Les Fartures

Les Fartures

By Les FarturesArtsFood
Download on the App Store

Les Fartures episodes

  • Cafés El Globo - Meyor Pote 2023 - Los Fervinchos de Susana Bohemia (Xabú)
    Empezamos el programa falando con Aida Sainz y Armando Villegas, de Cafés el Globo. Empresa asitiada en Salsas y que dende va unos años metió un emburrión importante a la so imaxe y calidá, enfotándose en cafés d’orixe y apostando polo que llamen “Café Circular”. Presenten agora un nuevo proyeutu nomáu “Tailor Made” onde axunten el café a los tos gustos, más ácidu, más suave, con menos cuerpo …
    Seguiremos con Miguel Llano, que ta en plena campaña pa saber cúal ye’l Meyor Pote Asturianu nesti 2023.
    Y acabaremos falando con Susana, de Flores Bohemia, que vien a falanos de fervinchos y recetas feches con Xabú (o Sabugu).
    55 min
  • XXXVI Xornaes del Cabritu en Llaviana
    Güei vamos a Llaviana a celebrar les XXXVI Xornaes del Cabritu, onde 16 restaurantes s’axunten pa entamar una de les fiestes gastronómiques más importantes d’Asturies.
    Un menu alrodiu’l cabritu, platos fuera de carta fechos con cabritu, y mucha folixa esti fin de selmana en Llaviana.
    Falaremos d’ello con Pablo Vázquez, conceyal de Turismo, Comerciu y Festexos de Llaviana.
    Y con dellos propietarios de restaurantes, con Rocío Estepa, presidenta d’AULAV (Asociación d’Autónomos de Llaviana) y propietaria de la Sidrería Vientu del Norte. Con Oscar Piloñeta, propietariu del Hote-Restorán La Pacha. Con Jhony Omaña, del Mesón la Mina. Con José García, de la Sidrería Campurra y con Sesé Fernández, de L’Albancia.
    56 min
  • Cena Klandestina - Falemos de Pan con La Miga de Mariana - Más Allá d'Asturies (Pueblinos de Burgos)
    Empezamos el programa falando col Cocineru Klandestín de la Cena Klandestina. Un concepto nuevu onde 10 persones van cenar xuntes ensin saber onde, qué ni con quien van cenar.
    Seguiremos con Mariana, de La Miga de Mariana, falando de pan, y de les llambionaes que tien preparaes pa los díes vinientes de Selmana Santa.
    Y acabaremos falando con Natalia, d’Animales Viajeros (.es) de dellos pueblinos de Burgos. Falaremos d’onde has dir y, poques gracies, d’onde has de comer.
    55 min
  • Muyeres A & Manes (La Tabernilla, Casa Chema, Umami) - Sidra Castañón
    El programa empieza con una entrevista a Beatriz Corgo, del restorán UMAMI, que vien a falanos d’un A6Manes de Muyeres con Remangu que van facer el prósimu miércoles 8M, por mor del día La Muyer, la mesma Beatriz, con Joaqui Rodríguez, de Casa Chema y Lucía Fernández, de la Tabernilla.
    Acabamos el programa falando con Alfonso Castañón y Marta García del Llagar Castañón. Falaremos de la so sidra, pero tamién de la importancia del SicerTurismu, del que son cabezaleros dende cuantayá.
    55 min
  • Casa Vicente - El Camín de Santiagu con Xurde Morán (Corniana) - La Historia de la Sidra con DAvid Rivas (años 80)
    Empezamos el programa falando con Manuela Martínez, Loli, de Casa Vicente. Restorán-Parrilla-Pensión n’El Peligro, en Tinéu, que lleva abiertu dende 1960, onde comenzó como chigre-tienda. Loli ye una chigrera de les que presten, que cuelga’l mandil y vien a falanos de la so vida. Pero nun ye’l fin de Casa Vicente, porque tien relevu, falaremos de tou ello na entrevista.
    Seguiremos con Xurde Morán, percorriendo’l Camín de Santiago. Falaremos de Corniana, un destín gastronomicu perguapu.
    Y acabaremos falando con David Rivas de la Historia de la Sidra. Tamos ya nos años 80, onde la sidra tien un espoxigue enorme, en parte gracies a la incorporación de la muyer a la vida social, y con ella, al chigre.
    1 hr 1 min
