Les Fartures

Comenzamos el programa falando con Antonio Palacio, d'Embutíos Naveda. Una pequeña fábrica d'embutios en Naveda, el conceyu de Cabranes. Falaremos de la so historia, de cómo modernizaron la so fábrica, de los sos productos, y, tamién, de los problemes qu'atopen pa sacar la so producción alantre. 

Acabamos el programa con Aitor Luis Vega falando de quesu. Ye ún de los nuesos mayores expertos queseros n'Asturies. Falaremos de la cultura quesera y de cómo, adulces, vamos ameyorando n'ella.

Comenzamos el programa falando de les XIV Xornaes del Chuletón, onde participen les Sidreríes Los Pomares, El Cuetu, Cabranes, El Pedreru y la Fueya de Tomás. Con carne de Trasacar y Sidra Contrueces. Falamos de les xornaes con Javier Trabadelo, respondable de vientes de Trasacar. Con Tomás Borge, dueñu de La Fueya de Tomás y con Iván Rubiera, llagareru de Sidra Contrueces. 

Falaremos tamién del XLII Certame de Quesu Afuega'l Pitu con Pepe Sariego. Ensin dubia, una de les persones más importantes de la gastronomía n'Asturies. Tamién entama'l XIV Concursu Mundial de les Casadielles. Y la fiesta gastronómica de Los Nabos. Too en Morcín, el so conceyu del alma. Falaremos de la importancia d'estes tres fiestes.

Comenzamos el programa falando con Laura, asturiana emigrada va unos años a Madrid. Ellí creó "Meriendas de Pasión" un blog gastronómicu enfotáu sobre manera nes llambionaes, pero que tamién xuega colos platos salaos. Falaremos tamién con Laura de los sos sitios favoritos pa comes postres n'Asturies. 

Acabamos el programa cola Opinión de Mierda de David Remartínez. Güei va falanos del premiu que-y dieron a Uviéu como "Capital Gastronómica d'España". Igual nun-yos gusta tolo que tien que dicir...

Comenzamos el programa falando con Bruno López, direutor xeneral d'Asturex. Ye un amiestu públicu-priváu col enfotu de dar a conocer el productu asturianu fuera de les nueses fronteres. Tamién el gastronómicu, a través de la so estaya "Tasting Asturias". Falaremos del so llabor, abondo desconocíu ainda pa los asturianos, y de cómo ven fora de les nueses fronteres los nuesos productos y la nuesa gastronomía. 

Acabamos el programa con Natalia, d'Animales Viajeros (.com), que va llevanos de viaxe a conocer Dublín. Va falanos de qué sitios has de visitar, onde puedes dormir y, cómo non, d'au has de comer (y beber).

Comenzamos el programa falando con David Montes, cocineru del programa de la TPA "El Carboneru" ya ún de les persones que más sabe de caza y gastronomía n'Asturies. Vamos falar d'un tema complicáu, la caza, y de cómo sacala de los platos tradicionales y usala como un ingrediente más imaxinativu na gastronomía. 

Acabamos el programa percorriendo'l Camín de Santiagu con Xurde Morán. Tamos en Tinéu, saliendo de la Villa y vamos facer una ruta cultural conociendo los pueblos de la redolada. Conoceremos palacios, torres, casones, horros y paneres. Conoceremos la historia de Pana, "l'últimu de Filipines", un personax famosu nel Camín de Santiagu, qu'arrecibía a los peregrinos.

Comenzamos el programa falando con Mirta, d'El Torneiro. Ye un hotel + restorán allugáu en Villayón, nun sitiu preciosu con vistes al valle. Ún de los meyores sitios onde comer pote asturianu, al estilu occidental, pero munches más coses, ente elles, el repollu rellenu. Dende va unos años, tienen amás, la so propia ganadería de vaques y gües casinos, que-yos da ainda más calidá. 

Acabamos el programa falando de la figura de Magdalena Alperi con Marcos Cienfuegos. Vien al programa, colos sos Sabores de Mieres, a falanos d'una de les muyeres más influyentes de la gastronomía asturiana.

Empezamos el programa falando con Brenda, de Corazón siempre al Norte. Un proyeutu qu'afonda na vida rural y nos antiguos vezos d'Asturies. Brenda percuerre Asturies y asoleya proyeutos onde axunta lo nuevu y lo vieyu. Una entusiasta de la naturaleza, que tamién fala de proyeutos gastronómicos. Falaremos con ella de por qué tien siempre'l so corazón mirando pal norte. 

Acabamos el programa con Natalia, d'Animales Viajeros, que vien a facenos una esbilla de pueblinos navidiegos que podéis visitar. Fuera d'Asturies, y tamién dientro.

Empezamos el programa falando con Jesús Morata, cocineru del Restorán con Estrella Michelín El Retiro. Jesús amás, llabora aceite d'oliva nel so Xaén natal, Aceite Morata. Vamos falar con él, amás de la so collecha y de la calidá del so aceite, de la problemática "de moda" d'esti añu pa col aceite. De quien ye la culpa de la xubida de precios, y de cómo ve'l futuru del aceite n'España. 

Falaremos tamién d'otru gran problema, esti más localizáu n'Asturies: la Castaña. Xuan F. Piloñeta pertenez al coleutivu Belenos, que lleva años trabayando pela recuperación y dignificación de la cultura y la etnografía n'Asturies. Falaremos de la cultura de la castaña n'Asturies, del so llinguax, de les sos variedaes, y de qué nos falta pa, siendo'l mayor castañal de la península ibérica, nun ser una potencia na industria de la castaña.

Comenzamos el programa falando con Nuria y Eduardo, que cultiven ostres na ría del Eo. Dende'l 2009 ta nel COPAE, y tienen so certificáu ecolóxicu. Faen unes 25000 al añu, y aínda son desconocíes pa munchos asturianos y los sos restoranes. Amás faen un Festival de la Ostra añal pal mes de Mayu.

Acabamos el programa falando con Natalia d'Animales Viajeros, que va llevanos a Lloret de Mar. Falaremos de qué sitios has de ver, onde puedes dormir y onde has de comer.

Comenzamos el programa falando con Tere, del Bar Camacho. Va preparanos un par de menús pa preparar en casa estes fiesta navidiegues. Menú facilinos pa que toos y toes podamos preparalos: pitu caleya, turrón de jijona, pastel de cabrachu, merluza al ayu o turrón de chocolate son dalgunos de los sos platos.

Acabamos el programa falando con David Rivas alrodiu de la Navidá, dende los sos oríxenes, hasta los venceyos que tien con Asturies y, tamién, la sidra.