Les Fartures

Güei vuelve Pablo de Cerveza El Cabanón a falanos de cerveza en Les Fartures, y vien acompangáu de Héctor de Viva la Birra. Tienda - Cervecería, allugada n’Uviéu, que lleva más de 10 díes años faciendo cultura cervecera nesti país.

Acabamos el programa percorriendo’l Camín de Santiago con Xurde Morán. Salimos d’El Crucero, y seguimos camín hacia la Villa de Tinéu. Atopamos palacios, casones, y conoceremos la historia de los Merás, ya ún d’ellos, Garci Fernánfez, acabó col famosu pirata Barbarroxa

Comenzamos el programa falando con Alfonso, de Tsubu, restorán xaponés d’Uviéu, allugáu na zona l’auditoriu. Cocina xaponesa onde amiesta, amás, tolos productos asturianos que puede, bebíes incluyíes.

Acabamos el programa con Tere Camacho (del Bar Camacho), que vien a facenos un Menú de Seronda, especial pa estes feches, Crema de Calabaza, Carrelleres al Vinu Tintu y Tarta de Castañes, pa que vos animéis a facelo nes vuestes cases.

Güei comenzaremos el programa falando con Jairo y Paula, del restorán Roble. Allugáu na Pola Ḷḷena, lleven abiertos dende 2018. Una familia que buscó la excelencia de la cocina y la sala a traviés de la so conciliación familiar, amosando "qu'otra hostelería ye posible". Tienen güerta propia. Elli vas poder esfrutar de clásicos de la gastronomía, asturiana ya internacional, y amás probar creaciones que Jairo fai na so cocina. Tienen 1 mención na Guía Michelín y 1 Sol Repsol.

Acabamos el programa falando de sidra con David Rivas. Lo primero falaremos de lo que-y supunxo'l premiu al so pueblu como Pueblu Exemplar d'esti añu y la visita de los Reis Españoles a los sos territorios. Falaremos amás de la introducción del tapón de rosca nes botelles de sidra vasco, y del nuevu echador llétricu que vien con adautador, amás, pa les botelles de sidra vasco.

Segundu Programa especial nel Parque de la Vida, muséu dedicáu a la ciencia en Ḷḷuarca.

Comenzamos el programa falando con Fernando y Pilar, de los Apartamentos Rurales, Pajar de Lima. Fernando, de Ḷḷuarca; Pilar, madrilana, organicen, amás, el Festival de Blues de Ḷḷuarca.

Falamos tamién con otru hotel de la zona, Villa La Argentina, una preciosa casona d'indianos del SXIX.

Luis del Restorán Villuir, en Viḷḷuir, va falanos de la so adautación como restorán per onde pasaba too'l tráficu a l'apertura l'autovía dende va unos años, y cómo siguen calteniendo la so calidá, y amás, ufiertando bodes y eventos.

Y acabaremos falando con Luis Laria, direutor del Parque de la Vida y culpable d'estos dos programes. Vamos falar de qué ye'l Parque, de los Calamares Xigantes, d'ecoloxismu y de la importancia del cambéu climáticu.

Comenzamos el programando falando con Marío, Silvia y María, del restorán TC28. 

Col lema "Make Mieres Great Again", ye ún de los meyores sitios onde comer n'Asturies, y tan ganando, o quedando finalistes, en tolos concursos de tapes y pinchos d'Asturies y d'España. Son finalistes por sextu añu consecutivu del Concursu de Tapes y Pinchos de Valladolid. Vienen de quedar terceros nel concursu internacional  "Sobre Bravas", en Palencia. Quedaron segundos nel campeonatu de pinchos de Madrid Fusión, primeros nel d'Asturies, tienen un Solete Repsol ... Nun paren. 

Siguimos el programa na cuenca'l Caudal, falando con Marcos Cienfuegos, que pal sábadu 4 de Payares tien entamáu un menú especial "sensorial" con SOTUFE (Socieda Festexos de Turón) alrodiu la Nueche d'Ánimes.

Programa especial nel Parque de la Vida, muséu dedicáu a la ciencia en Ḷḷuarca. 

