Les Fartures

Comenzamos el programa falando con Cristian González. El Cocineru de la TPA. Una de les persones más queríes d'Asturies, el cocineru qu'entra toles tardes na nuesa casa, coles sos recetes, so humor y la so naturalidá. Falaremos con él de too'l trabayu qu'hai detrás de cada intervención na tele, de la so trayeutoria y de les milenta coses que fai amás. Sicasí, del so nuevu llibru que ta a piques de salir.

Acabamos el programa falando con Edu Vázquez Coto, responsable del puestu sobre la sidra nel Ayuntamientu de Xixón na Feria Muestres. Miles de visitantes al día y l'oxetivu de medrar la cultura sidrera asturiana, con una montonera de datos que de xuru la xente nun conoz, como que la primer sidra espumoso d'Asturies salió al mercáu 15 años enantes que saliera'l primer cava o la primer sidra axampanada inglesa.

Comenzamos el programa falando con La Cantina de Villalegre. Vienen a venos Pilar, Miguel y Cristian. Meyor fabada del mundu 2024, meyores callos d'España 2025 y finalista de la meyor fideuá d'España. Poca más presentación necesiten. Falaremos tamién con ellos de la so famosa Olla Ferroviaria.

Acabamos el programa con Xurde Morán, que sigue percorriendo'l Camín de Santiagu. Tamos ya en Grandas de Salime, famosa per munches coses, y una d'elles, la so presa. Falaremos de la so construcción y la so historia.

Comenzamos el programa falando con Fernando Santos, del restaurante Lisboa é Linda, que tuvo pasando unos díes equí cocinando por cuenta'l Festival del Arcu Atlánticu. Vien acompañáu d'un gran embaxador de Portugal, como ye Pablo Cana, más conocíu como Pablo'l Sidru.

Falaremos con ellos dos de la gastronomía portuguesa, y tamién de los restaurantes de Fernando en Lisboa, un nuevu mundu por descubrir.

Acabamos el programa falando con Samuel, qu'entama'l fin de selmana que vien l'Hidromiel Fest 2025. En Candas, una montonera de conciertos, foodtrucks, actividaes pa nenos y mayores, y tamién, cómo non, hidromieles. Un mundiu abondo desconocíu qu'adulces va ganando terrén entre les nueses bébores.

Comenzamos el programa falando con Víctor Llano, que lleva 25 años con una carnicería n'Avilés y va unos meses decidió abrir un restaurante na contorna de la Plaza d'Avilés, una de les zones de moda de la ciudá. Ellí, Víctor prepara hamburgueses y cachopos, pero tamién ufre'l so propiu embutíu que trai de Salamanca, y dellos chuleteros de primera calidá.

Falaremos con él de la so trayeutoria y tamién del mundu la carne.

Acabamos el programa con Natalia, d'Animales Viajeros, que facemos un percorríu prestosísimu per Picos d'Europa. Falaremos de los sos abellugos, dalguna les rutes más prestoses, y tamién de les precauciones qu'has de tener pa percorrer ún de los llugares más guapos del planeta.

L'otru día ficimos la primer parte del especial sobre les xampaneres que preparó Borca Alcázar, del Abrelatas, cola presencia de Fernando Paredano. Güei continuamos falando d'esti apasionante tema -y abondo desconocíu-,, con Manuel Crabiffosse, qu'espublizó "Patria de Sidra, una historia de la industria desde 1884 a 1936", sobre la industria xampanera d'Asturies.

1h de programa falando de la importancia d'esta industria.

Comenzamos el programa celebrando con Luis Alberto los 100 años de Casa Fermín. Bono, los 101 años, porque por cuenta qu'Uviéu foi en 2024 Capital Gastronómica d'España, retrasaron 1 añu les sos celebraciones. Fadremos un repasu a la so historia y cómo consiguieron facer alta cocina a partir de la cocina tradicional asturiana. Pero tamién falaremos de los 37 años de maestru que tuvo Luis Alberto na Escuela d'Hostelería de Xixón.

Acabamos el programa falando con Jose María Martínez, de Bodega Martínez Parrondo. 3 xeneraciones de vinicultores en Cangas del Narcea, pa que Jose comenzara, amás, a comercializar el vinu por primer vez de les sos propies viñes algamando amás bonos premios con ellos.

Comenzamos el programa falando con Iván A. Noval, de Xeladería Islandia. 4 xeneración d'una xeladería que lleva abierta en Xixón dende 1958. Famosa poles sos creaciones como'l xeláu de fabada, d'arroz con lleche, de sidra, de cabrales, y agora, tamién de pote. Vamos falar con Iván de lo complicáu que ye facer xelaos y del peligru de les franquicies.

Xurde Morán sigue percorriendo'l Camín de Santiagu, saliendo de Berducedo y camín de Grandas de Salime. Conceyu abondo desconocíu del que muncho habremos de falar, tanto d'historia, como d'etnografia, como de gastronomía. Llegaremos hasta la Capillina del Hospital, a les puertes ya de Grandas.

Comenzamos el programa con Cristina Secades, de Finca Terramor. Una inxeniera forestal, qu'entamó a cultivar "Kiwinos", kiwis pequeños, na no finca col nome n'honor a la so ma, Amor. Cultivos n'ecolóxico, cultivos con enerxía 100% solar, ganó en 2024 el premiu BBVA Celler Can Roca al meyor productu caltenible.

Acabamos el programa con Javi Solís y Verónica García-Peña, que vienen cola so Casa Gris a axuntar lliteratura y gastronomía. Nesta ocasión, cola novela "Érase una vez la taberna Swan", de Diane Setterfield.

Güei vamos falar de carne con uno de los mayores espertos que tenemos, Didier Robles, de La Esquina de Gijón. Medaya d'oru y plata nel concursu al meyor chuletón del mundu, madura la carne hasta 400 díes na cámara la so tienda, onde ufre milenta productos frescos, munchos d'ellos asturianos. 

Vamos falar con Didier de maduraciones, de races, de cómo facer y comer una buena chuleta, pero tamién d'hamburgueses y de nuevos proyeutos que tan por venir.

Comenzamos el programa falando con Jose Argüelles, de Carpintería y Tonelería Argüelles. Y con Fran Ordoñez, del Llagar Viuda de Angelón. Dos de les mayores eminencies nel mundu la tonelería y la sidra. Jose, xunto col so hermano, únicos toneleros artesanos que queden faciendo los toneles a mano, va esplicanos cómo cambien según la mazana, la uva, o'l tipu bebida que se quier, la forma d'ellaborar los toneles. Y Fran va cuntanos la importancia la madera nel procesu la sidra.

Acabamos el programa con Sara Sweetllaceria, que vien colos sos Entremeses Repunantes. Güei, nomes graciosos de llocales gastronómicos, la burbuya de les les cafeteríes especialidá y les tendencies gastronómiques del añu n'España. ¿Tendrá abondo Sara pa colo que repunar?