Les Fartures

Comenzamos el programa falando con Leandro Menendez, de la Cooperativa AgroEcolóxica de Cabranes. Falaremos de qué pasa pa qu'estos proyeutos espoxiguen tanto en Cabranes, lo prestosa que ye la cooperativa y, tamién de Funginatur, la empresa de Leandro, onde cultiva setes en tueros de viesques asturianes. 

Acabamos el programa falando con Víctor Ramos, presidente de la DOP Sidra d'Asturies, y Daniel Ruíz, so xerente. Falaremos de la campaña de branu qu'acaba d'asoleyar la DOP p'axudar al consumu de sidra ente la xente mozo. Y d'una montonera de coses tamién al rodiu la sidra.

Comenzamos el programa falando con Miguel A. Lurueña, autor del blog "Gominolas de Petróleo", doctor en ciencia y teunoloxía d'alimentos, ya inxenieru teúnicu agrícola. En 2021 sacó'l mercáu’l llibru "Que no te líen con la comida", y en 2023 "De Ultramarinos al Hipermercado". Vamos falar con él de lo bien y mal que comemos n'Asturies y del pesu de la industria agroalimentaria. 

"Comer bien nun ye caru, lo que pasa que comer mal ye mui baratu". 

Acabamos el programa falando con David Rivas,  la nuesa fonte de sabiduría particular. Falaremos con él del playoff d'ascensu a primera, del 80 aniversariu del desembarcu de Normandía y les eleiciones europees hasta de les universidaes privaes n'Asturies. Y tamién seguiremos afondando na simboloxía de les lleendes asturianes al rodiu la mazana y la sidra.

Comenzamos el programa falando con Sergio y Samuel, que faen Hidromiel Zángana. Equí, n'Asturies. Vamos falar del so procesu d'ellaboración, de por qué ye una bébora que ta "de moda". Y tamién del primer festival d'Hidromiel qu'entamen n'Asturies l'8 de Xunu. 

Acabamos el programa con La Casa Gris, la seición de Javi Solís y Verónica García-Peña onde axunten gastronomía y lliteratura. Güei vienen a falanos de Mery Poppins, amenacen con cantar ...

Comenzamos el programa falando con Pedro Caramés, Presidente de l'Asociación de Sidreríes de Gascona. Vamos falar con él de la XXIV Edición de la Preba de la Sidra que va facese mañana, cola participación de 16 llagares. Falaremos tamién de cómo la cai, a pesar de ser una de les más turístiques del país, caltién la esencia de les sidreríes, escanciando, con cancios de chigre y usando la llingua asturiana. Pedro tamién ye propietariu de la Finca, una de les meyores sidreríes de la cai. 

Acabamos el programa con Xurde Morán, falando del camín primitivu d'Uviéu a Santiagu. Tamos nel cascu urbanu de la Puela d'Ayande, falaremos un pocu de la so arquitectura, de les sos ilesies ya historia. Quedamos a la puerta de La Nueva Allandesa, de la que falaremos nel siguiente programa.

Comenzamos el programa falando con Moisés Noval, Presidente de l'Asociación de Criadores del Gochu Asturcelta. Vamos falar con Moisés de cómo fueron quien a recuperar esta raza, de la que malapenes quedaben exemplares, el procesu de recuperación y saniamientu y l'estáu d'anguaño, qu'anque siga siendo una raza aínda en peligru d'estinción, goza de bona salú. Falaremos de porqué ye una carne "premium" y de lo poco que la valoramos n'Asturies.

Acabamos el programa falando con Mariana, de La Miga de Mariana, cola que falaremos de pan, sí, pero tamién de les rellaciones de los pequeños negocios artesanos pa coles redes sociales. Del bien y, tamién, del dañu que se puede facer. Y acabaremos tamién falando de cómo les grandes cadenes acaben usando'l so poder pa fadiar a les pequeñes panaderíes artesanes. Inclusive rexistrando pallabres que prohíben usar por mor de la llegalidá, apropiándose del llinguaxe d'una manera xabaz.

Comenzamos el programa falando con Agustín Fernández, d'Anchoes Hazas.

Una empresa d'anchoes, allugada en Lluces, qu'acaba de ganar ún de los premios más importantes nel mundu l'alimentación. Una empresa pequeña, pero cuidando la calidá percima la cantidá, cuidando la calidá de vida del so personal, y que faen, de xuru, les meyores anchoes del mundu. Tenéis que probales.

Acabamos falando de Sidra con David Rivas, tamos afondando nel mundu la simboloxía de la sidra y la mazana n'Asturies. David desplica perfeutamente'l procesu del pasu del paganismu al cristianismu y cómo les lleendes y los santos cristianos provienen de los saberes antiguos.

Comenzamos el programa falando con Noelia Solla y Juanjo Cima. Segunda edición del Día del Tortu, o "TortuDay". Vamos falar de la importancia d'esti platu, d’en qué consiste esti día, d'au va facese, de les xornaes que lu acompañen, y de munches más coses con dos invitaos que ya son familia nesti programa. 

Y acabamos el programa percorriendo'l Camín de Santiagu con Xurde Morán. Tamos ya camín de la Puela d'Ayande, ún de les paraes gastronómiques más prestoses del camín.

Comenzamos el programa falando con Andres Poo, cocineru y propietariu del Restorán Sixto's. Allugáu en frente'l puertu deportivu de Xixón, nunca de les ubicaciones más prestoses de la ciudá, Andrés fai cocina mexicana asturianizada o cocina asturiana mexicanizada. La so historia axunta los dos países. 

Acabamos el programa con Natalia, d'Animales Viajeros, que va llevamos Más Allá d'Asturies na so seición falando de la Illa de Arousa.

Comenzamos el programa falando con David Fernández-Prada, de Gustatio. Lleva dende 1999 col programa de radiu al rodiu la Gastronomía "El Rincón del Sibarita". En 2010, creó Gustatio, empresa d'eventos y comunicación gastronómica, onde entama y entamó milenta eventos, concursos y ayudó a espoxigar a munchos restaurantes n'Asturies. Amás ye coordinador d'Eurotoques. Ún de los referentes de la gastronomía nesti país. 

Acabamos el programa falando con Mariana, de La Miga de Pan. Falaremos de cómo xestionar una baxa por enfermedá nos negocios artesanos, de cómo hemos de cuidar los equipos y de la importancia de la salú mental

Comenzamos el programa falando con Gustavo Forcedello, de Quesu Varé. Ensin dubia, ún de los meyores quesos d'Asturies, una quesería pequeña, artesana, onde Gustavo ellabora dellos quesos con lleche crudo de vaca, y tamién dalgún, con pasteurizao. 

Ye la primer quesería n'ecolóxicu d'Asturies. 

Acabamos el programa falando con David Rivas. Empezaremos el programa recordando la importancia de los 50 años de Conceyu Bable, a los que se-yos homenaxeó nesta Selmana de les Lletres Asturianes. Falaremos del venceyamientu de la sidra y la llingua asturiana. Tamién vamos siguir afondando na simboloxía nel mundu la Sidra, dende'l Rei Arturu hasta cómo grandes autores foriatos falando de la sidra asturiana. Y comenzaremos a falar de les lleendes dafechu asturianes al rodiu la mazana y la sidra.