Les Fartures

Les Fartures

By Les FarturesArtsFood
Download on the App Store

Les Fartures episodes

  • Ma Petite Patisserie - Alrodiu la Sidra (Sidra Zarracina, Cuentos y canciones de Mazana, Muyeres del Llagar)
    Comenzamos el programa falando con Aymar Baliela, de Ma Petite Patisserie. Aymar empezó como bloguera, y dexó la so profesión como abogada pa montar so sueñu, la so propia pastelería. Experta en Tartes Fondant (de les que sacó un llibru va años), y en toles nueves tendencies reposteres, vien a la radiu a falanos de tolo que fai.
    Acabamos el programa falando con David Rivas de Sidra, falaremos del 125 Aniversariu de la muerte de Tomás Zarracina, de Sidra Zarracina, un republicanu que foi'l primeru en facer sidra espumoso. De cancioneros y cuentos populares alrodiu la mazana. Y de la presentación del llibru editáu pela Revista La Sidra "Muyeres del Llagar", del que ye epiloguista'l propiu David Rivas.
    56 min
  • La Candelaria de Mela - Camín de Santiagu con Xurde Morán (Tinéu)
    Comenzamos el programa falando con Mela, de La Candelaria de Mela. Lleva milenta años nel mundiu la hostelería, ya inclusive trabayó con Aitor Luis Vega, pero va unos años abrió la so propia hamburguesería en Sama. Va pocu cambió de local, pa onde taba'l Chigre del Llagar Alonso, un sitiu preciosu y con una terraza soleyera onde puedes probar alguna de les meyores hamburgueses d'Asturies. 
    Acabamos el programa percorriendo'l Camín Primitivu de Santiagu con Xurde Morán. Tamos en Tinéu, al pie del Palaciu Merás, y vamos facer un recurríu gastronómicu pelos chigres y confiteríes qu'ofrez la Villa. Falaremos tamién del Choscu, l'embutíu propio de la zona.
    55 min
  • AENFIPA (Comida Benéfica Fribromialxia) - La Casa Gris con Javi Solís y Verónica García-Peña (El Retrato de Dorian Gray)
    Comenzamos el programa falando con Alicia Suárez, presidenta d'AENFIPA, l'Asociación d'Enfermos de Fibromialxia y Síndrome de Fátiga Crónica. Van entamar el prósimu 16 d'avientu una comida benéfica nel restorán Peña Mea (Llanera) pa recaudar fondos pa l'asociación. Falaremos del eventu, pero tamién afondaremos nes enfermedaes y la so conciencia social. 
    Acabamos el programa con Javi Solís y Verónica García-Peña, que vienen a axuntar gastronomía y lliteratura na so Casa Gris. Güei, van falar de El Retrato de Dorian Gray, una de les meyores noveles de la historia y qu'amás está llena de muncha gastronomía, sobre manera, l'absenta.
    1 hr
  • Entre Copas - Falemos de Pan con La Miga de Mariana (Pan como centru de la Mesa)
    Comenzamos el programa falando con Fran y Patri, del restorán Entre Copas de Mieres. Fran anduvo por milenta restorantes tres estudiar hostelería, hasta qu'entamaron el so propiu negociu na so tierra en Mieres. Ellí vas atopar productu local, pero tamién del mundu, y eso sí, una cocina de primera. 
    Acabamos el programa falando con Mariana, que vuelve a la radiu pa tracamundiar tolo que pienses alrodiu'l pan. ¿Y por qué envede ser un complementu nun ponemos al pan como centru la mesa?
    55 min
  • Pablo Arbesú - La Opinión de Mierda de David Remartínez (Estrelles Michelín)
    Comenzamos el programa falando con Pablo Arbesú, cocineru, profesor d'hostelería dende va 23 años y collaborador d'una marca de fornos profesionales. Ún de los mayores conocedores de la gastronomía asturiana, y que va falanos d'ella dende la solombra de nun tar nuna cocina en primer llinea, pero tamién de cómo vienen los nuevos y les nueves cocineres. 
