Les Fartures

Comenzamos el programa con Xurde Margaride, fotógrafu que lleva retratando la sidra dende va más de 20 años. Tien un par de llibros alrodiu d’ellu. Ye amás, ún de los nuesos mayores fotógrafos, tanto de paisaxe como de fotoperiodismu.

Acabamos falando con David Rivas, falando de cómo ve la sidra anguaño n’Asturies. Va poniendo los pegollos de lo que será la sidra nel futuru.

Comenzamos el programa con PAblo y Carlos, d’Alterna Sidrería. Una de les mayores sidreríes d’Uviéu, onde vas comer perbien y onde cuiden abondo la sidra. Tan nel barriu de Teatinos, pero abrieron va un tiempo, una sidrería nueva, enorme, preciosa, nel Rosal. Foron finalistes a la mejor Fabada del Mundu nel añu 2022 y 2023, y ganaron el concurso el Mejor Pote Asturianu nel añu 2019 y 2023. Ye amás, una de les 30 sidreríes que tien la marca de calidá Sidreríes d’Asturies

Seguimos con Eva, de la Asociación ELA Principado, que va falanos de la marcha solidaria que va facese en Llaviana mañana, día 25 de Xunu y que va acabar con un echao de sidra simultáneu na plaza’l conceyu. Van tener amás como maestru de ceremonies a Mon de Los Berrones.

Acabamos falando con Natalia, d’Animales Viajeros, que va llevanos a Rota (Cadiz).

Comenzamos el programa falando con Jorge Balsera, más conocía como Sibaritastur, que lleva dende 2008 falando de vinos ensin pelos na llingua nes redes sociales. También fae prebes, asesoramientos a restaurantes y “timbes vinícoles”.

Acabamos el programa falando con Marcos Cienfuegos d’un eventu qu’entamaron nel Muséu de la Mina d’Arnáu. La cuenca minera na costa asturiana.

Comenzamos el programa con Alejandro Casielles, que va unos entamó Quesería Casielles 1913, en Samartino (Siero). Y al pocu d’empezar ya ganó dellos premios nos World Cheese Awards cellebraos n’Asturies, que repitió na cabera edición en Wales. Acaba ser nomás Mejor Quesu d’Asturies 2023 na Fería del quesu y del vinu d’Avilés.

Seguimos con Alicia, que va falanos de Viña y Obra, un alcuentru que va cellbrase’l fin de selmana del 23 al 25 de Xunu nel Parador de Courias de Cangas del Narcea. Un alcuentru alredor del vinu y l’arte.

Acabamos falando con Natalia, d’Animales Viajeros, que va llevanos a Salamanca.

Comenzamos el programa falando con Alberto Ojeda, de Confietería Albert. Ún de los pasteleros más renomaos que tenemos n’Asturies. Tien la so pastelería en La Felguera, amás da clase na Escuela d’Hostelería de Valnalón, y ellabora postres pa dalgún restorán, como El Pintu o Farragua.

Acabamos con La Casa Gris de Javi Solís, que vien acompañáu de Rafa Valdés, direutor de la colección Calume, que traduz al asturianu noveles d’altor. Nesta ocasión falaremos de “Kim”, de Rudyard Kipling, y de la gastronomía de la novela, que va llevanos a un recorríu preciosu pela India.

Programa especial conexión cuenca minera del Nalón. Ye un programa con dos entrevistes, pero que ye como si fuere una, porque los entrevistaos tan presentes en too’l programa.

Comenzamos con Bea y Fer, de Sidrería Zamorano, posiblemente les mayores cebolles rellenes del mundu, y ún de los templos sidreros d’Asturies. Bea cocina a les mil maraviyes y Fer echa y cuida la sidra como pocos. 22 años ya pa 23 en L’Entregu.

Y acabamos con Mary y Javi, del Llagar Alonso. Javi, fiu de Mary fízose cargu del llagar va unos años, y, de xuru, que ye’l llagareru más mozu d’Asturies. Mary, cocinera y chigrera, ye la qu’ordena, manda, y consigue que salgas d’elli con una sonrisa de felicidá enorme. Tan acabando les obres nel so llagar en Ciañu p’abrir un nuevu Chigre-Tienda, a 200m del Ecomuséu de Samuñu.

Amás, Mary y Javi, y Fer y Bea caltienen una rellación llagar-chigre prestosísima que traspasó la rellación profesional.

Comenzamos el programa falando con Abel del despachu de cerveces de Xixón, el Sr.Lúpulo. Ye una tienda de cerveza onde también pues tomala, ya que tienen 4 cañeros onde van les van rotando. Famous pol so cartelu na cristalera onde pon: “La vida ye mui corta pa beber puxarra”.

Acabamos el programa falando con David Remartínez, de los caberos resultaos electorales y la so relación cola gastronomía.

Comenzamos el programa falando con Pablo Huerga Melcón, que vien a falanos del so llibru “Vavilov en España. Una odisea en busca de la Escanda”, un xenetista botánicu rusu que percorrió’l mundiu a la gueta de toles variedaes de grana col oxetivu d’acabar cola fame nel mundiu. También pasó per Asturies porque taba perinteresáu na escanda asturiana.

Acabamos el programa falando con Mariana, de La Miga de Mariana, que vien a falanos del sentíu común y los alimentos ecolóxicos aplicaos al pan.

Comenzamos el programa falando con Juanjo Cima y Noelia Solla, creadores del CachopuDay, del PoteDay y, agora, del TortuDay. Tan faciendo un percorríu pela cocina de sobrevivencia asturiana. El tortu quitó muncha fame n’Asturies, pero enxamás tuvo l’altor gastronómicu que merecía, asina qu’entamen esti día pa da-y l’homenax que merez. El próximu 31 de Mayu axuntarán en La Taberna Asturiana a delles personalidaes asturianes pa facer una folixa col tortu, y amás, unes xornaes pa que too’l mundiu pueda dir a esfrutalos. 

Acabamos el programa falando con Xurde Morán, tamos ya a les puertes de Salas. Pasaremos per Casazorrina, la Debesa col so torrexón y acabando na fábrica de Danone, que peslló les puertes va pocu dempués de decaes aprovechando de los recursos llecheros de Salas.

Comenzamos el programa falando con Alex Sampedro, cocineru y propietariu d’El Recetario de Alex. Restorán allugáu nel centru de Xixón. Alex lleva munchos años cocinando n’Asturies, anque vien de Madrid, criáu sol abellugu de Paco Ron. Conocilu cocinando en “Los Tres Caracoles”, cuantayá, la que foi la primer crónica escrita de Les Fartures, en 2007. 

Acabamos el programa falando con Natalia d’AnimalesViajeros.es d’Arxentina, qué ver, onde dormir y, tamién, qué comer.