Les Fartures

Les Fartures

By Les FarturesArtsFood
Download on the App Store

Les Fartures episodes

  • La Sidra de Papel - El Patio de Butacas ye Top Cocktail Bar
    Comenzamos el programa falando con Fernando Paredano, que vien a falanos de la so esposición nel Centru d'Arte Rupestre de Tito Bustillo, "La Sidra de Papel", onde axunta una amuesa de les más d'ocho mil etiquetes, cromos, litografíes y delles publicidaes que tien del mundu la sidra. D'Asturies y del mundiu.
    Acabamos el programa falando con Berto del Patio de Butacas, al que-yos acaben de nomar "Top Cocktail Bar", l'equivalente nel mundu la coctelería a tener 1 Estrella Michelín. Namás 19 llocales na península ibérica, toes elles en grandes ciudades y ente toos ellos, una coctelería piquiñina de la Pola Siero. Too un arguyu p'Asturies. Falaremos de la so filosofía y cómo son quien a competir ente sitios tan grandes.
    55 min
  • Herbamora - Palabres Vieyes con Borja Alcázar (Situaciones gracies en Estrelles Michelín)
    Comenzamos el programa falando con Paula y Natalia d'Herbamora, grupu de 5 muyeres que lleven más de 20 años amestando'l mundu les panderetes cola música más moderno, hasta electrónica. 5 voces talentoses, qu'al traviés la pandereta ya'l baille tan coneutando con toles xeneraciones y dándo-y puxu a la música asturiana, poniendo en valor el llabor de les muyeres.
    Acabamos el programa con Borja Alcázar, del restaurante Abrelatas, que vuelve a la radiu coles sos Palabres Vieyes. Nesta ocasión, preguntó a los siguidores per ocasiones gracioses onde se vieron descolocaos, sobre manera, en restaurantes estilu Estrella Michelín. Y de pasu, contaremos dalguna nuestra, qu'igual nun debería salir a la lluz.
    56 min
  • Sidrería El Gaucho, 54 años en La Felguera - Entremeses Repunantes con Sara Sweetllaceria
    Comenzamos el programa falando con Ramón y Luisa, de Sidrería El Gaucho de La Felguera, qu'acaben de xubilase tres 54 años cocinando, echando sidra y repartiendo felcicidá. "La cocina que nun peslla enxamás". Falaremos de la so historia, de cómo yera La Felguera entóncenes faciendo un pequeñu homenaxe a una vida dedicada al chigre.
    Acabamos el programa con Sara Sweetllaceria, que vuelve a la radiu colos sos Entremeses Repunantes. Falaremos del rollu bonitu, del cachopu, de "paseo gastro" d'esti branu de Xixón, y de tolo que podamos repunar.
    56 min
  • Cantábrica Agricultura Urbana, wasabi nuna mina asturiana - Camín de Santiagu con Xurde Morán (de Grandas a Fonsagrada)
    Comenzamos el programa falando con Javi y Tesa, Cantábrica Agricultura Urbana, que vuelven a la radiu porqu'entamaron un proyeutu européu pa facer les sos plantaciones dientro un mina, nel Pozu Carriu. Van cuntanos cómo son quien a ello y van falanos de los sos intentos pa que se dea'l wasabi, una de les plantes más difíciles de cautivar nel mundiu.
    Acabamos el programa con Xurde Morán, que sigue percorriendo'l Camín primitivu d'Uviéu a Santiagu. Tamos en Grandas de Salime, ya na frontera con Galicia. Y llegaremos ya a les puertes de Fonsagrada. Nun te pierdas esti viaxe apasionante descubriendo requexos y ayalgues, tamién gastronómiques.
    55 min
  • Marisa Valle Roso - Presentación "Cenicientes".
    Güei tenemos un programa especial presentando'l caberu discu de Marisa Valle Roso, "Cenicientes", un cantu a les muyeres ente'l borrín y el carbón, ya sía lliteral o metafóricu.
    Vamos falar con ella de les sos polémiques col autotune, del so compromisu, de los sos raigaños cola cuenca minera, de los sos entamos na tonada asturiana, del so futuru, y tamién, vamos poder esfrutar de la so voz, LA VOZ D'ASTURIES, nel estudiu.
    57 min
  • Pablo Pérez, el cocineru caleyeru - Avilés, Capital del Aperitivu con Miguel Llano
