Les Fartures

Empezamos con una entrevista a Aitor Luis Vega, que torna al programa de radiu dempués d’un branu enllenu d’eventos y bodes cargáu de trabayu al rodiu del quesu. Falamos de cómo’l so equipú ye quien a ello pa sacar alantre’l so trabayu.

Seguimos con David Rivas, que sigue falando de la historia de la sidra poniendo como excusa la sidra. Seguiremos falando de cómo’l movimientu obreru tuvo los primeros problemes cola sidra ya’l alcoholismu.

Y finamos con Marcos Cienfuegos, que sigue falando de los Sabores de Mieres. Esta vez vien acompañáu de David Remartínez pa falanos de los sos últimos estudios de la historia de la gastronomía d’esti conceyu.

El programa entama con una entrevista a María Mone de Shiitastur. En pleno andanciu, un matrimoniu que trabayaba en Madrid dexó’l so trabayu y entamó una empresa pa fabricar setes shiitake nun monte de Balmonte. Una historia preciosa de xente qu’abandonó la ciudá pa medrar nun pueblu de 10 habitantes mientres cria a les sos fíes.

Siguimos con Xurde Morán, que va falanos siguir percorriendo’l Camín de Santiagu. Güei va llevanos al pasu de Les Asturies d’Uviéu y Les Asturies de Tineo. Dexando atrás Gráu siguimos avanzando por Asturies.

Finamos el programa con La Casa Gris de Javi Solís, que vien acompañáu de Sidoro Villa Costales. Va falanos de la so novela “A Estaya”, una novela enforma sidrera que fala de muncho más que del mundiu la sidra.

El programa entama con una entrevista a Juanjo Cima y Noelia Solla, creadores del CachopuDay. Un día onde homenaxeen al Cachopu dende ún de los restoranes de Juanjo: Las Tablas del Campillín, y onse axunten delles personalidades asturianes alrodiu d’un bon cachopu. Falaremos del eventu y de por qué’l cachopu nun dexa indiferente a naide.

Siguimos con Natalia, d’Animales Viajeros, que vien a falanos de Chipiona.El pueblu onde vivió la má grande … después de Maria Valle Rosso.

Préstanos tanto David Remartínez, que si nun puede venir de domingu, metémoslu de sábado. Va repunanos na so Opinión de Mierda de les Patates Lays de Quique Dacosta, o de cómo dellos cocineros estrelles pretenden facer pasar como daqué “cool y saludable” dalgo que nun lo ye.

Programa especial en Laviana pa falar de la so gastronomía.

Empezamos con una entrevista a Julio García, so alcalde. Seguiremos con Pablo Vázquez, conceyal de Desendolcu económicu, turísticu y festexos. Rocío Estepa, presidenta d’AULAV, Asociación d’Autónomos de Llaviana.

Y finamos con Diego de El Restaurante El Pintu y Jose de Confitería Conchi, qu’acaben de ser nomaos “Cocineros de Paisaje” pola Conseyería de Turismu d’Asturies.

El programa empieza con una entrevista a Alberto Méndez, ún de los propietarios de Pan de Ibias. Acaben de ganar la Miga d’Oru 2022, el premiu al meyor pan d’Asturies. Falaremos de la so historia, de los sos productos ya intentaremos quitar la zuna que diz que n’Asturies nun se fai bon pan.

Seguiremos con Mariana, de La Miga de Mariana, la nuesa collaboradora panadera, que va siguir falándonos de la cultura del pan y va ayudanos a escoyer un bon pan cuando vamos a la panadería.

Finamos cola Opinión de Mierda de David Remartínez, que va repunar de los Comunicadores Gastronómicos, incluyíos colaborador y presentador del programa.

