Les Fartures

Comenzamos el programa falando con Fran Heras, del restorán Mi Candelita. Ún de los referentes del arroz d'Asturies allugáu na mesma sablera de Bañugues. Una cocina que paez mediterránea, pero que mira al Cantabricu que lu chisca Vamos falar amás con él del Llamber, ún de los primeros "gastrochigres" qu'abrieron n'Asturies, de xuru qu'adelantáu al so tiempu. Y de los dos restoranes, qu'amás de Mi Candelita, caltién anguaño en Barcelona: Llamber y El Chigre 1969. 

Una bona charra al rodiu la gastronomía. 

Acabamos falando con Ernesto Díaz, consultor mediambental, qu'escribió va pocu un artículu pal periódicu Nortes falando del pan d'Asturies. Falaremos de la cultura del pan, de porqué comimos tan mal pan nos restoranes asturianos y de cómo adulces vamos recuperando la calidá. Amás, como consultor, ye una fonte de sabiduría del tema del llobu, así que vamos aprovechar la ocasión p'afondar nesti tema.

Comenzamos el programa falando con Eugenia Tellez, asturceliaca na so cuenta d'Instagram, onde fae recetes y trucos aptos pa celiacos. Eugenia vien a danos un pocu de lluz al rodiu esta enfermedá auto inmune, a poner les coses clares y a falar de tolo que tan entamando pa intentar sobre llevar la so situación. 

Acabamos con Alejandro Arbesú, de Pionero Coffee Roasters, la cafetería n'Uviéu cimera en café especialidá. Alejandro va entamar el 10 de Mayu’l Campeonatu d'Asturies d'Aeropress, nel Auditoriu d'Uviéu, al que cualesquier persona, profesional o no, pue apuntase. Amás, acaben de da-yos un nomamientu como una de les 85 meyores cafeteríes d'España. Y cómo non, falaremos del café especialidá, de la cultura del café, y de ¡cafés de Yemen!

Comenzamos el programa falando con Jose y Marta Palacio, padre y fía, del Llagar Viuda de Palacio. Marta ta estudiando Marketing y Publicidá y quier adautar la so formación p'asoleyar el mundu la sidra asturiana al mundu. Amás vamos falar con ellos de la historia del so llagar, que mientres 30 años, nos duros años de posguerra,  tuvo a la güela de Jose como llagarera, y qu'agora Jose caltién amestando tradición y modernidá. 

Acabamos el programa percorriendo'l Camín de Santiagu con Xurde Morán. Tamos entrando na Mortera, nel conceyu de Tinéu, pa facer la ruta de los Hospitales, una alternativa dientro'l camín primitivu, más solitariu, y quiciabes más dura, pero con una historia guapísima detrás.

Comenzamos el programa falando con Jesús Morata, el nuesu productos d'aceite d'oliva de referencia, que vien a cuntamos sobre la cultura aceitera tres unos años d'incertidume nel preciu. Amás, acaba d'empezar un nuevu proyeutu faciéndose cargu del Restorán Cova Sacra, na mesma Cuadonga, con vistes a la cueva y al Monte Auseva, ún de los restoranes más guapos d'Asturies. 

Dempués vien Xuán F. Piloñeta, presidente de la Fundación Belenos, que va continuar falándonos de la Cultura del Gochu, falaremos del ritual de la matanza, de la so historia, del so aprovechamientu gastronómicu, y dalgún qu'otru que de xuru que nun conocíes.

Comenzamos el programa falando con Gonzalo Pañera, Estrella Michelín nel restaurán Auga, allugáu nel Puertu Deportivu de Xixón. 

Vamos falar con él de la so trayeutoria, de qué fai nel so restaurán, de cómo ye a conservar una de les estrelles más antigues d'Asturies, y sobre manera, de cómo ve too esti tema de la gastronomía anguaño. 

