Les Fartures

Comenzamos el programa falando con Xoaqui y Adrián, Casa Chema, madre y fíu, mano a mano, falando de cómo entamó Xoaqui a trabayar a los 13 años cocinando, de cómo conoció a Chema y entamaron con Casa Chema, y claro, de cómo Adrián creció entre fogones y cafeteres y acabó siendo parte del negociu.

Acabamos el programa percorriendo'l mundiu con Natalia, que va llenanos a Mallorca. Atentos, que va falanos d'una Mallorca non tan conocia, con sitios menos transitaos, pueblos preciosos, hoteles pa dormir a bon preciu y algún restaurante prestosu pa fartucar.

Comenzamos el programa falando con Jose Manuel Martínez, más conocíu como "Salas". Entamó aprender del mundu los xelaos tando al cargu del hotel "El Cenador de los Canónigos" en Cangues d'Onís, ya pel 2018. Y agora, tien 5 tiendes, a piques d'abrir una nueva en Llanes. 

Falaremos con él de xelaos, pero tamién de chocolates, y hasta d'una vuelta al mundu. 

Acabamos el programa con Sangre y Vinu, con Javi Solís y Verónica García-Peña, que vienen cola so Casa Gris a falar de lliteratura y gastronomía. Nesta ocasión, de la novela d'Anne Rice, "Entrevista con el Vampiro". La seición quedó como pa mordese.

Comenzamos el programa falando con Israel Moreno, Estrella Michelín nel Restaurante Ayalga, dientro l'hotel Villa Rosario en Ribeseya. Ayalga ya dexa de tar baxo l'amparu de Marcos Grande, y vuela solu. Vamos falar con Israel del so nuevu menú, pero tamién de la xestión d'una cocina con estrella michelín y de la importancia los guisos na cocina de vanguardia. 

Acabamos el programa con Juanjo Cima y Noelia Solla falando del Día del Tortu. 3 Edición ya d'esti día qu'axunta a xente con cierta relevancia nes redes sociales d'Asturies pa reivindicar el tortu como platu tradicional asturianu. Una fiesta al rodiu'l tortu.

Comenzamos el programa falando con Adrián, del Restaurante El Balcón de Redes; y Jan, del Restaurante la Posada de Redes, qu'entamen xunto a otros 6 restaurantes (El Balcón de Redes, La Posada de Redes, La Plaza del Soto, El Merendero de Anzó, Arniciu, Los Cabornos, Gota y La Puerta de Arrobio)  les I Xornaes Vexetarianes del Parque Natural de Redes. Amás, dalgún d'ellos ufre menús veganos, y toos ellos dan la opción de facer los menús ensin gluten. 

Acabamos el programa falando con Borja Alcázar, del Restorán Abrelatas, y les sos Palabres Vieyes. Güei Borja va falar de les primeres esperiencies comiendo hamburgueses n'Asturies y de les primeres hamburgueseríes qu'hubo, nuna dómina onde l'hamburguesa yera la escepción y nun taba de moda, como agora.

Comenzamos el programa falando con David Valdés, qu'acaba d'espublizar un llibru nomáu "Variat Mallorquí", onde recueye los meyores sitios pa comer esti platu en Mallorca. Si nunca sentisti falar d'esti platu, esti asturianu allugáu en Mallorca dende va años, va esplicate lo que ye, y tamién lo que nun ye, que ya ye ún de los mayores puristes del platu.

Acabamos el programa falando con Ana Paz Paredes, qu'acaba d'espublizar tamién, la segunda parte del so llibru Asturadictos. +Asturadictos. Nuevos sitios por descubrir, nuevos chigres onde comer, nuevos museos que visitar, nueves recetes que conocer, y hasta nuevos productos que probar.

Comenzamos el programa falando con Olaya y Rober, de Tiza y Peonza.  Diseñen la so propia ropa y complementos con nomes y frases n'asturianu, pero amás, na so tienda nel centru d'Avilés, vas atopar tou tipu de productos asturianos. Tan siempre atravesaos per tolos mercadillos d'Asturies. 