El programa entama con una Edorta Lamo, cocineru y propietariu d’Arrea. Restorán allugáu en Campezo, Álava. Ún de los cocinero más reconocíos por mor de los sos famosos pintxos que facía nel so anterior local nel centru Donosti, Fuego Negro. Agora, alloñáu de la ciudá, fai una cocina col producto que tien alredor, y tamién pensando nel so pueblu. Primero cocineru con un restorán fuera d’Asturies que vien a Les Fartures.

Siguimos con Luis Coto, que va falanos del XXII Certame de la Castaña Valduna, que va cellebrase esti fin de selmana en Les Regueres. Falaremos de la diferencia coles castañes normales, y de cómo son un pilancu fundamental pa l’alimentación del gochu asturcelta.

Acabaremos con David Rivas, que seguirá falando de la Historia de la Sidra. Falamos de la cultura del chigre y la sidra.

El programa empieza con una entrevista a Iván, director del Hotel Rey Silo. Asitiáu na plaza de Pravia, en frente’l Palaciu de Moutas y la Colexiata, ye un hotelín piquiñín, de 12 habitaciones, onde vas comer perbien. Productos de Pravia, una de les mayores güertes d’Asturies.

Seguiremos con falando con Lluis Nel Estrada, organizador del Festival Gastroḷḷar, que va entamar mañana nos conceyos de la montaña central asturiana. Un Festival que va axuntar a dalgún de los meyores cocineros asturianos y de la península, que va falar de l’Asturies vaciada y de cómo potenciar los dos productos.

Finamos cola Opinión de Mierda de David Remartínez, que va repunar de KFC (Kentucky Fried Chicken), ún de los sitios onde nun has dir a comer enxamás. Y va explicate porqué.

El programa entama con una entrevista a Manuel Suárez, cocineru y propietariu del Eseteveinte, restorán allugáu n’Uviéu. Un cocineru fechu a sigo mesmu y amás, gran amante de los vinos.

Siguimos con Marcos Cienfuegos, que trai los sos Sabores de Mieres, que vien acompañáu de David Remartínez. Van falanos del papel que tuvo la emigración popular y burguesa nel desendolcu de la gastronomía de Mieres y de la cuenca minera en xeneral.

Acabaremos con Javi Solís y la so Casa Gris, que vien acompañáu de Verónica García Peña, bifinalista del Premiu Planeta, que va falanos de Gastronomía y Lliteratura, nesta ocasión de Harry Potter.

El programa empieza con una entrevista a Tesa Portillo y Javi Espina, creadores de Cantábrica Agricultura Urbana. Un proyeutu de dos biólogos que facer “Vertical Farming” aforrando espaciu nun local d’Uviéu. Un proyeutu perinteresante pa la gastronomía.

Seguiremos con Xurde Morán, col que vamos siguir percorriendo’l Camín Primitivu de Santiago pela fastera de Grau. Tiraremos p’Acebéu xubiendo pal Fresnu, la frontera tradicional entre “les Asturies d’Uviéu” y “les Asturies de Tinéu”.

Finamos cola Opinión de Mierda de David Remartínez, que va repunar de la perda de costume d’atopar Caldos nos chigres d’Asturies.

El programa entama con una entrevista a Hugo Priede, cocineru de La Industria. Una cervecería que sorpriende en Sama de Llangréu pola so cocina. Un cocineru autodidacta qu’amiesta delles cocines con productu local. Ún de los meyores sitios pa comer con cerveza n’Asturies

Siguimos con Néstor Fernández, cocineru de la Jamonería, restorán d’Uviéu. Que van cellebrar esti fin de selmana’l so 28 Aniversariu. Amás, van facelo nel Palaciu de Merás de Tineo coincidiendo col ChoscoFest.

David Rivas siguirá falando de la Historia de la Sidra, nesta ocasión afondaremos en cómo l’espardimientu de la sidra foi venceyáu a la proletarización de la población.

Acabaremos con Paz Rellán, que vien a falanos del Festival Entrelatas que va cellebrase esti fin de selmana en Candás.