    Empezamos el programa con Juan Pablo Pérez, cocineru caleyeru asturianu que va pasando por dellos restaurantes. Empezó n'Aviles nel Llamber, montó'l so propiu restaurante Apiñón Bistró, pasó per Ibiza colos Adriá y el Circo del Sol, y agora podemos esfrutalo nel Lola Melón. Vamos falar con él de toes estes esperiencies, pero tamién de qu'hai detrás de too ello y de la psicoloxía de la cocina.
    Acabamos el programa con Miguel Llano, que vien a anunciamos qu'Avilés va ser la capital española del aperitivu 2026. Tamién vamos falar con él del concursu "El Meyor Pote Asturianu", del Congresu sobre Sostenibilidá qu'acaba d'entamar, y de la so web, "Regala Restaurantes", qu'agora, amás, crez a "Regala Experiencias"
    56 min
  • PROGRAMA 300 - Manu Brabo - La Casa Gris (El Carácter Peculiar de Algunas Cosas deVerónica García-Peña)
    Celebramos un fin de selmana especial cola emisión del programa 300 de Les Fartures. 
    Comenzamos el programa falando con Manu Brabo, fotoperiodista que ganó en 2013 el premiu Pullitzer. Un trotamundios col que vamos falar de guerra, de los tiempos entre conflictu y conflictu, de salú mental, de la hipocresía nel mundiu y, cómo non, de gastronomía. 
    Podéis visitar la so cabera esposición "This is War", nel Muséu Barjola, hasta'l 12 d'ochobre. 
    Acabamos el programa de norabona, presentando l'últimu llibru de Verónica García-Peña, "El Carácter Peculiar de Algunas Cosas", un conxuntu de rellatos curtios onde cada rellatu tien un color como protagonista. Javi Solís ya lleó la novela y va facéi a Verónica una entrevista prestosa.
    1 hr
  • PROGRAMA 300 - Esther Manzano - DanielFez
    Celebramos un fin de selmana especial cola emisión del programa 300 de Les Fartures. 
    Güei comenzamos falando con Esther Manzano, una de les poques muyeres nel mundiu que tien 3 Estrelles Michelín. Remangu, talentu, sacrificiu y humor a esgaya.
    Acabamos el programa falando con DanielFez, humorista abondo conocíu por cuenta los sos vídeos en redes sociales. Falaremos de la parte bona, y tamién de la mala, de la fama. De la crítica social tres los videos, de salú mental y del so espectáculu "La vida Regulinchi".
    55 min
  • Gastro Sostenibles - Repunemos de la Sidra con Xuan F. Piloñeta
    Comenzamos el programa falando con María Novo, de Gastro Sostenibles, una empresa que mide la sostenibilidá de restaurantes y dellos productores asturianos. Vamos falar con ella de qué ye eso de la sostenibilidá y les actividaes que faen.
    Acabamos el programa falando sobre sidra con Xuan F. Piloñeta. Y repunando, vamos repunar muncho. Sobre zunes, sobre malos consumos, sobre faltes de respetu, y sobre cómo non hemos de caltener la cultura sidrera d'esti país.
    55 min
  • María Emegé - El Peso de la Nieve de Pablo Rodríguez Medina
    Comenzamos el programa falando con María Emegé, illustradora freelance que trabaya pa clientes como la NBA, PlayStation o Ubisoft. Vien de facer la xira con Residente, pintando lo que-y fai sentir cada canción mientres la canta René delantre de miles de persones. Falaremos con ella de too esti trabayu apasionante, pero tamién de qué y cómo come cuando vas de xira con una estrella mundial de la música.
    Acabamos el programa falando con Pablo Rodríguez Medina. Vamos falar de la so cabera novela, "El Peso de la Nieve", la historia-lleenda de Martinón, al que-y muerre la muyer mientres ta aislláu nuna braña asturiana de Ponga, y tien que conservar el cadabre ente la nieve defendiéndola de los llobos, mientres espera qu'ameyore'l tiempu pa poder dir a enterrala al campu santu en Tolivia, el pueblu más cercanu.
    55 min

About Les Fartures

From the publisher's feed

Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).