Les Fartures

Güei tenemos un programa especial pa falar de Santa. Santa ye la cerveza qu’ellabora Fuensanta. Y pa ello, vamos dir hasta Ca Lin, restaurante allugáu n’Uviéu, qu’Hugo Ortíz volvió abrir va un par de meses, anovando la so carta pero calteniendo la esencia de siempres.

Falaremos con Esther Cueli, directora xeneral de Fuensanta; con Blanca Fresno, la so maestra cervecera; falaremos de la dificultá de competir coles grandes cervezas industriales españoles y de la experiencia pa cola cerveza dientro’l chigre con Hugo.

Comenzamos el programa falando con Germán y Marino, los dos hermanos llagareros del Llagar Germán, únicu llagar d’Avilés. Segunda xeneración, tienen un llagar piquiñín con unos 150000l de producción anual na zona del altu del Vidrieru, onde amás tienen una Sidrería (alquilada dende va años) onde venden la so propia sidra.

Acabamos el programa falando con David Rivas, d’eleiciones asturianes, de sidra y … tamién del derbi asturianu futboleru.

Comenzamos el programa falando con Pascual Cabaño, ún de los propietarios xunto a Ernesto Madera, de la Quesería Rey Silo. Pascual ye un gran defensor de los quesos de leche crudo. Foi la primer quesería en participar en Cheese, en Bra (Italia), la feria de quesos más importante del mundu. Tienen también como sociu a Jose Andrés, el famosu cocineru.

Acabamos el programa falando con Xurde Morán, seguiremos percorriendo’l Camín primitivu a Santiago, saliendo de Curniana ya camín de Salas.

Comenzamos el programa falando con Tere Camacho, del Bar Camacho. Tere traenos dalguna de les sos recetines dacuando, pero queríamos que viniera’l estudio pa falar reposao de la so cocina y la so trayeutoria.

Acabamos el programa falando con Marcos Cienfuegos, de lo que foi Bocamina, un eventu gastronómicu alrodiu la cultura minera que cellebrose esti mes pasáu nel Pozu Espinos, en Turón.

Comenzamos el programa falando con Jesús Morata, cocineru xienense nel Estrella Michelín El Retiro (que ya pudisteis escuchar nesti programa), qu’amás ye productor d’Aceites Morata. Aceite de recoyía temprano coles variedades Picual y Royal, una variedá llocal que recuperaron va pocu.

Seguimos falando con Marcos Cienfuegos, colos sos Sabores de Mieres, que vien a falanos d’el Valle de Cuna y Cenera, que ye un valle preciosu, de los pocos sitios de Mieres que nun tuvieron extracción de carbón.

Falamos con Penélope, del Serviciu de Normalización Llingüística de Ḷḷena, que tienen un entamu preciosu qu’axunta poesía y gastronomía mientres la Selmana de les Lletres Asturianes.

Acabamos el programa falando con Natalia, d’Animales Viajeros (.es), que va llevanos a los Alpes, y amás, en Camper.

Comenzamos el programa falando con Hugo Suárez, de L’Espumeru & Curuxera, el primer brewpub d’Asturies, ye dicir, un chigre qu’ellabora la so propia cerveza y la vende ellí namás. Amás, el so chigre ye una referencia faciendo pizzes napolitanes, con un fornu presidiendo’l llocal, que fizo que ganara’l premiu a la Mejor Pizza d’Asturies na so primer edición. Abrió va pocu otru llocal en Xixón.

Acabamos el programa falando con Jose Álvarez, o Jose el “de la Caja”, o el de la “Lata”, que cumple 1 añu al frente de Taberna Narciso, chigre preciosu en Samartín de Teverga, onde amiesta la vida de chigre, y la gastronomía, con una vida cultura prestosa. Va falanos de tolo que tien pensáu pa cellebrar el so primer aniversario.

