Les Fartures

Comenzamos el programa falando con Fernando Paredano, qu'entamó axuntar etiquetes de Sidra pel añu 2001 cuando tenía una sidrería en Ḷḷuarca. 

Guei tien más de 8mil etiquetes, postales, cromos y publicidá al rodiu'l mundu la sidra axuntando de llagares de too'l mundu. Ayalgues pervalioses qu'asoleya na esposición que podéis visitar hasta'l día 12 de Mayu nel Casino Circuito Liceo de  Ḷḷuarca. 

Acabamos el programa col etnógrafu Xuan F. Piloñeta del coleutivu Beleno, que vien a falanos de Bichos del Ríu. Falaremos de les especies, de los sos nomes, poniendo especial enfotu nel salmón y'l peligru que cuerre. Tamién vamos falar d'artes de captura, de la situación que viven los ríos anguaño y del futuru.

Por cuenta qu'Uviéu ye Capital Gastronómica d'España 2024, salimos del estudiu y colamos pal Auditoriu d'Uviéu a facer un programa especial. Palló cuntamos cola presencia de la Conceyala de Festexos, Mocedá y Centros Sociales, Covadoga Díaz. Con Paloma y Jose Juan, de Camilo de Blas y con David Fernandez Prada de Gustatio. Con ellos falaremos de la importancia pa la ciudá d'esi nomamientu.

Comenzamos el programa falando con Blanca Fresno y Ricardo Semilla, de Dua Cerveza. Acaben de presentar una nueva cerveza fecha con Orbayu, el chocolate que creó y rexistró Jhonatan de Pastelería Cabo Busto. Una cerveza qu'amás, lleva Escanda Asturiana y Lleldu del Llagar Viuda de Angelón. Amás, Ricardo va falanos de les sos nueves cerveces con Juguetes Perdidos, una de les meyores cerveceres del mundu qu'agora tenemos la oportunidá de probales equí, n'Asturies. 

Acabamos el programa cola Casa Gris de Javi Solís y Verónica García-Peña, la sección onde axunten lliteratura y gastronomía. Güei vamos falar de Frankenstein, de Mary Shelley. Un llibru que tien más gastronomía de la que pensemos.

Comenzamos el programa falando con Ana Llano, que vien a falanos del 5 Festival d'Ecoturismu en Peligro d'Estinción, que va celebrase mientres esti mes de Mayu nos conceyos de Fuentes del Narcea: Cangas del Narcea, Ibias y Degaña. 

Una montonera d'actividaes venceyaes col mediu rural ya'l mou de vida de la fastera. Falaremos con Ana de qué ye ser Ecoturista, ya que, amás, ye la Presidenta de l'Asociación d'Ecoturismu d'España, y del turismu que queremos p'Asturies. 

Acabamos el programa con David Rivas, falaremos de la última polemiquina col mundu la sidra, onde la representante d'IX del Ayuntamientu de Xixón criticó sustituyir la entrega de medayes nun eventu deportivu por cuenta de dar un vasu sidra y la so invitación al alcohol. 

Falaremos tamién de los datos qu'asoleyó de venta la Sidra con Denominación d'Orixe. Tamién del empiezu d'escasez de mazana pa sidra n'Asturies. De la nueva normativa europea al rodiu la Sidra. De la biodiversidá de los páxaros nos matos. Y hasta falaremos de los resultaos de les eleiciones vasques.

El programa de güei ye un especial Bocarrampla. 

Bocarrampla ye la cabera aventura qu'entama Marcos Cienfuegos, y bien rodeáu de bonos collacios y de bon talentu. 

Nel so envís d'espoxigar les comarques mineres, Marcos ta faciendo por revitalizar les zones organizando dellos eventos como Bocamina, y nesti casu, Bocarrampla. Allugáu na Güeria d'Urbiés, un pueblín preciosu, va facer un eventu 10 persones en casa pase, y van facese namás dos pases (anque de xuru qu'habrá más feches nel futuru).

Pa ello, axuntose con Verónica de La Vallicuerra, con Carolina de La Caleyuca, y con dos grandes de la música asturiana, Alfredo González y Silvia Quesada. 

Tenemos too'l programa por delantre pa falar de lo que van facer, y sobre manera, de por qué.

Comenzamos el programa falando con Víctor y Rebeca, que faen Kombucha Sede. La kombucha ye una bébora "de moda" pero aínda desconocía pa munchos asturianos y asturianes. 

