Les Fartures

Comenzamos el programa falando con Carmen Ordíz, G de Gastronomía, qu'acaba d'espublizar el so primer llibru. "Los Productos Light Son para Gordos (Y las Modelos tienen Celulitis)". Un llibru onde desmonta tola estética montada en torno al cuerpu les muyeres, y cómo la gastronomía pue ayudanos a aceptanos a nós mesmos. Cunta amás con un capítulu fecho pol so pa, Ignacio Ordíz, médicu esteticista, onde desmonta los mitos de la celulitis nes muyeres. 

Acabamos el programa falando con David Remartínez, que vuelve al programa cola so Opinión de Mierda. Navidá, familia, turrones, frutos secos, patates frites con sabor y La Cocina los Colores.

Comenzamos el programa falando con Ricardo Sotres, Estrella Michelín n'El Retiro, en Pancar (Llanes). Acaba de reformar el local, y abrir n'antoxana de la so preciosa casa un nuevo Bistró. Un restaurante más informal, con precios más populares pa probar les sos propuestes. Guiñaes mexicanes por mor de la conexón cola zona, pero muncho guisu y cocina tradicional asturiana. Tenéis que probar esi Pitu Caleya con Mole Poblano. Amás va falanos de la so collaboración col Palacio de las Nieves, en La Felguera, pa rellanzar un hotel preciosu con un potencial enorme. 

Acabamos el programa falando con Marcos Cienfuegos, que vien colos sos "Sabores y Saberes". Güei vamos falar de la reedición del llibru "La Cocina en Asturias", de Carmina Fernández de Rivera, de 1971, qu'acaba espublizar la Biblioteca Central d'Asturies so la coleición "Amiestu". Cuntaremos amás con Pablo León, Direutor Xeneral de Cultura d'Asturies; y con Juan Miguel Llana, Direutor de la Biblioteca Central d'Asturies "Ramón Pérez de Ayala". Marcos amás, escribió'l prólogu d'esta nueva reedición.

Borja Alcázar, cocineru del Abrelatas, na Pola Siero. Y Sergio Carpio, ellaborador de la xinebra Ginkiber, son de Sariegu y conócense dende neños. Güei vienen a presentanos un llicor de guindes, "el llicor de los asturianos", qu'ellaboraron na fábrica de Ginkiber mientres 4 años.

Amás, Sergio acaba ganar una medaya bronce nos "World Rum Awards 2024" col so primer ron ellaboráu n'Asturies y avieyáu en barriques de carbayu francés.

Comenzamos el primer programa de la nueva era de Les Fartures con un homenaxe a David Rivas, que dexónos va pocos díes. Una perdida enorme p’Asturies, y ún de los pegollos fundamentales nesti programa.

Vamos facer un repasu a la so vida como profesor, como ilustráu, como sportinguista, como sidreru y, cómo non, tamién, como repunante.

Vienen a visitanos grandes amigos como Pepe Iglesias, Ezequiel Sánchez y

Javi Solís.

Últimu programa de Les Fartures. 

Comenzamos el programa falando con Noé y Kike, qu'entamen el primer Somiedu Beer Fest. Noe ye'l propietariu del Hotel Castillo del Alba, y Kike, en frente l'hotel abrió la Cervecería Dai onde ellabora la so propia cerveza. 

Va cellebrase'l 20 de Xunetu na Pola de Somiedu. 

Acabamos el programa con La Casa Gris, de Javi Solís y Verónica García-Peña, onde axunten lliteratura y gastronomía. Nesta ocasión vienen falar de "La Dama de Blanco", la novela de Wilkie Collins. Amás, aprovechamos que Verónica acaba d'espublizar una nueva novela, "Hasta morir la Muerte" pa falar d'ella. 

Y más nada, hasta equí Les Fartures. Puede que volvamos o puede que non, pero prestaríame davos les gracies por tar siempre ehí. Por muncho que trabayemos, por mui bien que lo pasemos, si tu nun tas ehí, nun paga la pena. Gracies peles muestres de cariñu, y tamién peles repunancies. 

Güei les banderes de los chigres d'Asturies ondeen a media asta. 

Besinos y Abrazos. 

David Castañón

Penúltimu programa de Les Fartures. Güei vamos a entrevistar a Mª Begoña López Fernández, Direutora Xeneral de Desendolcu Rural, Agricultura y Agroindustria. Vamos falar con ella de les polítiques que ta desendolcando'l gobiernu asturianu nel Primer Sector (como diz Begoña en cuanta del Sector Primariu). 

David Rivas pon el ramu a la so sección sidrera con un par de lleendes asturianes precioses al rodiu la mazana y la sidra. Un auténticu honor tenelo con nós esti tiempu.

Comenzamos el programa falando con Jaime Uz y Natalia Ampudia. Acaben de facese cargu de Cova Sacra, el restorán a los pies de la basílica y la cueva Cuadonga, que quier volver algamar la so grandeza de la mano d'esti cocineru estrella michelín. 

Seguimos con Blanca y David, qu'abrieron va 2 años Limonge Pastelería, en Roces. Una pastelería de barriu con xente de barriu pa xente del barriu. Falaremos d'au vien esi nome, que tien una hestoria prestosísima detrás, y tamién de toles coses bones que faen. 

Y acabamos falando con Abraham, Iñaki y Pachi. Abraham ye'l propietariu de Cervecería Riff en La Felguera, y acaba d'axuntase con Iñaki y Pachi pa entamar el Luarca Metal Days, un festival de metal en Ḷḷuarca’l próximu 12 y 13 de Xunetu.

Comenzamos el programa falando con Jesús Morata, el nuestru cocineru nel Estrella Michelín de El Retiro, qu'amás ellabora aceite en Xaen. Aceites Morata. Vamos falar con Jesús de cómo va ser la collecha d'esti añu, de los precios, pero tamién de la nueva experiencia d'oleoturismu que tan acabantes d'abrir. 

Acabamos el programa falando con Xurde Morán, que va falanos de la gastronomía de la Puela d'Ayande. Onde relluma La Nueva Allandesa percima de tou, ya inclusive falaremos del vieyu Far West ...

Comenzamos el programa falando con Raquel y Verónica, de Quesería Temia. Ún de los meyores quesos Afuega'l Pitu que tenemos n'Asturies. Primer quesería con rexistru sanitariu, nun pueblu onde malapenes viven 8 persones. Falaremos de cómo faen el so quesu, pero tamién d'otros quesos fuera d'Afuega'l Pitu que tamién tan sacando al mercáu. 

Acabamos el programa percorriendo'l mundu gracies a Natalia, d'Animales Viajeros (.es), que va llevanos a Cerdeña.

Comenzamos el programa falando con Salvador Ondó, ún de los meyores echadores de sidra d'Asturies. Acaba espublizar un llibru nomáu: "La Sidra, el ADN asturiano diferente al resto de la península", onde, amás de falar de la so biografía y premios echando sidra, fai un repasu a la cultura sidrera. 

Aprovechamos pa falar con él de cómo ha d'echase perfeutamente un culete sidra. 

Acabamos el programa falando con Marcos Cienfuegos y Lluis Nel Estrada. Lluis Nel acaba d'inaugurar una esposición na Biblioteca d'Asturies Ramón Perez d'Ayala nomada "Gastronomía y Papel", onde fai un repasu a tola lliteratura gastronómica asoyelada n'Asturies, tamién la de Les Fartures. Y de pasu, falaremos con Marcos Cienfuegos de los primeros llibros espublizaos por muyeres na cuenca del Caudal.