  • El Retiro de Ricardo Sotres - Quesería Bedón / Inserta Patiu con Aitor Luis Vega
    El programa empieza con una entrevista a Ricardo Sotres, estrella michelín n’El Retiro, en Pancar, Llanes. Falaremos de la so trayectoria, de lo complicáu d’algamar y caltener una estrella y del so nuevo proyeutu xunto a la xente del Varsovia nel Palace, en Xixón.
    Acabamos el programa falando con Aitor Luis Vega de quesos, que vien acompangáu de Sergio y Sandra, de l’Asociación Inserta Patio. Una asociación d’inclusión social pa xente con dificultaes que fai quesos na Quesería Bedón. Un proyeutu perguapu que ye un éxitu pa la fastera oriental asturiana.
    55 min
  • Nieto's American Burguer - Sabores de Mieres con Marcos Cienfuegos - Más Allá d'Asturies (Puebla de Sanabria)
    Empezamos el programa falando con Patricia Argüelles y Borja Nieto, de Nieto’s American Burguer, d’hamburgueses de calidá. Tienen una hamburguesería en La Felguera, onde ya lleven 8 años, ya inclusive ampliaron local pa facer entregues a domiciliu. Falaremos de l’hamburguesa que presenten al Campeonato d’España, nel que ya pasaron a la final dalgún añu.
    Seguiremos con Marcos Cienfuegos, col que falaremos d’un entamu prestosu nel conceyu de Mieres qu’axunta senderismu y gastronomía, o sea, Farturrutes (voi cobra-yos pela idea jeje).
    Y acabaremos falando con Natalia, d’Animales Viajeros, de la Puebla de Sanabria, un sitiu preciosu, venceyáu con Asturies, al qu’habéis de dir.
    55 min
  • Un Caribeño en Cerveza Caleya (con Carlos Agilvis y Pablo Cabanón) - La Casa Gris (La Parte de los Ángeles)
    El programa empieza con una entrevista a Carlos Agilvis, un venezolanu que tuvo munchos años faciendo cerveza nel so país y en Puerto Rico. Cerveza industrial, y que vino a Asturies namoráu pola so cultura a la gueta d’un sitiu onde facer la so propia cerveza. Esta ye la historia d’un caribeñu qu’acabó faciendo una de les mayores cervezas que conocemos en Cerveza Caleya.
    Acabamos el programa falando con Javi Solís de ‘La Parte de los Ángeles’, una película de Ken Loach qu’usa’l mundiu del whisky p’amosar la realidad social de los más desfavorecíos.
    55 min
  • Club de las Guisanderas - Falemos de Pan con La Miga de Mariana- Urriellinos
    Empezamos el programa falando con Herminia Nuevo y Ana Roza del llibru “Veinticinco años de las Guisanderas en Asturias”. Un llibru que recueye nun perguapu homenax los 25 años d’historia d’esti clú per onde pasaron grandes cocineres. Falaremos de la so hestoria, y aprovechando que ta con nós Herminia, falaremos tamién de Casa Nuevu, so restorán en Piarnu onde se comer perbien.
    Seguiremos con Mariana, y vamos falar de lo qu’ella opina de la moda los Panettones.
    Y acabaremos falando con Xuan, qu’ellabora xunto a la so ma Lola Inguanzo, los Urriellinos, unos bombones de chocolate cola forma’l Picu Urriellu. Viven y ellaboren los sos bombones n’Inguanzo, un pueblín preciosu de Cabrales.
    1 hr
  • Panadería Manin / Le Llamber - Historia de la Sidra con David Rivas
    El programa empieza con una entrevista a Alán García, reposteru y panaderu de Panadería Manín y Le Llamber Sucre, en Cangas del Narcea, ún de los meyores que tenemos n’Asturies. Falaremos de la so trayectoria, de les sos tiendes y de cómo too eso puede facelo afitáu en Cangas del Narcea.
    Acabamos el programa falando con David Rivas, col que seguiremos afondando na historia d’Asturies al través de la sidra. Tamos na dómina los 60-70 del sieglu XX, onde la sidra ta arrequexada nos chigres.
    55 min

About Les Fartures

From the publisher's feed

Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).