Comenzamos el programa falando con Fernando Paredano, ún de los mayores  coleccionistes d'etiquetes de sidra, sobre manera asturiano, pero tamién de sidra de too'l mundu. 

Siguimos con Leticia Crespo, del restorán La Perla Negra, y tamién del míticu Restorán Sport, en Ḷḷuarca. Dos restoranes n'ún, especializaos en pexe y marisco. 

Ismael  González, conceyal de Turismu, Promoción Económica, Emplegu, Ciencia ya Innonavión y enerxía, va falanos de lo que tan faciendo nel Conceyu de Valdés pa desestacionalizar el turismu y facer del conceyu un sitiu guapu y sostenible onde vivir. 

Acabamos el programa falando con Jose Manuel, del restorán Villablanca. Otru míticu restorán de Ḷḷuarca, que lleva abiertu dende 1958.

Comenzamos el programa falando con Borja Alcázar, del restorán Abrelatas, de la Pola Siero. Vien a cuntanos que va abrir, dientro un tiempu, cuando acaben les obres, un nuevu restorán en Sariegu, nomáu Señaldá, onde va alloñase de toles modes gastronómiques y quier amosar la gastronomía asturiana faciendo un restorán "etnográficu". 

Sigue Xurde Morán percorriendo'l camín de Santiagu con nós. Quedamos l'otru día entrando nel conceyu de Tinéu y llegando a l'aldea'l Pedregal. Falaremos de Casa'l Coxu, una tienda-chigre d'antañu que peslló va unos años. Una historia preciosa d'homenax a esos "centros comerciales" d'otres dómines. 

Acabaremos nel Cruceru, onde s'atopa una de les mayores concentraciones de chigres prestosos d'Asturies: Casa Lula, Casa Emburria y Asador Rindión.

Comenzamos el programa falando con Lalo Méndez León, propietariu de la distribuidora de vinos Mendez León, y amás, de la bodega Siluvio, allugada en Cecos (Ibias). Una extensión de 7,5 hectárees al pie del Palaciu de los Ron, del SXV, qu'asemeya un Château francés. 

Asoleyó la so primer vendimia nel 2020, y añu tres añu, va ameyorando'l so vinu posicionándolu nos meyores restoranes y ganando premios. 

Javi Solís y Verónica García-Peña, vendrán a falanos, na so Casa Gris, de la gastronomía de la novela "Cumbres Borrascosas".

Comenzamos el programa falando con Hector Cosmen, del restorán Leitariegos. Allugáu nel Puertu, el pueblu más altu d'Asturies, nel conceyu de Cangas del Narcea, y a pocos metros de la estación d'esquí (que ya pertenez a Lleón), ye un restorán preciosu, que val pal branu y facer rutes como la xubida al Cuetu d'Arbas, o pel iviernu pa visitar la estación d'esquí.

Entamen unes xornaes con Antonio Cosmen, el so tiu, ganador en Vallecas del premiu al Meyor Cocíu Madrilanu, onde van cocinar esti icónicu platu.

Vien tamién a visitanos Natalia, d'Animales Viajeros (.es), y nesti programa va llevanos a percorrer la Costa Blanca. Diremos de la so manu conociendo los meyores sitios pa visitar, qué facer, onde comer, y tamién, onde dormir.

Comenzamos el programa falando con Néstor Viesca, del restorán Los Cabornos. Un restorán preciosu allugáu nel pueblu de Campiellos, en Sobrescobiu. Una antigua cuadra iguada, con unes vistes sobre'l banzáu de Sobrefoz, y un par de rutes facilines alredor pa depués poder comer nel restorán. Néstor fai unos callos y un cabritu de restallu, pero tamién amiesta cocina con toques más orixinales.

Tienen un cartelu namás entrar nel restorán que pon: "Lo más guapu qu'hai ye comer y querese".

Acabamos el programa falando con Elena Fernández, de Pan Duru. Nesta ocasión vien a falanos d'un alcuentru de muyeres qu'entamen en Les Regueres, dientro de les actividaes qu'organiza'l ministeriu d'Igualdá d'España. Muyeres que s'axunten y s'ayuden pa falar del so deprendimientu. Cómo non, habrá, amás folixa y gastronomía.