    Acabamos el programa falando de la reciente gala de Les Estrelles Michelín con David Remartínez. Crítica ácido, munches verdaes, y delles repunancies alrodiu'l negociu montáu colos michelines.
    1 hr
  • Hotel Castillo del Alba / Cerveza Dai - Alrodiu la Sidra con David Rivas
    Comenzamos el programa falando con Noé y Kike. Noé tien na Pola Somiedu l'Hotel Castillo del Alba, hotel de 3 estrelles que lleva abiertu dende 2001, y qu'amás tien un restorán onde vais comer perbien. 
    Vien acompañáu amás de Kike, de Cerveza Dai, que va unos años dexaron Les Regueres p'asitiase na Pola Somiedu, onde faen cerveza, y tien amás un Tap Room onde podéis probala, amás de nel hotel de Noé.
    Con David Rivas seguiremos falando de sidra, del sinificáu que tien pa los asturianos, y de temes más mundanos como la producción de mazana ya'l preciu la sidra.
    56 min
  • Bardial Cerámica - CachopuDay
    Comenzamos el programa falando con Sergio de Bardial Cerámica. Lo qu'empezó como un xuegu en forma de regalu de pareya, va camín de camudar nun mediu de vida. Pequeñes obres de cerámica, toes elles colo asturianu como protagonista y, munches delles, cola gastronomía asturiana.
    Acabamos falando con Juanjo Cima, l'amu del cachopu n'Asturies, propietariu y cocineru de Las Tablas del Campillín y La Taberna Asturiana. Va celebrar esti miércoles 29 de Payares la séptima edición del CachopuDay. Pero tamién falaremos d'hostelería, de música ... y de munches más coses.
    55 min
  • La Artesana - Menú de Seronda 2 por Tere Camacho
    Comenzamos el programa falando con Julia de La Artesana, chigre-tienda y apartamentos rurales en Pousada de Rengos, Cangas del Narcea. Va cuntanos lo guapu que ye aquello, lo bien que cocinen, los sitios que puedes conocer y tamién, les dificultaes d'entamar un negociu nel mediu rural asturianu.
    Acabamos el programa col segundu menú de Seronda de Tere Camacho, del Bar Camachu: ensalada de quesu con figos, garbanzos con setes y arroz con lleche.
    Felicidá
    56 min
  • Con Harina en mis Zapatos - Más Allá d'Asturies con Animales Viajeros (Les Maldives)
    Tenemos un programa enllenu de Natalies. 
    Primero vamos falar con Natalia Osorio, abogada, pero que tien un blog gastronómicu dende 2013 nomáu Con Harina en Mis Zapatos, enfotáu nos postres y les llambionaes. Sacó, va unos años, amás, un llibru del mesmu nome con 85 recetes. 
    Acabamos el programa cola otra Natalia, la d'Animales Viajeros (.es) que siempres vien a falanos de sitios onde dir fora d'Asturies. Güei va falanos de Les Maldives.
    55 min
  • Quesería La Huertona - La Casa Gris con Javi Solís y Verónica García-Peña (El Resplandor)
    Comenzamos el programa falando con Roberto Aramburu, de les Tiendes Aramburu, del so nuevu proyeutu, Quesería La Huertona. Un nuevu proyeutu de quesería n'Onís, apostando pelos conceyos rurales, y que cuenta con entrar dientro la DOP pal próximu 2024. Mientres vienden 5 quesos propios con un sabor asemeyáu.
    Dempués vendrán Javi Solís y Verónica García-Peña cola so Casa Gris, onde axunten lliteratura y gastronomía. Nesta ocasión vienen a falanos de la Gastronomía d'El Resplandor, una de les noveles más famoses de Stephen King. ¡Redrum!
    55 min

About Les Fartures

From the publisher's feed

Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).