Falaremos de la so ellaboración, y tamién, per importante, de la so filosofía, cómo quieren caltener una producción artesano onde la maxa de los lleldos camuden esta bebida qu'a tanta xente-yos presta. 

Acabamos el programa con Xurde Morán, per corriendo'l Camín de Santiagu. Falaremos de la nomenclatura de los caminos de Santiagu, y falaremos de la gran bifurcación nel Camín Primitivu: dir a la derecha a la sierra de Fonfaraón, pol Camín de los Hospitales, onde había dellos hospitales de pelegrinos de lo qu'apenes queda nada; o dir a la izquierda, pel camín a la Puela d'Ayande.

¡¡ESPECIAL PROGRAMA 200!!

Entainamos esti programa especial entrevistando a Eduardo Méndez Riestra, qu'acaba de presentar nuevu llibru nomáu "Oviedo y la Gastronomía". Eduardo ye miembru de l'Academía de la Gastronomía Española, y Presidente de l'Academia de la Gastronomía Asturiana. 

Vamos falar con él, amás, de cómo ve la Gastronomía Asturiana. 

Acabamos el programa con David Remartínez, que vuelve pa esti programa espacial cola so opinión de mierda. Güei, va falanos de los últimos llibros gastronómicos que lu tienen namoráu.

Aprovecho pa davos les gracies por estos 200 programes. Hai mucho trabayu detrás, pero paga la pena viendo esti recibimientu y cariñu de toos y toes. 

Aprovecho tamién pa da-yos les gracies a tolos que collabores de davezu col programa. AnimalesViajeros, Verónica García-Peña, Javi Solís, David Rivas, David Remartínez, Xuan Piloñeta, Xurde Morán, Mariana, Tere Camacho, Marcos Cienfuegos. Ensin vosotros nun sería posible!

¡¡¡Programa 199!!!

Comenzamos el programa falando con Carlos San Miguel, de Confitería Carly; y Julio Menéndez, Julín, de La Raíz 15. La conexón Tiuya que ta dando tantes alegríes. Un valle escaecíu gastronómicamente, pero que tien munchu que dicir.

Confitería Carly ye un amiestu, de confitería, chigre, alministración de llotería y coctelería maraviosu. Carly fae amás uno de los meyores hoxaldres d'Asturies. Tenéis que probar so bollu y la so pegarata. Julín, ya conocíu nel programa y en Les Fartures, llinda con Tiuya, anque La Raíz pertenezca a Siero, y tien una casa de comides con una terraza prestosísima onde vas salir feliz de la vida. 

Acabamos con David Rivas, que vien a falanos del mundu la Sidra, pero tamién de la rellación de la mazana con Turquía, d'au vien de visitar de viaxe. Falaremos de la nueva Federación de Sidra Casero, que ta ocupando espacios perimportantes na sociedá asturiana. Falaremos del preciu la sidra.  Y acabaremos falando del tema de la la Mazana y la Mecánica Celeste.

Comenzamos el programa falando con Tania y Berto de El Patio de Butacas, una de les meyores cocteleres d'Asturies, dende la so Pola de Siero. Agora, amplíen mires y abren otru local n'Uviéu, nes instalaciones del céntricu Hotel España. Tamién vienen a falanos del premiu que-yos acaben de dar como bar más caltenible d'España, y de qué ye Urtica, la so nueva creación de cóctel con ortigues que van presentar al World Class, ún de los meyores concursos de coctelería. 

Acabamos con La Casa Gris, de Javi Solís y Verónica García-Peña, la seición onde axunten lliteratura y gastronomía. Güei vienen con "Alicia en el Pais de las Maravillas", que ta enllena de referencies gastronómiques.

Comenzamos el programa falando con Pablo Carrera, promotor musical d'A Mansalva y Pablo y Edu del La Felguera Coleutivu Cultural, qu'entamen el fin de selmana del 12-13-14 d'Abril el FICAL, el Festival Internacional de Cerveza Artesano de Llangréu. Más de 18 productores de cerveza artesano, de lo meyor d'Europa, conciertos, con xente como Los Berrones, Saratoga o la xira de despidía de Misiva, charres y muncho más n'ún finde cerveceru a esgaya en La Felguera.

Siguimos con otra folixa, pero del Pote. La III Folixa del Pote, qu'entama Ángel Lago, que dende la so cuenta de twitter @poteasturianu ta espardiendo la cultura del pote per Asturies. Axunta esti fin de selmana, nel Hotel Arniciu, nel Campu de Casu, un menú especial al rodiu del Pote.