Comenzamos el programa falando con David Rivas. Falamos de la importancia d’una DOP (Denominación d’Orixe Protexío), y de la polémicu d’un llagar al qu’el SEPRONA paró unos 40000 llitros por cuenta de la etiqueta poniendo “sidra asturiana”. Falaremos del llinguax, de cómo acotamos si ye asturiana una sidra o non.

Seguimos falando con Lluis Nel Estrada, qu’entama esti llunes 1 de Mayu una Arrozada Solidaria con dellos cocineros: David Montes, Rosa de Tellegu, Ana Fe del Cenador, Rosa de Casa Cristina y Raul de la Sociedá Gastronómica El Rinconín, a favor de delles organizaciones del conceyu La Ribera.

Acabamos el programa falando con Ricardo Farragua y David Remartínez, sobre’l Menú Arrieros que van facer nos próximos meses. La idea ye axuntase con dellos cocineros de la Vía la Plata qu’usaron los arrieros como transmisores de cultura y productos a lo llargo la historia. El primer menú va ser con El Roble, de Ḷḷena

Comenzamos el programa falando con Judith Naves, d’Astursabor. Empresa de conserves con platos cocinaos con races autóctones. Fae conserves con Oveja Xalda con Faba IXP, Potru Asturcón al Vinu de Cangas. Xata Asturiana de los Valles IXP. Xata Asturiana de la Montaña IXP, Pitu Pintu de Caleya, Gochu Asturcelta a la Sidra, Caldereta de Corderu Xaldu y de Cabritu Bermeyu … Amás tienen catering, un espaciu pa facer eventos y bodes con piscina propia y un Foodtruck que verás en toles fiesta de prau.

Seguimos falando con Toño Rodríguez, de la Cooperativa La Puerta de Muniellos, qu’acaben d’abrir un crowdfunding pa financiar un Bar-Tienda y Centru Ecosocial en Mual. Equí podéis collaborar → https://www.goteo.org/project/cooperativa-puerta-muniellos

Falaremos con él, amás del Fabón de Mual. Fabón que tien más resistencia a enfermedaes, polo que necesita menos manu d’obra. Tien amás la piel fina, ye más dixestiva, cremosa y de bona cocción.

Acabamos el programa falando con Nuria Nuñez, d’Acueo, del Festival de la Ostra que va cellebrase’l 28-29-30 d’Abril y 1 de Mayu en Castropol.

Empezamos el programa falando con Alejandro Arbesú del Campeonatu d’Aeropress d’Asturies. L’aeropress ye un métodu pa facer café percienciellu y que ta de moda ente los cafeteros. Ye un campeonatu abiertu a too’l mundu, y va cellebrase’l día 29 d’Abril nel Palaciu de congresos y exposiciones d’Uviéu nunca fiesta homenaxe al café.

Acabamos el programa cola Casa Gris de Javi Solís, que vien acompañáu de Verónica García Peña, y van a falanos de la gastronomía de Drácula.

—Bienvenido a mi casa. Entre libremente. ¡Váyase sin novedad, y deje un poco de la felicidad que trae! (Drácula, de Bram Stoker. 1897)

Comenzamos el programa falando con Aitor Luis Vega, que va falanos de les sos meses de quesos nos milenta eventos y bodes que fai a lo llargu l’añu. Son les meyores, y bien a cuentanos por qué.

Seguimos falando con Ana Llano, que vien a presentanos el 4º Festival d’Ecoturismu en Peligru d’Extinción, que va cellebrase estes selmanes nos conceyos de Cangas del Narcea, Degaña ya Ibias. Más de 30 actividaes venceyaes cola gastronomía, cola vida rural, col pan, col vinu, cola apicultura …

Acabamos el programa falando con Xurde Morán, que sigue percorriendo’l Camín Primitivu d’Asturies a Santiagu. Salimos de Curniana, y paramos nel Monesteriu de Curniana, que paga la pena facer un programa namás elli. Una historia apasionante pa un monesteriu que ta cayendo a día de güei.