Les Fartures

Comenzamos el programa falando con Aitor Luis Vega, el nuesu queseru de referencia, que vien acompangáu d'Aida Antuña, teúnica de Turismu de Llangréu. Güei Aitor nun vien a falar de quesos, anque habrá quesos como siempres pol mediu, vien a falanos d'un entamu perprestosu que fizo'l conceyu nel Ecomuséu de Samuñu con un Tren Gastronómicu a los 5 Sentíos. El mesmu recorríu al ecomuséu, pero con paraes probando dellos productos llocales del conceyu. Ellí vas poder atopar, sidra, bombones, conserves de races autóctones asturianes, cerveza artesano, arroz con pitu caleya, xinebra y ron fechos en Llangréu, y por supuestu, los quesos d'Aitor Luis Vega. 

Acabamos el programa falando con Marcos Cienfuegos, que vien a falanos de cómo llevó'l proyeutu de Bocamina a la fastera de Lleón. Bocamina on the Road!!

Comenzamos el programa falando con Álvaro y Carlos, del restorán Fumu. Allugau na zona centru de Xixón, son ún de los restoranes de moda d'Asturies angüaño. Faen cocina xaponesa tradicional con productu del Cantábrico. Falaremos con ellos de cómo amestar esa combinación. 

Acabamos el programa con David Rivas, que va siguir afondando nes referencies lliteraries n'Asturies al rodiu la mazana y la sidra. Bono, y como siempres, falaremos de munches coses más con él.

Comenzamos el programa falando con Valle García, d'Historias de Tierra. Una llicenciada en Belles Artes, qu'atopó'l so sitiu n'Asturies y entamó un taller de cerámica venceyáu a la gastronomía. Falaremos de la so filosofía, del so procesu creativu, y de la belleza al rodiu l'arte na gastronomía. 

Acabamos el programa falando con Juanjo Cima y Noelia Solla, que vienen a visitanos porque tamos a piques de celebrar una nueva edición del Día del Pote. O'l PoteDay. Falaremos de la importancia del Pote Asturianu, y de tamién toles actividaes y productos asturianos que dan a conocer n'esti eventu por mor d'él.

Comenzamos el programa falando con Rafa y Framber, del restorán L'Stanku, en L'Infiestu. Allugáu en plenu centru la villa, nunca casona del SVIII, faen una cocina con un toque distintu y personal. Falaremos amás del espoxigue cultural que vive agora mesmo L'Infiestu, onde L'Stanku ye parte per importante d'ello. 

Acabamos el programa viaxando a Cuba con Natalia d'Animales Viajeros. Conoceremos un pocu más de la so esperiencia, d'au durmieron, qué comieron y qué sitios visitaron.

Comenzamos el programa falando con Marta Roldán, que ye teunóloga de los alimentos y enóloga. Da formación nel Ciclu d'Ellaboración de Productos Alimentarios, y nel Grau Superior de Procesos y Calidá na Industria Alimentaria. Falaremos con ella de la importancia de la formación, de cómo tradición ya innovación han d'axuntase y de la gran dixuntiva entre la producción artesana o a gran escala.

Acabamos el programa con Tere Camacho, del Bar Camacho, que va preparanos dos menus: el primeru pal día de los Namoraos, pa que sorpriendas a la persona que más te preste. Y el segundu, típicu d'Antroxu pa esfrutar d'estos díes.

Comenzamos el programa falando con Patricia y Pedro de Mondo Manzana, la empresa qu'entama xoyes a partir de la magaya la sidra. Un proyeutu onde la sostenibilidá y el cuidu pol mediu ambiente ye per importante, pero onde tamién la guapura de les sos creaciones rescampla percima de tou. 

Acabamos falando col profesor David Rivas sobre sidra. Siguiremos afondando nos cancios y cuentos infantiles, y tamién vamos comenzar a falar de les referencies lliteraries pa cola mazana y la sidra. Y munches coses más, col profesor nunca se sabe.

Comenzamos el programa falando con Laura y Diego, del restaurante Tiós, nel pueblu del mesmu nome en conceyu Ḷḷena. Un restaurante preciosu, qu'amiesta a la perfección l'ambiente de de chigre de siempres con un comedor-cenador cubiertu con unes vistes precioses a too'l valle de Payares. Amás vas comer per bien, callos y corderu a la estaca de primera. Y munches más coses qu'ellos van cuntanos. 

Acabamos el programa falando con Juanjo Cima, propietariu del restaurante La Taberna Asturiana, de Xixón; y Las Tablas del Campillín, d'Uviéu. Vien a falanos del so nuevu cachopu con ¿chocolate? Y tamién de les xornaes del Pote que tien agora mesmo nos restoranes.

Comenzamos el programa falando con Paula Losa, qu'acaba d'espublizar un nuevu llibru de recetes ensin gluten nomáu "Esto es sabor, quien lo probó lo sabe". Falaremos con ella d'esi mundu ainda abondo desconocíu de les recetes ensin gluten, de la dificultá d'atopar bonos restoranes ensin contaminación, y de cómo toos podemos más sanu coles sos recetes, ensin quitar una pizquina de sabor.

Acabamos el programa falando con Xurde Morán. Siguiremos percorriendo'l Camín Primitivu a Santiagu. Ya vamos saliendo de la Villa de Tinéu, sierra p'arriba, ente castañeos, carbayos y fresnos. Llegamos a Oubona, falaremos de lleendes de Xanes, y tamién de la historia del mesmu monasteriu, con enigmes incluyíos.

Güei falamos de Quesu con Aitor Luis Vega, que vien acompangáu de Cristina, de Quesería'l Rebollín. Falaremos del so quesu Afuega'l Pitu, y les diferencies entre les delles variaes qu'esisten. 

Acabamos el programa con Javi Solís y Verónica García-Peña, y la so Casa Gris, onde axuntes lliteratura y gastronomía. Güei vienen a falanos de Rebeca, la novela de la inglesa  Daphne Du Maurier, famosa tamién pela so adautación a cine por Alfred Hitchcock.

Güei salimos del estudiu, aunque unos pocos metros más p'allá. Vamos hasta "Las Rías", ún de los templos del vinu n'Asturies. Una sidrería nel barriu del Llanu, en Xixón, que Felipe heredó de sos pas, y que, gracies al so porgüeyu nel mundu los vino, nun referente del mesmu. Falaremos de la so historia. Y tamién de lo bien que vamos comer elli. 

Na segunda parte del programa, ellí mesmu, montaremos un alderique prestosu al rodiu del vinu col mesmu Felipe, y con dos bonos collacios, Tano Collada, enólogu del Grupo El Gaitero, y Jorge Sibaritastur.