Les Fartures

Comenzamos el programa falando con Jesúis González, de Ca Silverio. Una tienda de café especialidá allugada en Mieres. Falaremos de la diferencia d'un café d'especialidá con unu normal de los que tomamos de davezu y como ye perimportante que ganemos en cultura del café, por sabor, pero tamién por garantizar les condiciones de vida de les persones que trabayen d'ello. Ca silverio, amás de café, viendes delles coses más de les que vamos falar nesti programa. 

Acabamos percorriendo'l Camín de Santiagu con Xurde Morán. Salimos de Campieḷḷo, camín de Bourres. En Bourres ta documentáu nel añu 883, el primer hospital de peregrinos del Camín de Santiagu, ellí pararemos a conocer El Barín de Bourres. Llegaremos a la gran bifurcación, facer el camín de los hospitales o dir direutos pa la Puela d'Ayande pelos pueblos de les lladeres de la sierra.

Comenzamos el programa falando con Jhonatan, de Pastelería Cabo Busto. Ún de los meyores pasteleros que tenemos n'Asturies, vien a falanos d'Orbayu, el so propiu chocolate, que foi crear  a París pa poder patentalo. Falaremos tamién de la tarta quesu que fai col so propiu chocolate, pero tamién con quesu Rey Silo. De la so nueva web, con tienda online pa llevate les sos creaciones a to casa, y tamién d'un inventu nuevu qu'acaben facer pa ellaborar tartes de quesu pa hostelería. Tou ello ensin dexar de llau la so preciosa pastelería que tenéis que visitar en Bustu. 

Acabamos el programa falando de Sidra con David Rivas. Falaremos de la recién xubilación (con cambéu de manes, el negociu continua) de Sidrería Ataulfo. Falaremos de cómo pue aplicase la teoría infinitesimal al preciu la sidra y de la Simboloxía de la Sidra, dende los celtes al Cantar de Cantares pasando pela bruxería.

Comenzamos el programa falando con Llucía Fernández que vien a falanos de la 14 Edición de la Primer Sidre l'Añu, con cambéu nesta ocasión d'ubicación por mor de la Casa Conceyu de Xixón. Van pa L'Atalaya, de Cimavilla. 3 díes enllenos de sidra, de comida, d'actuaciones musicales, talleres d'echao, degustaciones, charres y actividaes pa neños y neñes. Falaremos tamién de lo que ye'l SidraCrucis y del so concursu de sidre casero fecho en madera. 

Acabamos el programa falando con Natalia, d'Animales Viajeros, que vien a falanos de la rexón Subbética, nel sureste de la provincia de Córdoba. Dellos municipios, alloñaos de les zones turístiques con muncho por descubrir. Natalia, amás, va aconseyanos abondos sitios pa dir comer pela rodiada.

Comenzamos el programa falando con Pedro y Lorena de Mantequilles Lorenzana. Empresa que llevan dende 1920 allugada en Tinéu trabayando con lleche 100% asturiano. Falaremos con ellos de qué-yos diferencia y-yos fizo tan famosos pel sur de la península. Y tamién del so muséu que podéis visitar nes sos instalaciones. 

Acabamos el programa percorriendo'l Camín de Santiagu con Xurde Morán. Tamos saliendo d'Oubona, nel conceyu de Tinéu. Vamos falar de lleendes, atravesaremos viesques precioses y atoparemos sitios onde comer pel camín.

Comenzamos el programa falando con Paloma de Blas, de Camilo de Blas. Una de les confiteríes más guapes y mítiques del país. Lleva abierta n'Uviéu dende 1914, en Xixón dende 1915, anque hubo de pesllar por cuenta la Guerra Civil, y volvió abrir la tienda en 2016. 

Famosa polos sos carbayones, por ser plató de películes y por formar parte de la vida de los asturianos, afondaremos tamién nos sacrificios que conlleva un negociu d'esti tipu.

Acabamos el programa con Natalia, d'AnimalesViajeros(.es), que va llevanos a la gueta la ñeve a Noruega. Y pa encima va llevanos bien de preciu, y contamos qué beben y comen allá alantrones.

Comenzamos el programa falando con Diego García, del restorán El Pintu, que cumple esti fin de selmana'l so sestu aniversariu. En tan pocu tiempu ya ye ún de los referentes na gastronomía asturiana faciendo'l llabor tan importante de da-y el sitiu que merez la gastronomía de la cuenca minera del Nalón, siempres escaecía por tolos reconocimientos y guíes de postín. Falaremos tamién del entamu tan prestosu que fae con El Pintu & Collacios, onde ta llevando a lo meyor d'Asturies a Llaviana. 

Acabamos el programa falando con David Rivas, que sigue afondando na Simboloxía de la Mazana. Rivas saca-y el posu y l'orixe a símbolos y histories que damos por supuestos dende cuantayá revisando la historia, histórica y simbólica, dende una perspectiva, de xuru, muncho más cierta de la que sabemos.

Comenzamos el programa falando con Inés Alonso, de Verde Menta. Acaba ganar el segundu premiu al meyor bombón d'Asturies en Salenor, con un bombón qu'amiesta chicolate con lleche, naranxa y ablana. Tien amás en Rovigo, entre Villaviciosa y Xixón, una de les pasteleríes más guapes d'Asturies en plenu mundu rural, onde fae una montonera de productos, amás de los bombones, de los que nos va falar. 

Acabamos el programa falando con Manu de Baja California. Grupu d’Hard Rock melódicu asturianu, los nuesos Bon Jovi, que presenten nuevu discu na Sala Acapulcu’l próximu 16 de Marzu. Y vosotros diréis, ¿qué mi mantu fai un cantante de rock nel programa de Les Fartures? Escuchá-ylu, va prestavos.

Comenzamos el programa falando con Mary y con Mon de Mesón el Centro. Una de les meyores pareyes de la gastronomía asturiana, allugaos na so Plaza Cupido del Porto de Veiga. Mary na cocina y Mon na sala son puru rock'n'roll, cocina de productu, col toque creativu de Mary y la esbilla de vinos de Mon. 1 Sol Repsol y menciones na guía Michelín, pero lo más importante, bona xente, y con gana de que la so casa sía la tuya. 

Acabamos el programa colos Sabores de Mieres de Marcos Cienfuegos. Falaremos de la 2ª Edición del Concursu la Callada por Respuesta y de la importancia de los callos n'Asturies.

Comenzamos el programa falando cola Casa Gris de Javi Solís y Verónica García-Peña. Vienen a falanos d'Edgard Alla Poe, de la gastronomía de los sos rellato. Igual nun vos entren munches ganes de comer dempués de lleelo, pero de xuru que conoceréis un pocu más el so mundu. 

Acabamos el programa con David Rivas, falando de la Simboloxía del Mundu la Sidra y la Mazana. Bonu, y hasta del posible mundial de fútbol en Xixón.

Comenzamos el programa falando con Israel Moreno, cocineru xefe del Estrella Michelín Ayalga, allugáu na mesma playa de Ribeseya, n'un hotel indianu de 1914. 

Falaremos de cómo un cocineru d'Albacete acabó namoráu d'Asturies faciendo cocina asturiana y algamando una entrella michelín. 

Acabamos el programa percorriendo'l Camín de Santiagu con Xurde Morán. Falaremos del Monesteriu d'Oubona, que ta esbarrumbáu, d'ehí ye la referencia más antigua a la sidra d'Asturies, nel SVIII. Deprendemos munches histories y lleendes del monesteriu.