Acabamos el programa falando con David Montes, cocineru, cazador, el furtivu, y El Carboneru nel programa de la TPA. Falaremos dende dos posiciones estremaes del tema del llobu n'Asturies, de cómo cambia la situación tres la salida del Lespre, de cómo queda la situación agora y de cuala sería la solución óptima al problema.

Comenzamos el programa falando con Carlos Gallego, de Los Llaureles, recién nomáu nuevu Sol Repsol n'Asturies. 

Va 13 Carlos y Jose, hermanos, abrieron en Torazu Los Llaureles, un hotel rural, con 4 habitaciones, onde, amás, Carlos cocinaba. Ye un sitio preciosu, cuiráu al detalle, onde amás, vas comer un menú degustación perbono y a mui bon preciu. 

Acabamos el programa falando d'ética y pan con Mariana, de La Miga de Mariana.

Comenzamos el programa falando con Jose Luís García y Ena García, padre y fía, de 1958. Un tostador propiu de café, onde pues comprar y tamién tomar, cafés d'especialidá d'una montonera de procedencies distintes. 

Allugáu na zona la ría d'Avilés, Jose Luis foi’l dueñu mientres años de Cafés Toscaf, y agora, ya xubiláu entama esta nueva aventura cafetera xunto la so familia. Tienen además, un muséu del mundu del ciclismu abondo interesante, con bicis d'Induráin, Rominguer o Chechu Rubiera. 

Acabamos el programa con La Casa Gris, de Javi Solís y  Verónica García-Peña. Ya sabéis que ye la seición qu'axunta lliteratura y gastronomía. Güei vienen a falanos de "Grandes Esperanzas", de Charles Dickens, novelaza de 1860. Uno de los grandes clásicos de la lliteratura universal, falaremos de qué va, de tolo qu'arrodia la novela, y tamién, claro, de la so gastronomía.

Borja Alcázar vuelvi a la radiu a falar de Vezos, Zunes y Gochaes gastronómiques que tomamos de siempre en casa. ¿Chorizu con nocilla? ¿Pates de pita? ¿Tortilla dulce? Vamos descubrir una montonera coses, que de xuru, munches d'elles ya les conocéis porque facíenles na vuesa casa. 

Son les Palabres Vieyes de Borja Alcázar, del Abrelatas.

Comenzamos el programa falando con Ibán y Ana, del D'Ibán de Somiedo. Un restauran en La Peral, Somiedu, nel mesmu paraísu, con una terraza con unes de les meyores vistes d'Asturies. Una cocina cenciella, pero qu'homenaxea'l pasáu vaqueiru de la casa, con carne de la redolada, y sobre manera, muncho ciñu. Falaremos tamién de les dificultaes de caltener un negociu rural con ellos. 

Acabamos el programa con Marcos Cienfuegos, y los sos Sabores y Saberes. Amás, vien acompañáu d'Almudena, Alejandra y Lucia, del Colexu Públicu Villapendi de Turón. Elles entamaron un proyeutu educativu nomáu "Abriendo las puertas al valle", onde una de les sos actividaes ye facer un Bocapendi, un pequeñu Bocamina, pero lleváu al colexu.

Comenzamos el programa falando con Pepo y Mariano, que va unos meses entamaron Yanik, un restorán de caleya nun puestu de la plaza d'abastos d'Avilés. Un conceutu nuevu que, xunto con Market 24 y Terruño, ta revolucionando la gastronomía d'Avilés. 

Amás, nesti casu, ye la xuntanza de dos estrelles caún pel so llau, pero que lleven siendo amigos dende va muncho tiempu. Mariano, como cocineru, sobre manera, referente nel mundu los pinchos. Y Pepo, como cabezaleru de Desakato, agora col so nuevu grupu Onza. 

Acabamos el programa falando con Pablo Canal, o como lu conoz too'l mundiu, Pablo'l Sidru. Entamen esti fin de selmana les XV Xornaes de les Mazcaraes d'Iviernu, nel conceyu Siero. Vamos falar de toles actividaes que van facer, y amás, sobre qué ye eso de les mazcaraes d'iviernu.