella, que va unos años fízose cargu del Hotel La Casona de Mestas, en Mestas, conceyu de Ponga. Ún de los hoteles más guapos d'Asturies, qu'amás tien agues termales. Empozáu nel beyu, arrodiáu de montañes, ye ún sitiu enllenu de paz. Pero ye que, amás, Xamín, cocina perbién. Va falanos de les xornaes que tien del Gochu Asturcelta, fasta'l 16 de Payares.

Comenzamos el programa falando con Isabel Llano, Isasaweis, una de les primeres creadores de conteníu, qu'entamó va 16 años. Vamos falar con ella de los sos anicios, de cómo foi una de les primeres en crear esa nueva profesión, tamién de les dificultaes, y de cómo ve este españíu de xente nuevo nes redes sociales.

Acabamos el programa falando con Vanessa Álvarez, direutorsa del Ecomuséu de Samuñu; y Aida Antuña, téunica de Turismu de Llangréu, coles que vamos falar del Tren Gastronómicu, un Viaxe a los 5 Sentíos que van entamar el mes que vien. Una edición especial de la so visita de davezu al muséu, qu'inclúi productores llocales mozos de Llangréu que darán bien de comer y beber a los visitantes. Esta edición ya tien toles entraes vendíes, pero de xuru qu'habrá más.

Programa curtio de Les Fartures onde Xurde Moran fai un altu nel Camín de Santiagu pa entrevistar a Alex Camino, antiguu taxista madrilanu que dexó la so profesión p'abrir, cuantayá, l'albergue de Boudenaya. Vamos falar con Alex de cómo evolucionó'l Camín, de los sos llibros y sí, tamién del so famosu concursu d'a ver quien come más platos de llenteyes nel albergue.