Les Fartures

Comenzamos el programa falando con Paula Ribotta, médica arxentina que tres exercer 2 años decidió abandonar la so profesión ya'l so país a la gueta del so suañu de ser repostera. Tres formase d'ello lleva años trabayando en dellos sitios como l'estrella michelín Pepe Vieira, o agora nel Pantry by Eleonore en Salinas. Una historia perguapa de vocación y superación. 

Acabamos el programa falando del  XLVIII Festival de la Sidra. Con Fran Ordoñez, del Llagar Viuda de Angelón y Jairo Palacios, conceyal de personal, desendolcu llocal, turismu y festexos de Nava. Vamos falar con ellos de la historia del festival y de la montonera d'actividaes que van entamar, n'un  festival que busca ser Fiesta d'Interés Turísticu Internacional.

Comenzamos el programa falando con Jose, del Tixileiro. Un restaurán, hotel, Apartamentos, SPA con piscina cubierta n'A Estierna, Ibias, que ye'l paraísu. Jose va ufrite una esperiencia única, onde amás, vas comer perbien. Carne de primera, pero tamién productu de la redolada. Y una bodega sorprendente onde axunta vino de la zona, dende'l suroccidente asturianu, l'oriente gallegu a la zona del Bierzu. 

Acabamos el programa falando con Natalia, d'Animales Viajeros, que va llevanos a Italia. Vamos facer un recorríu per Roma, Florencia y Pisa. Natalia va cuntanos qué ver, qué ver que nun ye tan conocíu y dalgún sitiu tamién, pa comer.

Comenzamos el programa falando Lucía Fernández y Rafa García, de La Tabernilla de Oviedo. Lucía acaba d'entrar a formar parte de les guisanderes d'Asturies, un gran honor que vien a respaldar el gran llabor d'esti restaurante. Finalistes del concursu de la meyor fabada, finalistes del concursu al meyor pote, y ganadores del concursu a los meyores callos. Una casa onde se guisa, pero tamién onde atoparás curiosidaes australianes por cuento los oríxenes de Rafa.

Acabamos el programa con Borja Alcázar, del Abrelatas y les sos Palabres Vieyes. Güei vien a falanos de les Champaneres n'Asturies y la gran importancia que tuvieron, tanto qu'otres naciones llegaron a velo como una amenaza.

Comenzamos el programa falando con Pilar Sánchez-Vicente y Arancha Fernández. Pilar acaba d'espublizar "La Asturianita", la so cabera novela, onde fala de la vida de Regina García, una muyer fascinante que perdió los sos brazos n'un accidente a los 8 años. 

Por mor d'esta novela Arancha ellaboró unes rosquielles especiales colos ingredientes más comunes na dómina la novela que pues atopar na so "boutique de chocolate" n'Uviéu. 

Acabamos el programa con Xurde Morán, que sigue percorriendo'l Camín de Santiagu. Tamos faciendo l'alternativa Ruta los Hospitales, y güei por fin, ya llegamos a Berducedo, onde atopamos bonos sitios pa dormir y xintar.

Comenzamos el programa falando con Alejandro Villa, d'El Pandora. El restorán d'Avilés qu'empezó como cafetería y qu'agora, col cambéu a restorán acabó siendo ún de los meyores sitios onde comer de la ciudá. Un cocineru mozu, pero que cocina respetando al máximo'l productu y, qu'amás, va abrir dientro pocu un conceptu más informal na plaza d'abastos d'Avilés, el sitiu de moda de la ciudá. 

Acabamos el programa falando con Tano Collada y María Cardín, d'El Gaitero. Ensin duda, ún de los llagares d'Asturies más conocíos, falaremos con ellos d'historia, de presente y tamién de futuru. De cómo han d'adautase y conocer nuevos mercaos, de los sos nuevos productos y tamién de la so estaya gastronómica.

Entamamos el programa falando con Julín, de La Raíz 15, que cumple 4 años nel so restauran y vien a celebralo a Les Fartures. Un restorán pequeñín, na llende entre Siero y Llangréu, con unes vistes precioses al valle de Tiuya, y cocina de tola vida, de casa. 

Dempués, vien Mariana, de La Miga de Mariana, qu'acaba de salir nun reportaxe na prestixosa revista de repostería en DPAS, la Revista Dulcypas.

Comenzamos el programa falando con Javi y Carla, del restaurante El Círculo. Asitiáu nuna de les cais más mítiques, guapes y céntriques de la villa, El Círculo vino pa da-y un toque de creatividá a la ciudá. Cocina de mercáu, menú degustación, pero tamién vinos distintos y tapeu informal nun restorán a piedra vista per guapu. 

Acabamos el programa con Javi Solís y Verónica García-Peña, que vienen cola so Casa Gris a falanos de gastronomía y lliteratura. Nesta ocasión van falanos de "Desayuno en Tiffany's", la novela de Truman Capote per conocía por mor de la so adautación al cine "Desayuno con Diamantes".  Cócteles, glamour y dalgún diamante nesta seición.

Comenzamos el programa falando con Cecilia Munguira, una asturiana qu'estudió moda y trabayando'n Milán atopó la so vocación nel mundu la cocina... En Lisboa. Un viaxe apasionante onde va cuntanos el so camín y cómo ve esti mundu de la cocina.

Acabamos el programa falando con Xurde Morán, tamos faciendo la variante Los Hospitales dientro'l Camín de primitivu d'Uviéu a Santiagu. Xurde va cuntanos d'au vien eso los hospitales, que ye una etapa na que nun vamos atopar nengún chigre polo qu'hai qu'avituallase y cuntará dalguna hestoria prestosa al rodiu esta fastera, hasta de Faraones.

Comenzamos el programa falando con Toño, de Pastelería Argüelles. Cuarta xeneración faciendo pasteles, en Xixón, traficante de gula y placer, como él mesmu se define. Inventores de los famosos Bartolos de Llaviana y tercer meyor panetone del mundu en 2019. Un maestru col que falaremos de pastelería, honestidá, artesanía y muncho más.

Acabamos el programa con Alma Hidalgo y Yurena Sabio, del CMX, el Conceyu de la Mocedá d'Asturies, que vienen a falanos de la Batalla de Canciones n'Asturianu que van entamar el prósimu sábadu 14 de Xunu a les 17h nel Auditoriu Dr. Francisco Rodríguez Xovellanos, en Cimavilla, Xixón. Pero amás, vamos falar con elles d'ociu pa mozos y moces y de munches de les actividaes que faen.

Comenzamos el programa falando con Samuel y Aida, de Llumbre. Restorán de Xixón onde too tien un toque afumáu. Samuel, herederu del míticu Lolo, de La Casona de Lolo, continua la saga modernizando'l local y faciendo una cocina de productu, especializáu en pexe y arroz con esi toque a llar tan prestosu.

Acabamos el programa cola nuesa repunante Sara Sweetllaceria y los sos Entremeses Repunantes. Güei vien a falanos del bonitu, de les llegumes foriates y vamos facer una preba, en direutu, d'un productu d'esos raros que venden nos supermercaos.

Nun te lo pierdas!