Acabamos el programa con Xurde Morán, que sigue percorriendo'l Camín de Santiagu. Tamos faciendo la ruta los Hospitales, a unos 1200m d'altura, na sierra de Fonfaraón. Falaremos de túmulos, de faraones, d'oru y d'hospitales, claro, que nun yeren como los conocemos anguaño.

Comenzamos el programa falando con Sergio Suárez, de la Sociedá La Peruyal, de Les Arriondes. L'últimu domingu del mes de mayu van sortiar dos menús degustación en tolos estrelles michelín d'Asturies para 1 solu ganador. Pa ello, hai que comprar dalguna de les papeletes que tan escosando nos comercios de la ciudá. 

Acabamos el programa colos Entremeses Repunantes de Sara Ceballos, Sweetllaceria, que vien a falanos de les bolses de plásticu de zanahories, de les patates frites conxelaes y de la kombucha. ¿Coincides nes sos repunancies?

Comenzamos el programa falando con Luis de Ca Mamina. Acaben d'entamar Les Esperiencies de Ca Mamina, onde mientres los fines de selmana d'estos meses de temporada alta, van ufrir delles actividaes siempre dientro de Les Regueres. Visitando los sos gochos asturceltes y les sos oveyes xaldes, pero tamién conociendo texedores como Paz Mesa, moliendo nel Molín de Picarín, amasando escanda y faciendo pan, y cómo non, too bien regáu con vinu y sidra asturianos y con comida nel Tendejón de Fernando. Amás, tienen esperiencies de fin de selmana. Entra na so web y nes sos redes pa enterate y apuntate. 

Acabamos el programa colo Piratas de Libertalia, los dos Joses, los más gevys d'Asturies vuelven con uno de los sos famosos Top 11, pero en Les Fartures, venceyando metal y gastronomía. Van enseñando una montonera xente que fae gastronomía nel mundu del heavy metal que de xuru nun conocéis y, amás, van ponenos unos temazos.

Comenzamos el programa falando con Borja Cortina, dueñu del Varsovia, ensin dubia, una de les cocteleríes más importantes del país. Borja foi campeón de la World Class Competitio en 2015 y ye maestru y cabezaleru de nuevos cocteleros que medraron al rodiu d'él. Vamos falar del gran nivel cocteleru que tenemos n'Asturies, del nuevu local qu'acaben d'abrir nel Vascu n'Uviéu y tamién de los vezos del veceru d'anguaño. Mientres tomamos un cóctel fechu por Borja nel estudiu, claro. 

Acabamos el programa colos Sabores y Saberes de Marcos Cienfuegos, que vien con ún de los llagaremos más innovadores d'Asturies, Tino Panizales, del Llagar Panizales. Falaremos con él de la historia de los llagares en Mieres, de los sos "inventos" al rodiu la sidra, con sidra, por exemplu, con marmiellos, sidra de xelu, sidra de fueu y munches más, y tamién, de cómo ve la situación actual nel mundu la sidra.

Comenzamos el programa falando con Nestor Bustelo, qu'acaba d'asoleyar el so trabayu fin de grau d'historia nomáu "Chigres y Trabajadores. La Sociabilidad informal en torno a las bebidas alcohólicas en la Asturias franquista". Una charra per interesante sobre la importancia de los chiogres pal mundu obreru y pal mundu rural. Falaremos tamién de la muyer nos chigres, y sobre manera, vamos poner el focu n'Avilés, ciudá con un cambéu espectacular por mor de la siderurxia. 

Acabamos el programa con Natalia, d'Animales Viajeros, que va llevanos a Valdeorras, n’Ourense, con una iniciativa de Turismu Galicia qu'abren de baldre toles bodegues de vinu de Galicia mientres el mes de Mayu. ¡Nun te lo pierdas!